Galatians
गलातियों
1
पावल,प्रेरितसो सेउपाखा | प्रेरित जेङ्लि,कासेहेङ ना ते द्याङ्गेलाइ चुनिहि ना ते हिदोइबुङ द्याङ्पाहासो दिङ्गिल्हि | येसु: ख्रिस्त कालाउ आबा परमेस्वरदोङ कासेहेङ प्रेरित नियुक्त पाकाहि | परमेस्वरदोङ एनौङ हिका हि | ज्याइ येसु: हेङ सिकासो सिन्हुपातेङ चुमाहि | 2 का दोफा हिका झाराङ ख्रिस्तको ओनेगेलाइसो गलातियाता हिका मण्डलिगेलाइहेङ सेउपाखा | 3 परमेस्वर आबा कालाउ केलाइको प्रभु येसु: ख्रिस्त नेलाइहेङ अनुग्रह कालाउ सानति प्याको | 4 परमेस्वर कालाउ पिताको इच्सा भाइपा इदोइ बर्तमान दुस्त सुमिङ्सो केलाइहेङ लाअ्पालिको भाअ्सिङ वा ताइमिहेङ केलाइको पापगेलाइको भाअ्सिङ बलि पिहि | 5 वाको हेलाउलाउबुङ महिमा ह्याको | आमेन | 6 लाम्फा खिनिङ परमेस्वर नेलाइहेङ वाको भाइपा पालि काइहि | वा नेलाइहेङ ताइको अनुग्रहहोइ काइतेङ जेदोङ ख्रिस्त पाहासो लोखे | कालाउ एला नेलाइहेङ तिङ्तेङ का भारबुसाइका (छक्क) कि नेलाइ दामा निल्सुन्हा कालाउ भेनेङ ये:बानालता खान्धुरिपालि तेङ्सुन्हा | 7 हुनेते, हिदोइबुङ भेनेङ ये:बानाल जातिङ्को (सत्ये ) मान्थु | कालाउ हेथे द्याङ्गेलाइ नेलाइहेङ आवाइपातेङ हि | इम्बालाइ ख्रिस्तको ये:बानालहेङ भेनेङ्भारि बानाइलि भोखे | 8 केलाइ नेलाइहेङ सत्ये ये:बानाल दोअ्का हिनाहि | ओदोङ भाअ्सिङ केलाइ ते हाइ,स्वर्गको स्वर्गदुतबुङ भेनेङ ये:बानाल दोअ्हे पानु वाकोता खान्धुरि ताअ्लि माएल | 9 केलाइ या लाम्फादोङ दोअ्लि दोनाहोइ | एला बुङ दोअ्खा,नेलाइ सत्ये ये:बानाल हेङ सुइकारपालि दोका हिसुना | एसापा एदि हासुबुङ नेलाइहेङ मुक्ति भेनेङ उपाय दोअ्पिहेपानु वाको बिरुद पालि गोइखे | 10 कालाउ हाइ कासेहेङ्दोङ सुइकार पाको दोअ्तेङ द्याङ्गेलाइहेङ का खान्धुरि पालि चेस्ता पाखा ? दोअ्का नेलाइ सम्झिसुखेना ? माको ! का परमेस्वरहेङ खिनीनि खु:सि पालि भोखा |का नेलाइहेङ खु:सि पालि चाहेका हिघा रो ? एदि झन द्याङ्गेलाइहेङ्दोङ लेङ्चापालि चेस्ता पादोङ्घाखा पाहेपानु हाइ का येसु: ख्रिस्तको सेवक माजेङ्धा रो ? 11 ओइ दाइ-ओनेगेलाइ का मन पाखा कि नेलाइ गिसु,जेदाङ ये:बानाल का बानाल पाघा इङ्को द्याङगेलाइ बानाइका माको | 12 का द्याङ्गेलाइसो ये:बानाल मानिङ्घा | हासुबुङ कासिहेङ ये:बानाल धिर्पाका माको | येसु:ख्रिस्त ताइमिङ कासेहेङ या प्रकट पाहि हि | 13 काङ्को हानिका (बितिका) जिवनबारे नेलाइ हिङ्का हिसुना | का यहुदि धर्म मानिका हिघाखा का परमेस्वरको मण्डलिहेङ खुबै सताइघा | का मण्डलिहेङ रा्-हृपिली पिलि भोधाखा | 14 का यहुदि धर्म ता खान्धुरि पाघाखा का यहुदिधर्मको नेता जेङ्लि तोम्का हिघाखा | का काङ्को बेलाको धाना वाजान यहुदीगेलाहेङ कालामका हिघाखा का | पुर्ण-मुन्धुम मानिलि का आरू खान्तेङ हेन्जा जोसिला हिघाखा | इङ्को गोताङ मुन्धुमगेलाइ केलाइ ताइको आजाइ -आजुसोङ निङ्का हिघानाहि | 15 कालाउ काङ्को जोलोम जेङ्लि लाम्फा दोङ परमेस्वर काङ्रको भाअ्सिङ या योजाना बानाइका हिघाहि | ओदोङ भाअ्सिङ वाको अनुग्रहहोइ कासेहेङ काइहि | 16 परमेस्वर कासेहेङ ताइको चानको ये:बानाल गैर-यहुदिगेलाइको माझाता दोअ्लि मन पाहि | ओदोङ भाअ्सिङ परमेस्वर कासेहेङ ताइको चानको दर्सन पापाहि | परमेस्वर काइलाउ का हासुसोबुङ हिदोइबुङ सल्लाह कालाउ साघाइ मारहु्घा | 17 ना ते का खान्तेङ लाम्फाको प्रेरित हिकालाइहेङ भेतिलि हानिघा | कालाउ बेलोम्पा मापासिङ का अरब सारभिता हानिघा | कालाउ इन्तासो दमस्कस सहरता घुरितेङ लोघा | 18 का सुम बासार न्हुसो यरुसलेम हानिघा,का पतरुसहेङ भेतिलि भोघाखा | पतरुस दोफा का तेना दिना थिकापा हिघा | 19 का आरू प्रेरित गेलाइहेङ माभेतिका| खिनिङ याकुबहेङ भेतिघा ज्याइ प्रभुको ओने या | 20 परमेस्वर गिखे कि का लेखिलि तेङ्का इदोइ काथागेलाइ झुता माका (धाताइका माको ) | 21 कालाउ का सिरिया कालाउ सिलिसिया हानिघा | 22 यहुदियाता ख्रिस्तको मण्डलि या खान्तेङ लाम्फा काङ्को र्हिइ तिङ्का मान्थुघाखे | 23 काङ्को बारेता इम्बालाइ खिनिङ इदोइ झोको हिङ्का हिघाहि :''या द्याङ केलाइहेङ खुब सताइघाखे कालाउ वा दोङ एला द्याङ्गेलाइहेङ इङ्कोङ खान्धुरिको काथागेलाइ पातेङ हिगिल्खे जेदोङ खान्धुरिहेङ वा नासा पालि प्रयास पाघाखे (भोघाखे) |'' 24 इदोइ खान्धुराइगेलाइ काङ्कोङ कारनसो परमेस्वरको हेन्जा बाखानाइ पाहि |