फिलिप्पियों 3

कालाउ एला काङ्को दाइओने -बाइओने गेलाइ ! प्रभुता आनन्द जेङ्सु | जेलाउ यादोङ नेलाइहेङ झन सुरुक्स्य ताताङ इङ्को काथा घुरि-घुरि लेखितेङ हिलि कासिसहेङ हाइदोङ कस्ट भाइका मातिङ्खा | 2 दुष्ट काम पाकालाइसो थिसु, इङ्को खियागेलाइ भाइकादोङ हिखे | इम्बालाइ द्-याङ्हेङ झाअ्मिरिलि भोखे | 3 कालाउ केलाइ जातिङ्को खतना पाका हिनाहि | केलाइ परमेस्वरहेङ आत्मासो आराधाना पानाखे, | केलाइ केलाइको खन्धुरि ख्रिस्ट येसु:ता तानाखे कालाउ केलाइ हाइपालिद्-वाङ इङ्कोता माको | 4 का ताइमिङ्ता भरोसा पाखा, कालाउबुङ का मापरिखा | एदि हासुबुङ दोअ्खे कि वा तामिङ्ता भरोसा पालि दोअ्खे कालाउ का इङ्को खाङ्तेङ हेन्सापालि डाङ्का | 5 काङ्को जोलोम जेङ्काको येए दिनाता काङ्को खाताना जेङ्का हि | का इस्राएल राइजिकोदोङ कालाउ बिन्यामिन हारागुतियाको (वङ्सकोदोङ) हिघा| का एमि यहुदिदोङ कालाउ काङ्को आमाइ- आबाबुङ यहुदिदोङ हिघाहि | मोसाको ब्यवास्था काङ्को भाअ्सिङ महत्वपुर्न हिघाहि | अदोङ भाअ्सिङ का फारिसि जेङ्घा | 6 का यहुदि धर्मको कट्टर समर्थक हिगाखा | कादोङ मन्डलिगेलाइहेङ साताइघाखा |कादोङ जेदेङ प्राकार सो मोसाको ब्यावास्था पालान पाघा इङ्कोता हासुबुङ कासेहेङ गल्ति तिङ्लि मादोघाखे | 7 का यहुदि धर्मको कट्टर समर्थक हिगाखा | कादोङ मन्डलिगेलाइहेङ साताइघाखा |कादोङ जेदेङ प्राकार सो मोसाको ब्यावास्था पालान पाघा इङ्कोता हासुबुङ कासेहेङ गल्ति तिङ्लि मादोघाखे | 8 इङ्को झोको खिनिङ माको, का फोमपाखा, काङ्को प्रभु येसु:को माहानताहेङ गिकाको तुलानाता गोताङ काथा गान्दिलि मादोका हिघाखे | येसु:हेङ दुसुवाङ्का दोअ्तेङ्सा का गोतेङ काथा लाअ्पिघा कालाउ हेला इङ्को गोतेङ बेकार तिङ्घा | 9 कालाउ यादोङ कासेङ येसु:दोफा मिलिलि पिहि | ख्रिस्टता का धार्मिकता हिघा, कालाउ इदोइ एल्का नियम पिताइका माको | इदोइ परमेस्वरता खान्धुरिको माध्यामसो लोखे परमेस्वर कासिहेङ धार्मिक बानाइलि ख्रिस्टता काङ्को खान्धुरिहेङ प्रयोग पाहि | 10 का ख्रिस्टहेङ खेनिङ कालाउ जेदोङ्होइ वासेहेङ सिकासो सिन्चाल्पाहि इङ्को सरबुङ्हेङ गिलि भोअ्खा | का येसु:को कस्टको भागेदार जेङ्लि भोअ्खा कालाउ वाको सि:काता वाको भाइपाङ भेइलि खाङ्खा | 11 कालाउ काङ्कोता आसा हि काबुङ येसु:ता सि:कासो ल्होकाङ्का | 12 परमेस्वर कासिहेङ चाहिका भाइपाङ का जेङ्लि दोअ्होइघा दोअ्का काङ्को भनाइ माको | का इङ्को लक्स्यता थुकालि दोका मान्थुघा | कालाउ इन्ता थुकाका कालाउ लक्स्य निङ्लि का दिनाङ लागातार चेस्टा पातेङ हिघा | येसु:दोङ उङ्कोङ भोखे कालाउ कासेहेङ वाको ताइको बानालि | 13 दाइ-ओने, बाइ- ओनेगेलाइ का गिखा,का आरुबुङ इङ्को लक्स्यता ठुकाका मान्थुघा | कालाउ एनोङ काथा जेदोङ् का हेलालाउबुङ पाङ्का, इकोदोङ हि: का बितिका काथा निलप्याका कालाउ ताइको लाम्फाकोङ लक्स्यता थुकालि का सक्दो थेकापा कोसिस पाङ्का | 14 ल्क्स्यता थुकाका कालाउ पुरूस्कार निङ्का कोसिस का पातेङ्साङ ह्याङ्का | इङ्को पुरूस्कार काङ्को भाअ्सिङ पाक्का बानाइका हि| हाइपालिपानु परमेस्वरदोङ कासेहेङ ख्रिस्टपाहासो आत्मा जिबनताहुता काइका हि | 15 केलाइ ज्याइ आत्मिक वाराङ जेङ्का हिनाहि झाराङ्दोङ इदोइ किसिमसो सोचिलि गोइखे | कालाउ एदि इदोइ हासुबुङ हाइदोनोंङ बिसयता नाङ्को बिचारदोफा मामिलि हेथे इसिका भेनाङ खाल्को सोचिहिपानु परमेस्वरदोङ वासेहेङ झालाझालापा दोप्याङ | 16 कालाउ केलाइता लाम्फासो होका सत्ये दोअ्लि लालि मान्थु | 17 दाइ-ओने कालाउ बाइ-ओनेनेलाइ, नेलाइ झाराङ्दोङ का बान्चेका कोनिङ नेलाइ बान्चिलि चेस्टा पालि गोइखे | कालाउ इङ्को द्याङ्गेलाइहेङ पिताइसु ज्याइ- ज्याइ केलाइ बानाइका कालाउ दोअ्का तरिकाता बान्चितेङ हिका हि | 18 हेन्जा द्याङ्गेलाइ ख्रिस्टको क्रुसको सतरू भाइका जेङ्तेङ बान्चिका हि | कादोङ इन्सिका द्याङ्गेलाइको बारेता बाराम्बार (जेलाउबुङ) दोतेङ लोका हिघा कालाउ एलाबुङ का मिति ह्यापातेङ नेलाको बारेता दोङ्तेङ हिघा | 19 इम्बालालाइ जेदोङ तरिकासो बान्चिका हि इङ्को नेलाइहेङ इन्सिकाङ बिनासभारि धाकालायाङ | नेलाइ परमेस्वरको सेवा मापाखे | इङ्को ताइमिहेङ खु:सिपालि खिनिङ बान्चिखे | इङ्को लेदेरनाका भाइका कामगेलाइ पाखे कालाउ इङ्कोता गर्ब पाखे | 20 कालाउ कलाइ स्वार्गको बासिन्दादोङ ,केलाइको मुक्तिदाताको स्वार्गसो आगुमनको भाअ्सिङ केलाइ ह्रुम्तेङ हिनाहि | प्रभु येसु:ख्रिस्ट केलाइको मुक्तिदाता हिका हि | 21 वादोङ केलाइको कम्जोर जिउ फेरिपितेङ वाको सरबुङ्होइ ताइकोङ भाइपा महिमासालि जिउ (द्याहा) बानाइप्याङ | इङ्कोङ सरबुङ्होइ वाको गोताङ ओनेमानेगेलाइ ताइको खाबाराता चुमालि योग्य जेङ्का जेनाङ |