12
का गर्व पालिङ गोयाङ | कालाउ इदोइसो हाइदोङ फाइढा मान्थुलाबुङ, प्रभुसो निङ्का दर्सनगेलाइ कालाउ फसालामकागेलाइको काथा का दोअ्ताङ् ह्यायाङ्का| 2 ख्रिस्ता का एमि द्-याङ्हेङ नाल्खा , वा तेद्-या बासार लाम्फा सुमतेङ स्वर्ग थेकापा तोअ्लिनातेङ चुम्पुहि |वा जिउताङ चुम्पुहि कि जिउबिनाङ,इङ्को का माग्याङ्का , परमेस्वर ग्यावा | 3 का इङ्को द्-याङ्हेङ नाल्खा, कालाउ जिउताङ ना, जिउमाकोसिङ, इङ्को कासेहेङ थाहा मान्ठु, कालाउ इङ्को द्-याङ स्वर्गता तोलिनातेङ चुम्पुहि, एदोइ काथा परमेस्वर गयावा | 4 इनत दोअ्लि मागोइका काथागेलाइ वा हिङ्हि, जेदोङ चाहि उचारनबुङ मापालि गोइका हिघाहि | 5 इदोइ दयाङ्को पक्स्यता का गर्व पाङ्का| कालाउ ताइकोङ पक्स्यता चाहि काङ्को आधामाराका बाहेक आरूङ काथाता का गर्व मापाङ्का | 6 एदि का गर्व पाली मनदोङ पाघा पालाउबुङ का मुर्ख माजेनाङ्का, हाइपालिपानु का सत्ये दोअ्तेङ्साङ ह्ययाङ्का कालाउ द्-याङ काङ्कोता तिङ्का कालाउ काङ्कोसो हिङ्का खान्तेङ हिन्जा हासुबुङ कासेहेङ माथ्यान्याको दोअ्तेङ का गर्व पालिसो रोक्याङ्का | 7 कालाउ हिन्जाङ फाइसालामकागेलाइको बलदिकाहोइ का हिन्जाङ माफुल्याङ्का दोअ्तेङ कासेहेङ सानताइलि कालाउ बलदिकासो रोकिलि साइतानको दुत, कालाउ एलोङ चुइ काङ्को जिउता पिहि | 8 इदोइ काङ्कोसो लाअ्न्हाको दोअ्तेङ का सुमखे प्रभुदोफा सेउपाघा | 9 कालाउ वा कासेहेङ दोअ्हि , काङ्को अनुग्रह नाङ्को भाअ्सिङ हेन्साङ हि , हाइपालिपानु काङ्को सरबुङ आधामाराकाता दोङ सिद्ध जेङ्खे |'' ओदोङ भाअ्सिङ ख्रिस्तको सरबुङ का हुता बासा ह्यावाकोदोअ्तेङ का भरु काङ्को आधामाराकाता हिन्जाङ लेङ्चातेङ्साङ गर्व पाङ्का | 10 ओदोङ भाअ्सिङ ख्रिस्तको भाअ्सिङ,कमजोरीगेलाइता ,बदनामिगेलाइता, आपथ्यारोगेलाइता, सान्ताइनाकागेलाइता सनतुस्ती हिघा | हाइपालिपानु जेलाउ कमजोरि हिघाखा कालाउ का सरबुङ्साइघा कालाउ का सरबुङ्साइका हिघा | 11 का हाइदोङ मागीका जेन्तेङ हिघा | नेलाइदोङ कासेहेङ एन्सापालि कर लागाइसुना, हाइपालिपानु नेलाइसोते ,का काङ्को बाखिन जेङ्लि गोइका |हाइपालिपानु का हाइदोङ माजेङ्लाउबुङ सर्बोच्चा प्रिरितगेलाइ खान्तेङ का तुच्स मान्थुघा | 12 जातिङ्को प्रेरितको लकसयनगेलाइ चाहि गोताङ र्-हुम्लि दोका चिन्हगेलाइ, भारबुङ्साइकागेलाइ कालाउ सरबुङ्को कामगेलाइसो नेलाइको माझाता प्रकट पाका हिघाहि | 13 आधे गोताङ मण्डलीगेलाइको तुलानाता नेलाइको हिदोइ काथाता आतुन्सा माया निङ्स्वाना ? हुनुते, एनोङ काथाता चाहि नेलाइ कासेहेङ स्यामा पिलि गोइस्वाना ,का नेलाइको भाअ्सिङ ल्हिका माजेङ्घा | 14 एला सुम खेता नेलाइकोता लोलि का तियार हिघा | का नेलाइको भाअ्सिङ ल्हिका माजेनाङ्का हाइपालिपानु का नेलाइको सम्पति माको | कालाउ नेलाइहेङ्दोङ चाहिका हिघा |हाइपालिपानु आबा-आमाइको भाअ्सिङ चान्चामिन्दी माको,| कालाउ चान्चामिन्दिको भाअ्सिङ आबा-आमाइ जोम्पालि गोइखे | 15 का नेलाइको भाअ्सिङ जेन्जाङ खु:सिसो खर्च पाङ्का कालाउ का स्वयमदोङ काबुङ काम पाङ्का |एदि का नेलाइहेङ हेन्जाङ प्रेम पाघा पानु, हाइ का चाहि आततुन्सा प्रेम निङ्लि ? 16 का नेलाइहेङ ल्हिका माफुपाघा, इदोइ ठिकदोङ नेलाइ दोअ्सुखेना|कालाउ का नेलाइहेङ चलाख पातेङ फसिपाहि नेलाइ दोसुखेना दोअ्सुखेना | 17 का नेलाइको कोता दिङ्गिल्कागेलाइसो हिदोइबुङ दयाङ्सो नेलाइसो हाइ का फाइदा ल्होपाघा रो ? 18 का तितसहेङ हाने दोअ्तेङ सेउपाघा , कालाउ उङ्को ओनेहेङ वाको दोअ्का दिङ् गिलघा |हाइ तितस नेलाइसो फाइदा ल्होपाहि ?हाइ केलाइ एनोङ्दोङ आत्मासो महिल्नाही हाइ केलाइ एनोङ्दोङ पाइतालाता माहिगिलनाहि? 19 हाइ नेलाइ इदोइ सोचितेङ हिसुना, कि एला थेकापा नेलाइको आगाता नेलाइ ताइकोङ बारेता रेम्फा सफाइ पितेङ हिसुना ?आनाउ ,केलाइ परमेस्वरको आगाता ख्रिस्ता नुइ धुइतेङ्हिका हिनाहि, कालाउ इदोइ गोताङ नेलाइहेङ बलियाका बानाइलिको भाअ्सिङ या | 20 हाइपालिपानु का लोलाउ का इच्चा पाका आन्सार नेलाइहेङ माभेत्याङ्का वाला, कालाउ नेलाइबुङ कासेहेङ ताइमि इच्सा पाकाबोमजिम माभेतेस्वाना कि दोअ्तेङ का थितेङ हिगा | सायद इनत फेसुका, मितुपाका,चेरताङ्का, दिका, काथाभानाइका, बोमिको आखेका काथा दोअ्का, आदार मापाका कलाउ ऐसाउसा जेनाउ वाला | 21 का थिका हिगा कि का आरुङ काङ्को परमेस्वर कासेहेङ नेलाइको आगाता थुचु पाप्यावा,कालाउ हिन्जाङ झनाको भाअ्सिङ का सोक पालि गोयाङ्का, ज्याइगेलाइ लाम्फा पाप पाका हिघाहि, कालाउ ताइमि असुद्ता, कासिबि, कालाउ,फादेरकासो पासताइ पाका मान्ठु वाला|