10
का पावल नेलाइको आगाता हिलाउ न्म्रो जेङ्घा ,कालाउ दुरे हिलाउ नेलाइता साहासि जेङ्घा , ख्रिस्तको न्म्रोता कालाउ मायारोसो का नेलाइहेङ सेउपाखा | 2 का नेलाइहेङ सेउपाखा,नेलाइकोता लोलाउ का तिम्पालि मनहिका इङ्को साहास इम्बालाइहेङ तिम्पालि मागोयाको, जाइगेलाइ केलाइहेङ सुमिङ्कोङ खालको कामपानाखे दोअ्तेङ साङ्खा पाखे | 3 हाइपालिपानु केलाइ सुमिङ्कोदोङ कालाउबुङ सुमिङ्को धुमताते केलाइ माफेसुनाखे | 4 हाइपालीपानु केलाइको धुम तरबारहोइ सुमिङ्को भाइका माको, कालाउ इन्सिका किल्लागेलागेलाइ नासापाका इस्वरिय सरबुङ हि| 5 परमेस्वरको ग्यानको बिरुदता जा:काहेङ कालाउ काथा फेसुकागेलाइ गोताङ बलदिकालाइहेङ कालाउ दामा गोराइकागेलाइहेङ नासापाङ कालाउ गोताङ बिचारहेङ ख्रिस्तको आग्या पालन पालिको भाअ्सिङ खाबारा पानाखे | 6 नेलाइको आग्या किका पुरा जेङ्लाउ गोताङ खाल्को आग्यागेलाइहेङ दण्ड पिलि नेकाइ तियार जेन्तेङ ह्याङ | 7 नेलाइ मिङ कोङ आगाता जेङ्का आमेनेहेङ खाङ्सु| हिदोइबुङ दयाङ्हेङ इदोइ भरोसा हि कि इङ्को खिस्तको दोङ्दोअ्नु ,ताइमिहेङ फोम पाको| वा जिस्काङ ख्रिसको हि केलाइबुङ ख्रिस्तकोदोङ 8 हाइपालिपानु केलाइको खाबाराको बिसयता का हिन्जाङ बलदिलाबुङ (घमण्ड) का लेदेरका माजेनाङ्का| हाइपालिपानु इदोइ खाबारा नेलाइको बिकारजेनाको दोअ्तेङ माको,| ककाउ नेलाइको सुबिधापालि भाअ्सिङ प्रभु पिका हि| 9 का नेलाइहेङ लिखिका पातारागेलाइ नेलाइहेङ थिपाकालि तिम्पाका दोअ्तेङ माथानेसु | 10 हाइपालिपानु ओबालाइ दोअ्खे '' वाको पातारागेलाइ एदम मनदोङ्खारपाका भाइकागेलाइ जेङ्का हिखे|(प्रभाव सालि हिखे)|कालाउ इङ्को ताइमिङ हानेतेङ हिलाउ इङ्को आधामाराका जेङ्खे कालाउ वाको |वचनको हाइदोङ काम माजेङ्खे | 11 हाइपालिपानु ओबालाइ दोअ्खे '' वाको पातारागेलाइ एदम मनदोङ्खारपाका भाइकागेलाइ जेङ्का हिखे|(प्रभाव सालि हिखे)|कालाउ इङ्को ताइमिङ हानेतेङ हिलाउ इङ्को आधामाराका जेङ्खे कालाउ वाको |वचनको हाइदोङ काम माजेङ्खे | 12 ताइको बाखिन ताइमिङ्पाका आधिमि दयाङ्गेलाइदोफा केलाइ ताइमिहेङ एलोङ्दोङ सारिपा ता:लि, कालाउ ताइमिङ्हेङ इम्बालाइदोफा दाजिलि केलाइ साहास मापाङ| हाइपालिपानु इम्बालाइ ता-ताइमिहेङ्दोङ भेनाङ दोफा खाङ्लाउ कालाउ दाजिलाउ इम्बालाइदोङ लेदारयावा | 13 केलाइ सिमा कालामतेङ गर्व मापाङ| कालाउ नेलाइदोफा थेकापाङ थुकालिको भाअ्सिङ परमेस्वर केलाइहेङ दोअ्पिका सिमाताङ हा्याङ | 14 नेलाइकोता लोलाउबुङ मालोका भाइका केलाइ काथा माधापाङ(बदी चढाइ)|हाइपालिपानु ख्रिस्तको ये: बानाइको प्रचार चुम्पुतेङ नेलाइकोता लाम्फा थुकाका केलाइदोङ हिघानाहि| 15 केलाइ सिमा कालामतेङ बोमिगेलाइको जाचिकाताका गर्व मापाङ,|केलाइको आसा इसिका हि,नेलाइको खान्धुरि बाढेतेङ हानिलाउ नेलाइको आगाता केलाइको थामे झन बाढेतेङ हानावा, 16 ताकि केलाइ बोमिको थामेता लाम्फादोङ जेङ्का कामता बलमादिसिङ नेलाइसो बाहारको थामेगेलाइता ये:बानाल, बानाल पालि ड्वाको | 17 बलदिका(घमण्ड) दयाङ परमप्रभुता बल दिका माको|'' 18 हाइपालिपानु ताइको बाखिन ताइमिङ पाका दयाङ सुइकार माजेनावा | कालाउ प्रभुदोङ बाखिन पाका दयाङहेङ सुइकार पाङ |