4
पबित्तरो आत्मा सिधाङ (झालाझालापा) दोअ्हि कि न्हुसो लोका समयता धाताइका दुस्त आत्मा कालाउ मासानको सिधानताभारि मन लागाइतेङ खान्धुरिसोको लाअ्तेङ हानावा | 2 धाताइतेङ काथा दोका द्याङ्गेलाइको सलिन्हाका पाहासोदोङ या जेनावा,जेदोङ्गेलाइको पुन्धिङ धाङ्का फालाम डागाइका भाइपा जेङ्खे , 3 इम्बालाइ बिहु पालि रोकिखे , खान्धुरि पाकागेलाइ कालाउ सत्ये काथा गिकागेलाइ धन्यबाददोफाङ ग्रहन पालि गोइका परमेस्वर सिरजाइका चाका-आम्का आमेनेसो फारामा हिलि आदेस पिखे | 4 परमेस्वर सिर्जाइका हिदोइबुङ काथा असल हि,कालाउ धन्यबाद दोफाङ ग्रहनपाहेपानु हिदोइ आमने इन्कार पालि मागोइखे | 5 हाइपानु इङ्को परमेस्वरको बचन कालाउ दोमचाकासो सुद् जेङ्खे | 6 एदि ना ओनेगेलाइको आगाता इदोइ सिकस्या ताअ्पिनापानु नाङ्को आनुसार पाका असल सिदान्त कालाउ खान्धुरिको वचनता पाको जेङ्तेङ ना ख्रिस्त येसु:को असल सेवक जेनाना | 7 भक्तमाहिका कालाउ अर्थमान्थुका हाइदोङ मान्थुका काथागेलाइसो एकदम फारापा हिसु | भरू ताइमिहेङ भक्तिता तालिम पि | 8 हाइपालिपानु जिउको तालिम आतुङ्सा थेकापा खिनिङ भाअ्सिङ फाइदा जेङ्खे,कालाउ परमेस्वरदोङ खभक्तिचाहि चाहि गोतेङ प्रकारसो फाइदा हिखे, हाइपालिपानु इदैइता एलाउ कालाउ न्हुसोको जिवन न्हेमिको भाअ्सिङ प्रतिग्या हिका हिखे | 9 इदोइ दोअ्फा भानाइ निसित हि कालाउ गोताङ काथासो ग्रहन योग्य हि, 10 हाइपालिपानु इदोइ उधेयस्यसो केलाइ परिश्रम कालाउ कोसिस पान्हाखे, हाइपालिपानु केलाइको आसा सिन्हुका परमेस्वरता ताअ्का हिनाखे,जाइ गोताङ द्याङ्को बिसेस पातेङ वाको हुता खान्धुरि पाकागेलाइको मुक्तिदाता छुटकारा हि | 11 इदोइ काथाको आग्या पि कालाउ धिरपा | 12 धान हिना दोतेङ हासुबुङ नासेहेङ म्हुइका (मारेम्का) माठान्याको,कालाउ खानधुराइगेलाइको आगाता बोलिचालि,बानिबेहोरा कालाउ प्रेमता, खान्धुरिता कालाउ गोताङ सुद्ता काथागेलाइसो खारिका ना एनोङ उदाहरन जेङ | 13 का मालोका थेकापा धर्मसास्त्तर पाठ पातेङ्सा हिङ्पालि बानाल पालि कालाउ धिरपालिको भासिङ ध्यान पि | 14 नादोफा हिका बरदानसो हेलचेक्राइ मापा,जेदोङ बरदान एल्डरगेलाइ इम्बालाइको खुर नाहुता ताअ्लाउ अगमबानिसो नासेहेङ मिलिका हिघाखे | 15 इदोइ कर्तब्य कामगेलाइ मानेसु | इम्बालाइताङ लागितेङ हिसु,कालाउ नाङ्को प्रगति (रेम्का) काम पाका झाराङ तिनाको | 16 ताइको बारेता कालाउ ताइको धिर्का बिसयता बारेता होसियार जेङ्सु | इदोइ काथाता लागितेङ हिसु | एसाङ पातेङ पानाङ ना ताइमिहेङ कालाउ हिङ्कागेलाइ सुधाङ बान्चिपासुवाना |