फिलिप्पियों 4

काङ्को प्रिय आनाङ दाइ ओनेगेलाइ,कालाउ बाइ-बेजान ओनेगेलाइ,का नेलाइहेङ मायारू पाखा कालाउ भेतिलि मन पाखा | नेलाइ कासेहेङ लेङचापा सुन्हा कालाउ नेलाइ हुसो गर्ब बनाइसुन्हा | का धिरपाका भाइपा नेलाइ प्रभुहेङ पिताइसु | 2 का एयोदिया कालाउ सुन्तुहेङ्बुङ प्रभुता इन्साङ मन लागाइलि सेउपाखा | 3 काङ्को सानाइति भायागेलाइ,जेलाउ नेलाइ कादोफा खान्धुराइ जेङ्तेङ सेवा पासुन्हा का नेलाइहेङ इदोइ न्हेलोङ बेबालगेलाइ ज्याइ का दोफा ये:बानाल, बानाल पालि सङ्घरसो पाहि,इम्बालाइहेङ साघाइसु दोअ्खा | कादोफा काम पाका कालाउ भेनेङ्गेलाइ दोफाङ इम्बालाइबुङ कामपाका हि | जिवनको किताबता इम्बालाइको मिङ्बुङ ताअ्काहि | 4 दिनाङ प्रभुता आनन्द पासु,का आरुङ द्वाङका प्रभुता आनन्द पासु | 5 द्याङ्गेलाइ तिनाको कि नेलाइ नम्रो कालाउ दायाका जेङ्सु ,प्रभु धेमाङ ल्वाङ | 6 हिदोइबुङ काथाको फिक्रि मापासु | भरू गोइका गोताङ काथाको भाअ्सिङ परमेस्वरहेङ अन्तर बिन्ति(सेउपासु) कालाउ दोमचाकाइसु | कालाउ दोमचालाउ परमेस्वरहेङ धन्यबाद पिसु | 7 परमेस्वर पिका सान्तिहोइ नेलाइको मन कालाउ हृद्यहेङ येसु: ख्रिस्ता जोगाइतेङ ताअ्प्याका | सान्ति ज्याइ परमेस्वर पिखे,वा वथे माहान हि कि केलाइ गिलि मादोन्हाखे | 8 दाइ-ओनेगेलाइ कालाउ बाइ-बेजान ओनेगेलाइ,जेदोङ-जेदोङ काथागेलाइ मेनाङ रेम्का कालाउ बाखानाइ पालि सोबाइका हि इङ्को बारे सोचे | जेदोङ-जेदोङ काथागेलाइ सत्ये कालाउ मानिलि गोइका हि पबित्ततरो कालाउ थिक हि,रेम्का कालाउ सोबाइका हि इन्सिकाङ खिनिङ बिचार पासु | 9 जेदोङ काथागेलाइ नेलाइ धिरसुन्हा,ग्रहन पासुन्हा,हिङ्सुन्हा कालाउ काङ्कोता तिङ्स्वाना,इङ्को काथागेलाइ पासु ! कालाउ सान्तिको परमेस्वर नेलाइदोफा ह्यावा | 10 प्रभुता का मेनाङ सुकापा(आनन्द) हिघा कि का दोफा नेलाइ आरोङ चासो तिङ्पासुन्हा | या नेलाइको चासोते हिघाहि कालाउ तिङ्पालि दोअ्का मौका निङ्का मान्थुघासुखेना | 11 का इदोइ काथागेलाइ वादोङ्खा,कालाउ काङ्कों दोअ्काको माने इदोइ माको कि कासेहेङ हाइदोङ आमेनेको खाचो हि | का ते ताइमिदोफा जेदोङ हि उङ्कोताङ सन्तोस हिका तालिम र्-हुका हिघा | 12 का गिखा गरिब जेङ्लाउ हेसा हिलि गोइखे कालाउ जेलाइ काङ्कोता हेन्जा हिलाउबुङ का गिखा | गोताङ दु;ख सु:ख ता हेसा हिलि इन्सिका रहस्य का धिरका हिघा |का हामु भेल्पा चालि निउलाउ कालाउ मानिङ्लाउ हेसा जिवन बितिपालि गोइखे का घिरका हिघा | गोइका गोताङ निङ्लाउबुङ हाइदोङ मानिङ्लाउबुङ हेसा लेङचालि गोइखे का धिरका हिघा | 13 का गोताङ काथागेलाइ पालि द्वाङ्का हाइपालिपानु ख्रिस्त कासिहेङ सरभुङ प्याङ | 14 कालाउबुङ कासिहेङ गोइका बेला,जेलाउ नेलाइ साघाइसुना,रेम्का पासुन्हा | 15 का लाम्फा-लाम्फा ये:बानाल, बानाल पाका ना फिलिप्पिगेलाइहेङ थाहा हि | जेलाउ का म्यासिदोनिया हानिघा,ओङ्को समयता नेलाइदोफा एलोङ खिनिङ मण्डलि हिघाहि ज्याइ कासेहेङ साघाइहि | 16 जेलाउ का थिसलोनिकाता हिघाखा हेन्जा पतक नेलाइ कासेहेङ गोइका आमेने पिगिल्सुना | 17 का नेलाइसो उपहार भोका दोअ्का इङ्को पटक्कै माको | कालाउ दानसो जेदोङ निङ्खे इङ्को पुरूस्कार नेलाइ निङ्सु इङ्को का भोखा |जेदोङ् दानसो लोखे | 18 ताइमिहेङ गोइका गोताङ आमेनेता दोफा हि कालाउ गोइका खान्तेङ हेन्जाङबुङ हि | इपाफ्रोडाइटस नेलाइ पिगिल्का सान्देसगेलाइ चुम्तेङ्लोहि ओदोङ भाअ्सिङ कासिहेङ गोइका गोतेङ काथा कादोफा हि | नाङ्को भेतिदो परमेस्वरहेङ चढाइका मेनाङ मालामालाका बलिदान हि | परमेस्वर इङ्को ग्रहन पाखे कालाउ इङ्को होइ वासेहेङ लेङ्चापाखे | 19 काङ्को परमेस्वरदोफा ख्रिस्त येसु:ता निङ्का महिमामय सम्पतिहि कालाउ वा नेलाइको वा गोताङ खाचो पुरा पाप्यावा | येसु:को महिमाहोइ काङ्को परमेस्वर मेनाङ धनि हि, कालाउ इङ्को धन ख्रिस्तता हिका नेलाइको गोताङ खाचोपुरा पालि खर्च जेनावा | 20 केलाइको आबा कालाउ परमेस्वरको महिमा हेलाउलाउबु्ङ (सदा सर्बदा) ह्याको | आमेन | 21 ख्रिस्त हिका परमेस्वरको गोताङ खान्धुराइगेलाइहेङ केलाइको सेउपाका हिङ्पापि | 22 गोताङ कादोफा ज्याइ ओनेगेलाइ हि इम्बालाइबुङ जाइमासि पिगिल्खे | परमेस्वरता हिकालाइसो बिसेस ज्याइ सिजरको महलता हि,नेलाइहेङ जाइमासि दोअ्का हि | 23 केलाइको प्रभु येसु:को महिमा नेलाइ झाराङ्कोता ह्याको |