1 Corinthians
1 कुरिन्थियों
1
परमेस्वरको इच्सासो पानाङ का ख्रिस्त ये:सुको प्रेरित जेङ्लि काइनाका पावल कालाउ केलाइको प्रभुता ओने सोस्थतेससो बुङ | 2 कोरिन्थिता हिका परमेस्वरको मण्डलि जाइहेङ येसु: ख्रिस्ता पबित्तरो पाका हि,जाइहेङ परमेस्वर वाको पबित्तरो सेवक जेङ्लि दोअ्तेङ काइकाहि | केलाइहेङ बुङ गोताङ थामेगेलाइसो आरू झाराङ्गेलाइ दोफाङ काइका हि,जाइकोता ख्रिस्त हुसो खान्धुरि हि जाइ केलाइको कालाउ ओबालाइ को परमप्रभु हि | 3 केलाइको आबा परमेस्वर कालाउ प्रभु येसु: ख्रिस्तसो नेलाइहेङ अनुग्रह कालाउ सान्ति | 4 ख्रिस्त येसु: को माध्यमसो नेलाइहेङ पिका परमेस्वरको अनुग्रहको भाअ्सिङ का ताइको परमेस्वरहेङ दिनाङ धन्यबाद चढाइयाङ्का | 5 येसु:ता नेलाइ गोताङ पाहासो आसिरबाद निङ्का हिसुना,नेलाइ ताइको गोताङ चाल चलन बोली वचनसो कालाउ गोताङ ग्यानता धनि जेङ्का हिसुना | 6 येसु: ख्रिस्तको बारेता सत्ये नेलाइको गवाहि प्रमानित जेङ्का हि | 7 ओदोङ भाअ्सिङ केलाइको प्रभु येसु: ख्रिस्तको पुनरागमन ( आरूङ देखाल) र्- हुमतेङ हिपा थिकापा नेलाइहेङ हिदोइ बुङ आत्मिक बरदानका आभाव माजेनाङ | 8 केलाइको प्रभु येसु: ख्रिस्तको दिनाता नेलाइहेङ हाइदोङ दोसि माजेनाङ |ओदोङ्सिङ नेलाइहेङ न्हुसो थेकापा रेम्फा ताअ्तावा | 9 परमेस्वर खान्धुरि योग्य हि, एलोङ वादोङ हि जाइ नेलाइहेङ ताइको चान येसु: ख्रिस्तको,केलाइको प्रभु दोफा सङ्गति पालि नेलाइहेङ काइका हि | 10 केलाइको प्रभु येसु: ख्रिस्तको मिङ्ता का बिनम्रपुर्बक दोअ्खा,दाइ-ओनेगेलाइ कालाउ बाइ-बेजान ओनेगेलाइ,नेलाइ ता-ताइमिता मिलितेङ जुलेतेङ हिसु जेसाङ नेलाइको माझाता मनमतावा माजेनाको | एनोङ्दोङ बिचार कालाउ एनोङ्दोङ मन उदेस्य चुम्तेङ नेलाइ ए जेङ्तेङ हिसु दोअ्का का सेउपाखा | 11 काङ्को ओनेगेलाइ कालाउ बेजान ओनेगेलाइ, नेलाइकोता झगडा हिहे दोअ्का काथा क्लोएको जाहान सो का नेलाइको बारेता हिङ्का हिघा | 12 का दोअ्लि खाङ्का माने: इदोइ दोङ हि नेलाइ मध्ये आधिमि ''का पावलहेङ मानिखा,''आधिमि ''का अपुल्लोसहेङ मानिखा,'' आधमि ''का केफासहेङ मानिखा,''कालाउ आधिमि''का ख्रिस्तहेङ मानिखा''दोसुखेना रे | 13 हाइ येसु: ख्रिस्तहेङ भेनेङ- भेनेङ जेरता बाखाराइका हि? हाइ पावल नेलाइको भाअ्सिङ क्रुस्ता सि:पिका हि रो ? मान्थु,! हाइ पावलको मिङ्ता नेलाइ बक्तिस्ता जेङ्का हिसुना रो ? माको 14 का परमेस्वरहेङ धन्यबाद चदाइका कि नेलाइ मध्येसो क्रिसपस कालाउ गायसहेङ बाहेक का हासुहेङ्बुङ बप्तिसस्ता पिका मान्ठुघा | 15 का याको भाअ्सिङ कृतग्यता हिघा हाइपालिपानु नेलाइ काङ्को मि्ङता बप्तिस्ता जेङ्सुन्हा दोअ्तेङ हासुबुङ दोअ्लि मादावा | 16 एइ,का स्तिफनसको जाहानहेङ खिनिङ बप्तिसता पिका हिका | कालाउ आरू हासुहेङ्बुङ का ताइमिङ बप्तिसस्ता पिका काथाको कासेहेङ फोम मान्थु | 17 ख्रिस्त कासिहेङ बप्तिस्ता पिलि दिङ्गिल्का मान्थु , वा कासेहेङ सुभसन्देस हिङ्पाका काम आह्राइका हि | कालाउ सुभसन्देस साङ्सारिक ग्यानको सब्दगेलाइता हिङ्पालि माको | सुभसन्देस हिङ्पालाउ साङ्सारिक ग्यानको सब्दगेलाइ प्रयोग पाघापानु ते ख्रिस्तको क्रुसहोइ ताइको सारबुङ रामावा | 18 हाइपालिपानु नास जेङ्कालाइको भाअ्सिङ क्रुसको बारेता सिक्स्या हाइदोङ मागिका ठहरिखे | कालाउ केलाइ उदृार निङ्तेङ हिकालाइको भाअ्सिङ इङ्को परमेस्वरको सरबुङ हि | 19 धर्म सास्तर्ता एसा लेखेका हि:''का ग्यानिगेलाइको ग्यान नासा प्याङ्का का बुदिृमानिगेलाइको बुदिृहेङ सुन्य पाप्याङ्का |'' 20 ग्यानि हिसो हि ? सिक्सित हिसो हि ? इदोइ युगको दार्सानिक हिसो हि ? परमेस्वर इदोइ सुमिङ्को गयानहेङ हाइदोङ मागिका माबानाइका हि रो ?| 21 परमेस्वर ताइको ग्यानपाहासो हाइ भोखे पानु:ग्यानपाहासो सुमिङ्को द्- याङ्गेलाइ परमेस्वरहेङ मानाल्नाङ , ओदोङ भाअ्सिङ परमेस्वर वाको बुद्दिहोइ केलाइ ये:बानालपाहासो हाइमागिकासो दोङ जाइ खान्धुरि पाखे इम्बालाइको उदृारको भाअ्सिङ हाइदोङ मागिकालाइहेङ ये:बानाल पिहि | 22 यहुदिगेलाइ प्रमानको भाअ्सिङ चामात्कारगेलाइ र्- हेखे | ग्रिकगेलाइ ग्यान भोखे | 23 कालाउ केलाइ इदोइ क्रुसता ताङ्गाइनाका येसु;को बानाल पानाखे | कालाउ यहुदिगेलाइको भाअ्सिङ इदोइ एनोङ बारका समस्या कालाउ गैर यहुदिगेलाइको भाअ्सिङ इदोइ एनोङ हाइदोङ मागिका (मुर्ख) हि | 24 कालाउ जाइ परमेस्वरका साल्का यहुदि कालाउ गैर-यहुदिगेलाइको भाअ्सिङ ख्रिस्त वादोङ परमेस्वर को सरबुङ कालाउ ग्यान हि | 25 हाइपालिपानु परमेस्वरको हाइदोङ मागिका द्-याङगेलाइको ग्यान खान्तेङ हेन्जा हि परमेस्वरको दुर्बलता द्-याङ्का सरबुङ खान्तेङ बलियाका हि | 26 वाजान-ओनेगेलाइ बेजान-ओनेगेलाइ,परमेस्वर नेलाइहेङ काइका हिघाहि ,नेलाइ हिसिका हिघासुखेना? |इङ्को बिचार पासु | कालाउ सुमिङ्को ताइकोङ बुदिृहोइ पारख पाका भाइपाङ नेलाइ मध्ये हेन्जा बुदिृमानि हिसुना | नेलाइ मध्येसो हेन्जा जसो मेनाङ बलियाका मान्थुलाउबुङ,कालाउ आधिमि द्-याङ्गेलाइ महत्वपुर्नको,कालाउ धनि मान्थुघासुखेना | 27 कालाउ परमेस्वर ग्यानि द्-याङ्गेलाइ लेदेरपालि सुमिङ्को हाइदोङ मागिका काथागेलाइ साल्हि, बलियाका द्-याङ्गेलाइहेङ लेदेरपालि परमेस्वर सुमिङ्को निर्धा काथागेलाइ साल्हि | 28 कालाउ परमेस्वर सुमिङ्को इङ्को तुच्स थोहोरिका द्-याङ्गेलाइहेङ साल्हि जाइहेङ सुमिङ हेला पाहि इता ठेकापाकि हाइदोङ माभाइपा काथागेलाइहेङ साल्हि | सुमिङ्ता जेदोङ महत्वपुर्न थानिखे इङ्को गेलाइहेङ नासापालि परमेस्वर इम्बालाइहेङ साल्हि | 29 वाको आगता हासुबुङ घमण्ड मापाको दोअ्तेङ परमेस्वर एसा पाका हि | 30 परमेस्वरदोङ नेलाइहेङ ख्रिस्त येसु:को एलोङ जिवनको स्रोत बानाइका हि | परमेस्वरसो ख्रिस्त केलाइको भाअ्सिङ ग्यान जेङ्पिका हि | ख्रिस्तको कारनसो दोङ केलाइ परमेस्वरदोफा धार्मिक हिनाहि; कालाउ केलाइ पापरहित हिनाहि | कालाउ ख्रिस्त कोङ कारनसो केलाइ पबित्तरो हिनाहि | 31 जेसाङ धर्म सास्तर दोअ्खे,''हासुबुङ गर्ब पाखे पानु वा खिनिङ प्रभुता गर्ब पाको |''