गलातियों 4

का या नेलाइहेङ दोअ्लि भोखा: उताराधिकारि जेलाउ थिकापा जामालदोङ हिखे वा कालाउ बान्धाइतिता हिदैबुङ फरक माहिखे | या सत्ये हि हेसापालाउबुङ वा ताइको खाबाराता हिका गोताङ काथा निङ्खे | 2 हाइपालि ? हाइपालिपानु जामाल हिका थिकापा वा ताइको आबा-आमाइ कालाउ सामाराइकाको आग्या मानिलि गोइखे | कालाउ जामाल जेलाउ ताइको आबाको दोअ्का (ताअ्पिका )उमेर पुग्यावा,वा मुक्त जेनावा | 3 केलाइ दोफाबुङ एन्साङदोङ हि | ए समयता केलाइबुङ जामाल-जामालाइ भाइका हिघानाहि | केलाइ इदोइ सुमिङता बेक्कारको माजेङका ब्यबस्थाको बान्धाइति हिघानाहि | 4 कालाउ उचित मयता परमेस्वर ताइको चान दिङ्गिल्हि | परमेस्वरको चान एलोङ् बेजानको (तिरि) पाहासो जोलोम जेङ्हि | वा बुङ ब्यवस्थाको खाबाराता हिलि गोइहि | 5 परमेस्वर एसा पालिको कारन चाहि ब्यवस्थाको अधिनता हिकालाइहेङ मुक्ति पिहि | केलाइहेङ ताइको जामाल बानाइलि परमेस्वरको इच्सा हिघाहि | 6 नेलाइ परमेस्वरको चान-चामेन्दिगेलाइ हिसुना | ओदोङ भाअ्सिङ परमेस्वर ताइको चानको आत्मा नेलाइको हृदयता ताअ्पिहि इङ्को आत्माहेङ दोअ्खे,आबा,''पिता'' 7 ओदोङ भाअ्सिङ,एला नेलाइ लाम्फा खिनिङ भाइपा बान्धाइति मान्थुसुना | नेलाइ परमेस्वरको चान हिसुना | ताइमि पाका प्रतिग्या परमेस्वर पुरा पाका हि हाइपालिपानु ना, वाको चान हिना | 8 लाङ-लाङ नेलाइ परमेस्वरहेङ नालका मान्थुघा सुखेना | नेलाइ इन्सिका दिरगेलाइ को(देउता) बान्धाइति हिघासुखेना ज्याइ सत्ये मान्थुघाखे | 9 एला नेलाइ जातिङ्को परमेस्वरहेङ नाल्सुखेना हुने ते परमेस्वर नेलाइहेङ नाल्हि | ओदोङ भाअ्सिङ लाम्फा-लाम्फा मानेका इङ्को मासाधेका (कमजोर ) कालाउ निकम्मा ब्यावस्थागेलाइ भारि आरोङ हाइपालि घुरिसुखेना ? आरुङ वाकोङ बान्धाइति जेङ्लि भोसुखेना ? 10 नेलाइ एलाउबुङ ब्यबास्थाको सिक्स्या भाइपा खास दिना,माहिना,रितु,कालाउ बासार मानिसुखेना | 11 नेलाइको बारेता का थिका कि नेलाइको भाअ्सिङ का जे जति परिस्रम पाघा इङ्को गोताङ ब्यर्थ माजेङ्हि ? 12 दाइ-ओने बाइ-ओनेगेलाइ,का बुङ नेलाइ भाइकाङ हिघाखा,ओदोङ भाअ्सिङ दाया पातेङ एला का भाइकाङ जेङ्पिसु | लाम्फा नेलाइ काङ्को भाअ्सिङ खुबै रेम्का हिघासुखेना | 13 फोमपासुत, का हाइपालि नेलाइ हिकाता लाम्फाङ लोघा | हाइपालिपानु वासेहेङ सन्चो मान्थुघाखा | कालाउ का नेलाइता ये:बानालको बानाल पाघा'' 14 काङ्को बिसन्चोहोइ नेलाइहेङ भार जेङ्हि | कालाउबुङ नेलाइ का प्रति मासिकासुना | नेलाइहेङ लाअ्तेङ हानिलि कासेहेङ बाध्य (करमालागाइसुना) मापासुना | नेलाइ कासेहेङ इसिका स्वागत पासुनाकि का परमेस्वरसो लोका दुत दोङ भाइपा नेलाइ कासिहेङ स्वयम येसु:ख्रिस्तहेङ भाइपा सुइकार सुना | 15 ओदोङ बेला नेलाइ खुबै प्रसन्न हिघासुखेना | हिसो राम्पाहि इङ्को लेङ्चाका (खु:सि) एला ? कासेहेङ फोम हि | जेङ्लि दोअ्का गोताङ खाल्को साघाइ कासेहेङ पिसुन्हा | एदि सम्भब हिघाहि पानु ताइको मिसियाबुङ उल्लापातेङ कालाउ कासेहेङ पिधिस्वाना भाइका हिघासुखेना | 16 हाइ एला का नेलाइको सतुर जेङ्का हिघा हाइ का सत्ये नुइ धुइखा ? 17 इङ्को द्याङ्गेलाइ नेलाइहुता खुबै चासो ताअ्दोङ्खे, कालाउ इम्बालाइको मनसाय रेम्का मान्थु | नेलाइको भाअ्सिङ इङ्को रेम्का माको | इम्बालाइ चाहिखे कि नेलाइ केलाइको बिरूदृता जाअ्सु | इम्बालाइ चाहिखे कि नेलाइ इम्बालाइहेङ खिनिङ दोफा हिगिल्लि कालाउ आरुगेलाइ दोफा माको | 18 जेलाउ द्याङ्गेलाइ नाङ्कोता चासो पाहेपानु इङ्को जेलाउबुङ रेम्का हि एदि उदेस्य रेम्का हिहे पानु | इङ्को जेलाउबुङ सत्ये हि,का नेलाइदोफा हि लाउबुङ याते माहिलाउबुङ 19 काङ्को म्हुइका जमालगेलाइ एइ ! जोलोम पिलाउ आमाइहेङ तु -निन्चाखे वथे हेन्जा तुखे कासेहेङ्बुङ इन्सिकाङ (एन्साङ)तुका अनुभब जेङतेङ हि | नेलाइ ख्रिस्त भाइपाङ माजेङ्पा थिकापा का इङ्कोङ तुका अनुभब पातेङ्दोङ ह्याङका | 20 कासेहेङ लागिका हि एदि का एला नेलाइदोफाङ हिनुते का काङ्को गालाको लय दोङ भेनेङ जेङ्धावा हाइपालिपानु का आवाइतेङ हिघा | 21 नेलाइ मध्येसो आधिमिते मोसाको ब्यवस्थाको खाबाराता हिलि भोसुखेना | दोअ्सु त, ब्यवस्था हाइ दोअ्खे नेलाइ माहिङ्सुखेना ? 22 धर्मसास्तरर दोअ्खे,अब्राहामको न्हेलोङ चानगेलाइ हिघाहि | इम्बालाइ मध्येसो एमि को आमाइ बान्धाइति हिघाहि | कालाउ भेनेङ चाहिको आमाइ ताइमिपाहाको बेबाल हिघाहि | कालाउ भेनेङ मुन्धुम आन्सार चुमाका हिघाहि| 23 आब्राहामको बान्धाइति पाहा को चान सामान्य मानब रूपमहोइ जोलोम जेङ्का हिघाहि पानु ताइको बे पाहा चाहि चान परमेस्वर आब्राहामहेङ पिका प्रतिग्या आन्सार जोलोम जेङ्का हिघाहि | 24 या सत्ये काथाहोइ केलाइको एलोङ चित्तरो जाअ्पाखे | इङ्को न्हेमि बेबालगेलाइ परमेस्वर कालाउ द्याङको माझाको कारार स्वरूप हि | एलोङ करार सिनै लाख (पाहाड) को परमेस्वर बानाइका ब्यवस्था | इदोइ सम्झौताको खाबाराता हिका द्याङ्गेलाइ बान्धाइति भाइका हि | हागार मिङ्को आमाइ इङ्कोङ करार भाइका हि | 25 हागार अरब सार्भिता सिनै लाख भाइका हि (रा) कालाउ वा यरुसलेमको बर्तमान (एलाको) नगरको यहुदियाको प्रतिरूप हि | इङ्को (मा) एलोङ बान्धाइति कालाउ इन्ताको दयाङ्गेलाइ(यहुदि) बान्धाइति गेलाइ हि | 26 कालाउ स्वर्गिय यरुसलेम एलोङ मुल तिरिको (नारि)प्रतिक हि | वा केलाइको आमाइ हि | 27 धर्म सास्तर् इदोइ लेखेका हि:'' लेङ्चाका (खु:सि) जेङ्सु हे बन्दि तिरिगेलाइ ! ज्याइ हिदोइबुङ जामालहेङ जोलोम पिलि मादोसुना,हर्स जेङ्तेङ र्हिकाइसु, बल पातेङ र्हिकाइ कि कालाउ ना तु- निन्चाका हेलाउबुङ अनुभब मापान्हा | इङ्को तिरि (नारि) ज्याइको के मान्थु,वाकोङ हेन्जा सान्तान जेनाङ,के दोफाङ हिका बेबालको भरु उङ्को झोको चान-चामिन्दि माजेनाङ वाला | 28 आब्राहामको एलोङ चान सामान्यो (द्याङको चालाइसो) रूपसो जोलोम जेङ्का हिघाहि | भेनेङ चान परमेस्वरको प्रतिग्या आत्माको सरबुङ होइ जोलोम जेङ्का हिघाहि | काङ्को दाइ-ओनेगेलाइ कालाउ बाइ-ओनेगेलाइ ! 29 नेलाइबुङ इङ्को इसाहाक भाइपा प्रतिग्याको चान-चामिन्दिगेलाइ हिसुना | द्याङ्गेलाइको चान सो जोलोम जेङ्का चान भेनेङ चानदोफा दुर्ब्यबहार पाका हिघाहि | नानिबुङ एन्साङ जेङ्तेङ हि | 30 कालाउ धर्म सास्तरता हाइ दोअ्खे बान्धाइति कालाउ वाको चानहेङ उल्लापापि ! ताइको बे सो जोलोम जेङ्का चान ताइको आबाको गोताङ आनेमाने निनावा | कालाउ बानधाइतिको चान हाइदोङ मानिनावा |'' 31 ओदोङ भाअ्सिङ काङ्को दाइ-ओनेगेलाइ,कालाउ बाइ-ओनेगेलाइ ! केलाइ बान्धाइतिको चान-चामिन्दि माको | केलाइ स्वतन्त्तरो बेबालको चान-चामिन्दि गेलाइ हिनाहि |