3
केलाइ नेलाइकोता लोलि दोअ्का मान्थुनाहि कालाउ र्-हुलिबुङ निकोङ गारो जेङ्तेङ हि | केलाइ नाङ्कोता तिमोथिहेङ दिङगिल्लि,कालाउ ताइमि चाहि एथेन्सता हिलि निर्नय पानाहि | तिमोथि केलाइको आनाङ ओने | वा परमेस्वर दोफा ख्रिस्तको ये:बानाल द्याङ्गेलाइको माझता बानाल पाका काम पाखे | 2 नेलाइहेङ ताइको खान्धुरिता धिरिद्द कालाउ उत्साह पिलि केलाइ तिमोथिहेङ दिङ्गिल्का हिनाहि | 3 केलाइ तिमोथिहेङ दिङ्गिल्का हिनाहि ताकि केलाइ सामाना पालि गोइका बिपतिहेङ नेलाइ थिलि मागोयाको | नेलाइहेङ याददोङ हिघाहि,कि केलाइहुता इदोइ बिपति गेलाइ जेनाङ्दोङ | 4 जेलाउ केलाइ नेलाइदोफा हिघानाहि केलाइ नेलाइदोफा दोअ्का हिघानाहि कि केलाइ बिपत्तिमा सामना पालि गोइखे, कालाउ नेलाइ गिसुखेना कि जेसाङ केलाइ दोअ्का हिघानाहि कि एन्साङ जेङ्हि | 5 ओदोङ भाअ्सिङ तिमोथिहेङ नेलाइकोता नेलाइको खान्धुरिको बिसयता गिलि दिङ्गिल्का हिघाहि | जेलाउ का एघुरिबुङ र्हुम्लि मादोअ्घा वासेहेङ दिङ्गिल्घा | का थिका हिघाखा हिसोबुङ मासान नेलाइहेङ जाचिहि कि कालाउ केलाइको गोताङ महेनत बेकार जेङ्हि | 6 कालाउ तिमोथि नेलाइकोसो ताइको भ्रमनसो एलाङ खिनिङ घुरितेङ थुकाकालि लोहि नेलाइको बिसयता प्रेम कालाउ इङ्को खान्धुरिको सुभ-बानाल केलाइहेङ हिङ्पाहि | वाकोसो बुझिनाहि कि नेलाइ केलाइहेङ जेलाउबुङ फोमपासुखेना कालाउ केलाइहेङ भेतिलि बारका इच्सा हि, केलाइहेङ एन्साङ जेङ्तेङ हि | 7 ओदोङ भाअ्सिङ,दाइ-ओनेगेलाइ,बाइ-ओनेगेलाइ,नेलाइको खान्धुरिहोइ केलाइ ढुक्क हिनाहि | केलाइहेङ हेन्जा दुःख कस्त हि कालाउबुङ केलाइ नेलाइको खान्धुरिबारेता हिङतेङ निस्चित हिनाहि | 8 परमप्रभुता नेलाइ बलियातेङ जाअ्लि दोसुनापानु केलाइको जिवन जातिङ्भारि पुरा जेनाङ | 9 परमेस्वरको आगाता नेलाइकोङ कारनसो लेङ्चाका हिनाहि (खु:सि) | ओदोङ्को भाअ्सिङ केलाइ परमेस्वरहेङ धन्यबाद पिनाखे | इदोइ गोताङ आनन्दको भाअ्सिङ केलाइ परमेस्वरहेङ हेन्जा धन्यबाद पिलि द्वाङ रो?| 10 नेलाइको भाअ्सिङ केलाइ न्हिसिन कालाउ नितिम उत्साह पुर्बक परमेस्वरदोफा दोमचाकाइतेङ हिनाहि | कालाउ कि नेलाइहेङ भेतिलि हानिलि केलाइहेङ सम्भब जेनाको कालाउ नेलाइको खान्दुरिता लोका हिदोइबुङ कमि ता केलाइ पिलि द्वाका | 11 केलाइको दोमचाका हि कि केलाइको आबा परमेस्वर कालाउ केलाइको परमप्रभु येसु: ख्रिस्त नेलाइकोता लोका दामा हिप्यावा | 12 केलाइको दोमचाका हि कि परमप्रभु नाङ्को प्रेमहेङ बादाइ प्यावा कालाउ कि नेलाइको ताइ-ताइमिता कालाउ गोताङ द्याङ्गेलाइता प्रेम लागातार पोङ्घातेङ बोध्याको केलाइ दोमचाकाइयाङ कि केलाइ नेलाइहेङ प्रेम पाका भाइपा झाराङ्ता प्रेम पासु | 13 नेलाइको हृदय धिरिरत ज्याको दोअ्तेङ केलाइ या दोमचानाखे | जेलाउ केलाइको प्रभु येसु:ताइको गोताङ पबित्त्तरो जनगेलाइ दोफा ल्वाङ,नेलाइ परमेस्वर केलाइको आबाको आगाता पबित्त्तरो कालाउ निस्क्लङ जेङ्स्वाना |