कुलुस्सियों 3

जेलाउ नेलाइ सि:कासो ख्रिस्ट दोफाङ ल्होपान्हाहि स्वर्गको इङ्को आनेमानेगेलाइ निङ्का कोसिसपासु जेता परमेस्वरको दाम्पाहाभारि ख्रिस्टहेङ योम्पाका हि | 2 स्वार्गकोङ काथागेलाइ खिनिङ सोचे, सुमिङ माको | 3 नेलाइको पुर्ना पापमय जिवन सि:लि दोका हि कालाउ नेलाइको एलाको नावा जिवन परमेस्वरता ख्रिस्ट दोफा | 4 ख्रिस्त नाङ्को जिबन हि,जेलाउ वा ल्वाङ,नेलाइ वाको दोफाङ महिमाता तिङ्स्वाना | 5 ओदोङ भाअ्सिङ गोताङ मारेम्का काम गेलाइहेङ ताइको जिबनसो पान्साइसु जेसाङ कुसुमि,(पातार्नि,कासिबिरि,सिनारि,लेसाइका) असुदता,आखेका इच्सा,दि:का जेदोङ मुर्तिपुजा भाइका दोङ | 6 इसिका काथा गेलाइहोइ आग्या मामानिकालाइ हुता परमेस्वरहेङ चेरतामपापिखे | 7 लाङ-लाङ नेलाइबुङ इस्काङ कामपाकाताङ एसापादोङ जिबन बिताइपाघासुखेना | 8 कालाउ एला इदोइ काथा गेलाइ हेङ ताइको जिबनसो खेङ्सु | चेर,क्रोध म्हितुका,मन्दामाताका कालाउ काथा दोसुलाउ लेदरखुदेरका सब्द गेलाइ प्रयोग मापासु | 9 नेलाइ ता-ताइमिता माधाताइसु | हाइपालिपानु कि नेलाइ ताइको पापमय जिवन कालाउ इङ्को जिवनदोफा चलिका काथा गेलाइ थाइगिल्लि दोकाहिसुना 10 एला नेलाइ नावा जिवनता बान्चिलि तेङ्का हिसुना | नावा जिवनता नेलाइ गागातार नावा जेङ्तेङ हिसुना नेलाइ ताइको जिवनता भाइपाङ माजेङस्वाना,इदोइ नावा जिवनहोइ नेलाइहेङ परमेस्वरहेङ साचिकोङ रुपता नालपालि चुम्पावा | 11 इदोइ नावा जिवनता ग्रिक कालाउ यहुदिगेलाइको माझाता हिदोइबुङ फाराक मान्थु | खाताना पाका कालाउ मापाका द्-याङ्गेलाइ नाते बिदेसि नाते सिथियानको माझाता हिदोइबुङ आन्तार मान्थु | बान्धाइति कालाउ खुक्का द्-याङ्को माझाता हिदोइबुङ फरक मान्थु | कालाउ इङ्को गोताङ खान्धुरिगेलाइता ख्रिस्त हि कालाउ ख्रिस्तदोङ सर्बपरि हि | 12 परमेस्वर केलाइहेङ साल्हि कालाउ पबित्तरो बानाइहि | वा नेलाइहेङ प्रेम पाखे,एसापा नेलाइकोता नोमका माया गेलाइ,दाया,मनको नोमका,दुःखता कालाउ धर्य खिलिगोइखे कालाउ एसापाङ धर्यवान जेङ्सु | 13 ताताइमिता सहिलिदोका जेङ्सु,यदि हासुबुङ हासुकोङ हुता नालिस हिहेपानु वासिहेङ माफ़ पि | ना आरूहेङ सय्मा पि जेसाङ प्रभु नासिहेङ सय्मा पि | 14 इदोइ गोताङपा कालाउ झाराङ खान्तेङ मुख्य काथा चाहि ताताइमिता माया पासु | इदोइ प्रेमदोङ हि इदोइदोङ नेलाइहेङ पक्का एदोफाङ हिलि एलोङदोङ बानाइहि | 15 ख्रिस्तको सान्तिहोइ नेलाइको हृदय काबुता ताअ्ताको | नेलाइ सान्ति निङ्सु दोअ्तेङ एनोङ्दोङ जिउता ताइका हिसुना,हेलाउलाउबुङ धन्यको जेङ्सु | 16 ख्रिस्तको सान्देस नेलाइको लिता समृदि भावानाको ज्याको | ता-ताइमिता सिकस्या पिसु कालाउ द्वद बानाइलि गोताङ बुदि लागाइ | परमेस्वरहे हृदयसोङ धन्यबाद चराइतेङ भजन,ल्हे कालाउ आत्मिक स्तुतिगेलाइ लेसु | 17 नेलाइ जिस्काबुङ धुइसुखेना,जेदोङ पासुखेना नाङ्को प्रभुयेसु:को भाअ्सिङ् पा येसु:पाहासो आबा परमेस्वरहेङ धन्यबाद पिहि | 18 बे'गेलाइ,ताइको के' को खाबाराता हिसु | प्रभुको खान्धुराइगेलाइ को भाअ्सिङ या थिक हि | 19 के' गेलाइ, नेलाइको बे' गेलाइहेङ प्रेम पासु,कालाउ ओबालाइदोफा नम्रका जेङ्सु | 20 जामालालाइगेलाइ,नेलाइको आबा आमाइको दोअ्का गोतेङ काथा किसु,इदोइ होइ प्रभुहेङ खुसि बानाइखे | 21 आबा गेलाइ,नेलाइको जामालगेलाइहेङ निरास माबानाइसु,एदि नेलाइहेङ खुसि बानाइलि मादोहेपानु इम्बालाइ गति लाअ्तावा | | 22 सेबकगेलाइ,जिस्काङ काथाता बुङ ताइको सांसारिक माझनगेलाइ दोअ्का किसु | माझनगेलाइ मालोलाबुङ इमानदारिसो काम पासु | हाइपालिदोनु नेलाइ द्-याङ्गेलाइहेङ लेङ्चापालि भोतेङ हिका हिसुना | नेलाइ प्रभुहेङ दोङ लेङ्चापालि चेस्टा पातेङ हिका हिसुना | ओदोङ भाअ्सिङ इमान्दारि पुर्बक आग्या पालन पासु हाइपालि पानु नेलाइ प्रभुहेङ सम्मान पादोङ सुखेना | 23 काम हिसिकाबुङ ह्याको नाङ्को योग्यता होइ भेतेका ठेकापा रेम्फापा | प्रभुको सेवा पादोङ्खेना एसापा पा ,कालाउ द्-याङ्हेङ माको | 24 याद्ता,परमप्रभु नेलाइहेङ पुरस्कार प्याङ , वा ताइको द्-याङ्गेलाइहेङ हाइपिलि प्रतिग्या पाका हि इङ्को नासेहेङ प्याङ | नेलाइ प्रभु ख्रिस्तको सेवा पादोङ सुखेना | 25 याद्पा हासुबुङ भुल पाहेपानु,इङ्कोङ आन्सार वा दण्ड भोगिलि गोयावा | प्रभुले झाराङ्हेङ ए सामान व्यवहार पावा |