गलातियों 5

ख्रिस्त केलाइहेइ स्वतन्तरो बानाइहि, कालाउ साहसपासु | बदिलि जेङ्ते व्यवस्थाको बान्धाइति माजेङ्सु | 2 हिङ्सु ! का पावलदोङ | का दोअ्खा एदि खतना पातेङ नेलाइ आरोङ ब्यवस्थाता दोङ घुरिस्वाना पानु नेलाइको भाअ्सिङ ख्रिस्त येल्का माजेनाङ | 3 आरोङ का झाराङ्हेङ चेतावनि पिखा, एदि खाताना पालि राजि हिसुवाना पानु नेलाइदोङ मोसाको गोतेङ ब्यवस्था पालाना पालि वाद्य जेङ्स्वाना | 4 एदि व्यवस्था मानितेङ धर्मि जेङ्लि खाङ्सुखेना पानु ख्रिस्तदोफा नेलाइको जिवन ओतातावा | नेलाइ परमेस्वरको अनुग्रहसो बाहार ओलिसुन्हा | 5 केलाइको भाअ्सिङ्पानु खान्धुरिसो खीनिङ परमेस्वर आगाता धर्मि जेङ्का आसा पालि द्वाङ |कालाउ इङ्को आत्मासो निङ्लि केलाइ र्-हुमतेङ हिनाहि | 6 आदिमि ख्रिस्त येसु:ता हि पानु इङ्को खतना जेङ्का हि, कि मान्थु इङ्को हिदोइबुङ बार्का मुख्य काथा माको | कालाउ मुख्य काथाते खान्धुरिदोङ हि जेदोङ प्रेमपासो ताइमिङ प्रकत जेङ्खे | 7 नेलाइ रेम्काकाङ कामता धाअ्तेङ हिघासुखेना | सत्ये पालन पातेङ हिघासुखेना | सत्ये दामाता तेलि नेलाहेङ हासु गेराइहि ? 8 इदोइ गेराइका (रोकिका) नासेहेङ परमेस्वर सो जेङ्का माको ज्याइदोङ नासेहेङ साल्हि | 9 होसियार हिसु,''आतुइसा साउरिहोइबुङ गोताङ तोलेको धिकाउरिहेङ फुलिपाखे |'' 10 कासेहेङ परमेस्वर पुरा भरोसा पिखे कि नेलाइ इन्सिका बिचारहेङ सुइकर मापाङ इन्सिका बिचारता आधिमि नेलाइहेङ आवाइपादोङ्खे | वा ज्याइदोङ ज्याको इङ्को दण्ड निङ्चावा | 11 काङ्को दाइ-ओनेगेलाइ ! द्याङ्गेलाइ खतना पालिङ गोयाङ दोअ्तेङ का दोङ धिर्पाका मान्थुघा | इन्सिकाङ धिर्पादोङ्खा पानु आरोङ काङ्को खेदो हाइपालि पाखे ? कादोङ द्याङ गेलाइहेङ खतना पालि धिर्पाकानु ख्रिस्तबारे काङ्को बानालता हिदोइबुङ समस्या माजेङ्दोधावा | एदि कादोङ खतना पालि द्याङगेलाइहेङ धिर्पालि मान्थुघाका पानु ,कालाउ हाइपालि क्रुसको बिसयता काङ्को सिक्स्या हिदोइबुङ समस्यादोङ माको | 12 काते भोअ्खा हासुबुङ खतनाको दुःख माइसाताङ पानु नेलाइ ए ताइको कामता आगा बढेतेङ हानिसु कालाउ नेलाइदोङ भरु खु:सि जेङ्सु | 13 काङ्को दादा-ओने,बाइ-ओनेगेलाइ ! परमेस्वर नेलाइहेङ स्वतन्तरो जेङ्लि काइका हिघाहि | कालाउ इङ्को स्वतन्त्तताहेङ ताइको पापपुर्न बिचार पाका बाहाना माबानाइ कालाउ ताइमिसो भेनेङ दोफा प्रेमको बार्तालाप पासु | |'' 14 गोतेङ ब्यवस्था इदोइदोङ ए, आदेस्ता सान्तिका हि: “ताइमि -ताइमिहेङ्दोङ जिस्का प्रेम पासुखेना इन्सिका प्रेम बोमिहेङ बुङ पा |” 15 कालाउ ता -ताइमिता दानाइसुतेङ कालाउ नाइसुतेङ हिसुना पानु न्हुसो नेलाइ ता-ताइमिताङ नेलाइ नासा जेङ्स्वाना | 16 ओदोङ भाअ्सिङ का दोअ्खा: आत्मा आन्सर बान्चे इन्सा पान्हापानु पापपुर्न स्वाभावसो भोका मायेल्का काम मापासुवाना | 17 केलाइको पापपुर्न स्वाभाबदोङ इस्का काथा भोखे जेदोङ आत्माको बिरुढता जेङ्खे| कालाउ आत्मा चाहि इन्सिका काथा भोखे जेदोङ केलाइको पापपुर्न स्वभावको बिरुध्दता जेङ्खे| इदोइ न्हेलोङ काथागेलाइ एनोङ्सो-भेनेङ् दोफा बिपरित हि | ओदोङ भाअ्सिङ नादोङ साचिकोङ पालि भोका काथा दोअ्लि माद्वाना | 18 कालाउ आत्मासो थोङ्ना सुनापानु ना ,ब्यावस्थाको खाबाराता माहृयाना | 19 केलाइको पापपुर्न सोभावहोइ आखेका काम पाखे इदोइगेलाइ यादोङ : पौउसाइका पाप,असुद् मायेल्का, अनैतिकता, 20 मुर्तिपुजा, तन्तर मन्तर, दुस्मनि चेर्सुखा,फेसुका, मन्दामातालि , दि:का, चिचाहा , गुडबन्दि , चेरतामपाका, लाअ्नाका, 21 दाहा, गोराचि आम्तेङ म्हाका, मोजमाजा पाका, कालाउ इस्काङ आरुबुङ | का लाम्फाबुङ चेतावानि पिकाङ्दोङ हिघा कालाउ एलाबुङ पिखा: ज्याइदोङ इस्का कामगेलाइ पाखे इङ्को परमेस्वरको राइजिता हानिलि माद्वाङ | 22 कालाउ आत्मासो प्रेम, सान्ति,आनन्द,सुकापा, धैर्य,दाया,भालाइ, खान्धुरिता , 23 नम्रता ताइमिङ पिखे | इदोइ काथागेलाइ भुल जेङ्दोअ्तेङ हिदोबुङ ब्यावस्थाता मान्थु | 24 ख्रिस्ट येसु:ता हिकालाइ ताइको इस्का पापपुर्न स्वाभावहेङ क्रुस्ता तोइका हिखे |इन्बालाइ ताइको लाअ्साइका कालाउ असुद कामता ज्याइ इम्बालाइको पाप स्वभाव भोखे,इङ्को लाअ्लि दोअ्का हिखे 25 आत्मापहासो केलाइ नावा जिवन निङ्न्हाखे जिवनको पदप्रदसनको (दामामाता तेलाउ) भाअ्सिङ केलाइ आत्माहेङ पिताइलि गोइखे | 26 केलाइ आरुहेङ चेरताम्पालि माएल, कालाउ केलाइ एमिसो- भेनेङ्को मितुअ्लि माएल |