1 Thessalonians
1 थिस्सलुनीकियों
1
पावल,सिलवानस कालाउ तिमोथि थेस्लोनिकिता हिका मण्डलिहेङ सेउपाखे,जेदोङ मण्डलि परमआबा परमेस्वर कालाउ प्रभु येसु: ख्रिस्ता हि परमेस्वरको अनुग्रह कालाउ सान्ति नेलाइहेङ ह्याको | 2 जेलाउ केलाइ दोमचाकाइलाउ जेलाउबुङ नेलाइ साराङहेङ फोमपानाखे कालाउ नेलाइ झाराङ्को भाअ्सिङ परमेस्वरहेङ धन्यबाद पिनाखे | 3 नेलाइको खान्धुरिको भाअ्सिङ कालाउ जेदोङ काथा नेलाइ पाका हिसुना इङ्कोङ भाअ्सिङ केलाइ जेलाउबुङ दोमचाकाकाइलाउ परमेस्वर केलाइको आबाहेङ धन्यबाद पिनाखे | कालाउ प्रेमको कारनहोइ नेलाइ पाका कामको भाअ्सिङ वासेहेङ धन्यबाद पिनाखे | केलाइको प्रभु येसु: ख्रिस्त नेलाइको आसाको कारन होइ र्-हुमतेङ हिकाता केलाइ नेलाइहेङ धन्यबाद पिन्हाखे 4 दाइ-ओनेगेलाइ कालाउ बाइ-ओनेगेलाइ,परमेस्वर नेलाइहेङ प्रेम पाखे | केलाइ गिनाखे वाआङ नेलाइहेङ ताइको बानाइलि साल्हि | 5 केलाइ नेलाइकोता ये:बानाल चुमानाहि | कालाउ केलाइ सब्द खिनिङ मापिनाहि,इङ्को ये:बानाल सुधाङ सरबुङ्बुङ पिन्हा हि | या केलाइ पबित्त्तरो आत्मादोङ कालाउ निसित बुद्धि पाहासो चुमाना हि जेदोङ सत्ये हि | इङ्को सुधाङ नेलाइ दोफा हिलाउ हेसा हिसुना इङ्को बुङ नेलाइ गिसुना | 6 कालाउ नेलाइ , केलाइ भाइपा कालाउ प्रभु भाइपा जेङ्सुना | नेलाइ हेन्जा दुःख निङ्तेङ्बुङ आनन्दसो सिक्स्या ग्रहन पासुन्हा इङ्को आनन्द पबित्त्तरो आत्मा पिका हि | 7 म्यासिदोनिया कालाउ अखैयाको गोताङ खान्धुराइगेलाइको भाअ्सिङ नेलाइ एलोङ उदाहरन जेङ्सुना | 8 म्यासिदोनिया कालाउ अखैयाता नेलाइसोङ परमेस्वरको सान्देस चारचाराहि | कालाउ परमेस्वरदोफा नेलाइको खानधुरि गोताङ थामेको द्याङ्गेलाइ बुझिहि | ओदोङ भाअ्सिङ नेलाइको खान्धुरिको बारेता केलाइ हाइदोङ दोअ्लि मागोयाङ | 9 जेलाउ केलाइ इनता हिलाउ नेलाइ जेदोङ असल तरिकासो केलाइहेङ सुइकार पासुना,इङ्को काथा गोतेङ भारि पाखे | नेलाइ हेसा मुर्ति पुजिलि लाअ्सुना कालाउ हुसि हिका कालाउ सत्ये परमेस्वरको सेवा पासुन्हा इदोइको बारेता बुङ ओबालाइ काथा पाखे | 10 परमेस्वरको चान स्वर्गसो लोका आसाता नेलाइ मुर्तिपुजा लाअ्सुना परमेस्वर वाको चानहेङ सिकासो सिन्चाल पाहि | वा येसु : हि ज्याइ परमेस्वरको लोका चेरसो केलाइहेङ बान्चिपावा |