2
झाराङ खान्तेङ लाम्फा का सेउपाखा कि,गोतेङ द्याङ्गेलाइको भाअ्सिङ नम्र-निबेदन,दोम्चाका कालाउ झाराङ्को माझाको बिन्ति कालाउ धन्यबाद पिसु, 2 राजागेलाइ कालाउ गोताङ बारका पदता हिकागेलाइको भाअ्सिङ्बुङ कालाउ केलाइ माथिसिङ कालाउ सान्तिसो जेङ्तेङ हेदोङ किसिमसो धार्मिक कालाउ रेम्का जिबन भोगिलि दोकाइने | 3 केलाइको मुक्तिदाता परमेस्वरको नाजरता या असल कालाउ एकदम रेम्का हि | 4 गोताङ द्याङ्गेलाइ छुटकारा निनाको कालाउ इम्बालाइ सत्येको ग्यानता लाको दोअ्का इच्सा वा पाखे | 5 हाइपालिपानु परमेस्वर एनोङ्दोङ हि,परमेस्वर कालाउ द्याङ्गेलाइको माझाता वादोङ झाराङको मध्येस्तबुङ एनोङ्दोङ हिका हि द्याङ,ख्रिस्त येसु: | 6 वा झाराङ्को लाअ्पाकको मोलको भाअ्सिङ ताइमिहेङ सोम्पिपिहि,जेदोङ काथाको साकसि ठिक समयता पिहि | 7 याकोङ भाअ्सिङ का प्रचारका कालाउ प्रेरित नियुक्ति जेङ्घा, कालाउ खान्धुरि सत्येता भेनाङ जातिगेलाइको भाअ्सिङ चाहि गुरु जेङ्घा | का जातिङ्को दोअ्दोङ्खा, का माधाताइखा | 8 ओदोङ भाअ्सिङ गोताङ थामेता वाबालगेइ पबित्तरो खुर तोल्हेतेङ माचेरसुसिङ मानाइसुतेङ दोम्चाकाइयाको दोअ्का का चाहिखा | 9 एसाङ पातेङ का चाहिखा कि तिरिगेलाइ सरल, सजिलो कालाउ रेम्फासो सोबाइका लोखन धावा लागाइ यावाको,पुसिहेङ हेन्सा साजाइपातेङ,सोना,मोति कालाउ हेन्जा जाङ्का लोखन धावागेलाइ लागाइतेङ सा माको , 10 कालाउ रेम्का काम पातेङ्सा जेलाउबुङ ठिकठाक जेनाको,जाइ परमेस्वरको भोक्ति पालि तिरिगेलाइहेङ सोबाइखे | 11 तिरि(बेबाल) पुरा दुःखकोदोफाङ सिकापा हितेङ्सा धिराको | 12 कालाउ तिरि, वाबालहेङ धिर्पाका कालाउ वाबालाइहुत्ता खाबारा पाका कामता अनुमतिमाप्याङ्का,कालाउ ना सिकापा हिसु | 13 हाइपानु आदमदोङ लामफाङ सिरजाइका हिगाखे इन्तासो हब्बा | 14 आदम सलिका पाका माको,कालाउ तिरि चाहि झुकिपातेङ अपराधता परेका हि | 15 कालाउबुङ,एदि वा रेम्का तिरिकासो खान्धुरि प्रेम कालाउ पबित्तरोता हिनुपानु जामालको जोलोम जेङ्लाउ वा बान्चिप्यवा |