9
परमेस्वरको द्याङ्गेलाइ पिका भेतिको बिसयता नेलाइहेङ का लेखेतेङ हिलि आवश्यक मान्थु | 2 हाइपालिपानु का नेलाइको इच्सा(तत्पर) गिकाहिघा, याको बिसयता म्यासोडोनियाको माझाता नेलाइको गर्व पाकातेङ का दोअ्का हिघाखा | कि आनेबारे सो अखैया तियार जेङ्तेङ हिगाखे| नेलाइको हाउसाइकाता इम्बालाइको हिन्जाङ द्याङ्गेलाइसो तोम्पाहि | 3 इदोइ बिसयता नेलाइको भाअ्सिङ केलाइ गर्व पाका वयर्थ माजेनाको ,कालाउ का दोअ्का आन्सार नेलाइ तियार हिसु दोअ्तेङ का ओनेगेलाइहेङ दिङ्गील्खा | 4 माकेडोनियको हासुलाउबुङ काङ्को दोफा लोहिपानु कालाउ नेलाइहेङ तियार जेङ्का मातिङ्नु केलाइ लेदरयाङ,कालाउ नेलाइहेङबुङ हिन्जाङ जेनावा | हाइपालिपानु केलाइ नेलाइ हुता बार्का भरोसाता ताअ्का हिनाखे | 5 ओदोङ भाअ्सिङ नेलाइ प्रतिग्या पाका भेतिको बन्दबस्त लाम्फाङ्सोङ मिलिपालिको भाअ्सिङ का खान्तेङ लाम्फाङ ओनेगेलाइहेङ नेलाइकोता दिङ्गिललि गोइका बिचार पाघा | ओदोङ भाअ्सिङ इदोइ भेती करकापहोइ माको, कालाउ राजिखुसीसो लिताको मनहोइ पिका भेतीको रूपता तियार जेनाको|'' 6 कालाउ काथा इदोइदोङ, आतुइसा बि:कालाइ आतुनसादोङ चेकावा| कालाउ हिन्जाङ बि:कालाइ हिन्जाङ चेकावा |' 7 कालाउ झाराङ द्याङ्गेलाइ ताइको मनता भाकल पाका आन्सार प्याको, कालाउ इच्सा माजेङ्सिङ माको, ना करकापता परितेङ माको, हाइपालिपानु लेङ्चातेङ पिकाहेङ परमेस्वर फोम पाखे | 8 .परमेस्वर नेलाइहेङ गोताङ खालको आसिस हेन्जाङ खाङ्खे ,हाइपालि पानु नेलाइदोफा दिनाङ कालाउ गोताङ काथा हिन्जाङ ज्याको, कालाउ गोताङ रेम्का कामको भाअ्सिङनेलाइ हिन्जाङ पिली दोसु 9 .इसापा लेखेका हि,वा बितावा,कालाउ गरिबगेलाइहेङ प्यावा,वाको धार्मिकता हेलालाउबुङ ह्यावा|'' 10 बिकाहेङ चालाइ कालाउ चालिको भाअ्सिङ उम पिका हि| नेलाइहेङ चालाइ प्यावा, कालाउ इनता हिन्जाङ बढेप्यावा कालाउ नेलाइको धार्मिकको सिङ्सोङ बढेपावा | 11 नेलाइको बार्का उदारताको भाअ्सिङ गोताङ काथा नेलाइ धनि जेङसुवान, जेदोङ उदारताको नाङ्कोसो परमेस्वरता चढाइका धन्यबाद उतर प्यावा | 12 इदोइ सेवाको कामसो सेवकगेलाइको हाइदोङ मान्थुका पुरा ज्यवा | इङ्को झोको खिनिङ माको, परमेस्वरता हिन्जाङ धन्यबाद्को भावाना धाअ्तेसाङ लावा | 13 इदोइ सेवाको प्रमान चुमातेङ नेलाइ ख्रिस्तको ये: बानालको बानाल सुइकार पाका ताइको भावाना आग्याकारिसो इम्बालाइ कालाउ झाराङको भाअ्सिङ नेलाइ उदारमनसो पिका भेतिसो परमेस्वरको महिमा ज्याको | 14 परमेस्वरको असिम अनुग्रह नेलाता हिदोङ्हि इम्बालाइ नेलाइहेङ लिताकोङ् मनसो माया काखे, ओदोङ भाअ्सिङ नेलाइको भाअ्सिङ दोमचाकाइखे | 15 वाको बयानदोङ पालि मादोअ्का बरदानको भाअ्सिङ परमेस्वरहेङ धन्यबाद ज्याको |