कुलुस्सियों 4

माझनगेलाइ, ताइको सेवकगेलाइहेङ काम आन्सार जेदोङ ठिक कालाउ रेम्काहि पि |याद ताअ् कि स्वर्गता नाङ्कोबुङ मालिक हि | 2 ताइमिहेङ डोमचाकाता अर्पन पाअ् | कालाउ जेलाउ दोमचाखाइखेना दिनाङ परमेस्वरहेङ धन्यबाद चदाइ | 3 नेलाइको भाअ्सिङ्बुङ दोमचाकाइसु , परमेस्वरहेङ दोमचाकाइसु कि वा वाको सान्देस द्-याङ्गेलाइहेङ दोअ्का माउका केलाइहेङ प्याको | दोमचाकाइसु, कि परमेस्वर ख्रिस्तको बारेता दोअ्पिका जातिङ्को रहस्य बानालइपालि केलाइ योग्य जेङ्लि द्ववाको | का कैदिता हिघा हाइपालि पानु का इदोइ सत्ये धिरपाखा | 4 नेलाइ दोमचालि दोस्वाना कि झाला-झालापा सत्ये का द्-याङ्गेलाइहेङ व्याख्या पालि योग्य जेङ्लि ड्वाको , का इङ्कोङ पालि गोइका हि | 5 खान्धुरि मापालाकाइदोफा व्यवहार पालि बुदिमानि जेङ लाम्फा पिका तरिकाता नासेहेङ पिका मौकागेलाइ प्रयोग पासु | 6 जेलाउ ना काथा पाखेना नम्रता कालाउ बुदिमान दोफाङ व्यवहार पासु | इदोइ प्रकारहोइ गोताङ द्-याङ्हेङ ठिक दोफा उत्तरा पिलि नेलाइ योग्यजेङ्स्वाना | 7 टाइटिकस ख्रिस्तता काङ्को प्रिय आनाउ ओने हि,प्रभुता वा एमि खान्धुरि सेवक कालाउ काङ्को साघाइका ओने , का दोफा घतेका गोताङ काथागेलाइको बारेता वा नेलाइहेङ दोअ्प्यावा | 8 ओदोङ भाअ्सिङ का वासिहेङ नेलाइकोता दिङ्गिल्खा,केलाइ हेसापातेङ बान्चितेङ हिनाहि,इङ्को नेलाइ गिसु दोअ्का का चाहिखा | नेलाइको उत्साह्को भाअ्सिङ वासिहेङ दिङ्गिल्खा | 9 ओनेसिसमसिस दोफा वा लोदोङ्खे,ओनेसिमस एमि कालाउ खान्धुरि योग्य कालाउ सोना ओने हि | वा नेलाइकोङ समुहको हि,टाइकिकस,ओनेसिमस नेलाइहेङ इताको गोताङ हालखबर दोअ्प्यावा | 10 अरिस्ताखस सेउपाखा पिगिल्काहि,वा बुङ कादोफाङ कैदता हि | कालाउ वा बारनाबासको काकाको चान ओने मर्कुसबुङ सेउपाखा दोअ्का हि | मर्कुसको बिसोयोता नासेहेङ निर्देसन पिका हि,एदि वा लोहि पानु वासेहेङ्बुङ स्वागत पा | 11 येसु:बुङ(वासिहेङ जस्टसबुङ दोअ्खे) ताइको सेउपाखा पिगिल्दोङ्खे | वा यहुदि खान्धुराइगेलाइ खिनिङ हि ज्याइ का दोफा परमेस्वरको सारभिको भाअ्सिङ काम पा दोअ्खे | ओबालाइ काङ्को भाअ्सिङ सु:खको कारन जेङ्का हि | 12 येसु:ख्रिस्तको सेवक इपाफ्रासबुङ ताइको सेउपाखा पिगिल्का हि,वा नेलाइकोङ जेरकोदोङ | वा दिनाङ नेलाइको भाअ्सिङ दोमचाकाइखे | नेलाइ आत्मिक रुपहोइ परिपक्क जेङ्सु कालाउ परमेस्वर चाहेका गोताङ आमेने नेलाइ दोफा ज्याको दोअ्तेङ वा दोमचाकाइखे | 13 नेलाइको भाअ्सिङ कालाउ लाओडियासियाको कालाउ हिरापोलिसको द्-याङ्गेलाइको भाअ्सिङ कालाउ हिरापोलियसता मेनाङ हेन्जा खतेका हि,का इदोइ गिखा | 14 डेमास कालाउ केलाइको आनाउ प्रिय भाया बैध लुका सेउपाखा पिगिल्दोङ्खे | 15 लाओडिसियाको दादा-ओने कालाउ बाइ-ओनेगेलाइ केलाइको सेउपाखा हिङ्पापि | केलाइको सेउपाखा निम्फसहेङ कालाउ मण्डलिहेङ ज्याइ वाको साता जोम्लि दोअ्पि | 16 इदोइ चिट्ठि नेलाइ पदेलि दोतेङ निस्चित जेङ्सुकि या चिट्ठि लाओडिसियाताबुङ पदेहि | कालाउ जेदोङ कालाउ जेदोङ चिट्ठि लाओडिसियाता पिगिल्घा,नेलाइ पदेसुना | 17 'प्रभु वाको दोफा भरोसा पाका सेवाको काम निस्चित जेन्तेङ पासु'' दोअ्तेङ अर्खिपसहेङ दोअ् | 18 का,पावल ताइकोङ खुरहोइ नेलाइहेङ सेउपाखा लेखिदोङ्खा | याद ता,का कारागाराता हिगा | परमेस्वरको अनुग्रह नेलाइको ता ह्याको |