13
सुमतेङ खेपता का नेलाइ कोता ल्वाङ्का | हिदोइबुङ दोस न्हेमि वा सुमि साक्सिगेलाइको गवाहिसो साबित जेङ्लिगोयावा | 2 न्हेतेङ खेप नेलाइको माझाता हिलाउ का नेलाइहेङ चेतावनि पिका भाइका एला इन्ताका मालोलाउ बुङ का नेलाइहेङ चेताउनि पिदोङ्खा | का आरोङ लोलाउ लाम्फाङ पाप पाकालाइ कालाउ आरु हासुहेङ बुङ का मालाताङ्का | 3 हाइपालिपानु ख्रिस्त काङ्को दोफा नुइ धुइखे दोका प्रमान नेलाइ भोसुखेना | नेलाइ दोफाको व्यवहारता वा कमजोर मान्थु, कालाउ वा नेलाइकोता सरबुङ्साइका हि | 4 हाइपालिपानु कमजोरिता वा क्रुसता तोइन्हाहि,कालाउ परमेस्वरको सरबुङ्ता वा सिन्हुपाङ हि | एसापा केलाइ वाको दोफा कमजोर जेङ्नाखे,कालाउ नेलाइदोफाको केलाइको व्यवहारता परमेस्वरको सरबुङ्सो केलाइ वाकोदोफा सिन्हुतेङ ह्याङ | 5 हाइपालिपानु कमजोरिता वा क्रुसता तोइन्हाहि,कालाउ परमेस्वरको सरबुङ्ता वा सिन्हुपाङ हि | एसापा केलाइ वाको दोफा कमजोर जेङ्नाखे,कालाउ नेलाइदोफाको केलाइको व्यवहारता परमेस्वरको सरबुङ्सो केलाइ वाकोदोफा सिन्हुतेङ ह्याङ | 6 का आसा पाङ्का,कि केलाइ असफल जेङ्का मान्ठुन्हाहि दोअ्तेङ नेलाइ थाहा गिस्वाना | 7 कालाउ केलाइ परमेस्वरता दोमचाकाइ पानाखे,नेलाइ हासुबुङ मारेम्का मापासु | केलाइ जाचता सफल जेङ्का भाइपा देखा जेङ्लाउबुङ नेलाइ चाहि जेदोङ असल हि ओदोङ पासु | 8 हाइपानु केलाइ सत्येको बिरोधता हाइदोङ पालि मादाङ,केवल सत्येको भाअ्सिङ खिनिङ पालि द्वाङ | 9 हाइपानु केलाइ कमजोर हिलाउ कालाउ नेलाइ सार्मर्थि हिलाउ केलाइ आनन्दित जेङ्नाखे | नेलाइको उन्नतिको भाअ्सिङ केलाइ दोमचाकाइन्हाखे पानाखे | 10 नेलाइसो खेङ्लाउ का इदोइ लिखेदोङ्खा,इदोइ हितुहोइकि नेलाइकोता लोलाउ प्रभु कासेहेङ पिका खाबारा थाङ्पातेङ का प्रयोग पालि मागोयाको| याते वा बानाइलिको भाअ्सिङ पिका हि, रा्अ्लिको भाअ्सिङ माको| 11 लास्ताता ओनेगेलाइ, एला बिदा पिसु | सिद्ददताको लक्स्य तासु | सान्तावना निङ्सु | झाराङ्दोफा सहमत जेङ्सु | सान्तिता हिसु,कालाउ मायारु ,कालाउ सान्तिको परमेस्वर नेलाइ दोफाङ ह्यावा | 12 एमिसो भेनेङहेङ पबित्तरो चुम्बनहोइ सेउपासु | 13 झाराङ खान्धुराइगेलाइ नेलाइहेङ सेउपाका पिगिल्का हि | 14 प्रभु येसु:ख्रिस्तको अनुग्रह,परमेस्वरको प्रेम कालाउ पबित्तरो आत्माको सङ्गति नेलाइ झाराङ्दोफा ह्याको |