8
ओनेगेलाइ, माकेदोनियाको मण्डलिगेलाइता परमेस्वरदोङ पिका अनुग्रहको बारेता केलाइ नेलाइहेङ दोअ्पिलि खाङ्घाखे | 2 दु:खको बार्का नासिलि नाहिलि जाचिका माझाताबुङ इस्तुङ आनन्द पातेङ कालाउ हाइदोङ मान्थुलाउबुङ इम्बालाइ उदार चित्तासो दान पिहि | 3 .हाइपालि पानु का गवाहि प्याङ्का, इम्बालाइको ग्च्सेआन्सार (दोअ्काआन्सार) कालाउ ग्च्सेखान्तेङ्तेङ हेन्जाङबुङ ताइको राजिखुसिसोपिहि, 4 कालाउ पबित्तरो जनगेलाइको सेवाको अनुग्रह कालाउ सङ्गतिता केलाइ भाग र्-हुलि निनाको दोअ्तेङ केलाइहेङ सिउपाहि | 5 केलाइ आसा पाका आन्सार ओबालाइ मापिहि| कालाउ ओबालाइ लाम्फाङ ताइमिहेङ प्रभुता समर्पन पाहि| कालाउ परमेस्वरको इचसा आन्सार केलाइहेङ पिहि | 6 केलाइ आसा पाका आन्सार ओबालाइ मापिहि| कालाउ ओबालाइ लाम्फाङ ताइमिहेङ प्रभुता समर्पन पाहि| कालाउ परमेस्वरको इचसा आन्सार केलाइहेङ पिहि | 7 जेसाङ गोताङ काथाता नेलाइ बाढ़तेङ हानेका हानेका हिसुना, ओसाङ खन्धुरिता,वचन,ग्यानता, गोताङ जोसता कालाउ, केलाइता नेलाइको प्रेमता इन्सादोङ नेलाइ इदोइ रेम्का कामताबुङ हिन्जाङ जेङ्सु | 8 का इदोइ आग्याको रुपता दोअ्का माको,कालाउ आरूगेलाइको जोसता एन्सापातेङ नेलाइको प्रेमबुङ जातिङ्कोङदोङ प्रमानित पालि का इदोइ दोअ्का हिगा | 9 हाइपालिपानु केलाएको येसु: ख्रिस्तको अनुग्रह नेलाइहेङ थाहा हि,वा धनि हिघाहि,कालाउबुङ नेलाइको भाअ्सिङ वा गरिब जेङ्हि | हाइपालिपानु वाको गरिबसो नेलाइ धनि जेङ्हि दोअ्सुन्हा | 10 एला इदोइ बिसयता चाहि काङ्को सालाहा एदोङ हि, ए,बासार लाम्फा जेदोङ पिका काम नेलाइ सुरु पाका खिनिङ माको, इङ्को पाली इच्साबुङ पाका हिघासुखेना, इङ्कोहेङ एला पुरा पालि नेलाइको भाअ्सिङ रेम्का जेनाङ | 11 इच्सा पाकाता नेलाइको जेदोङ् मन हिघाहि एनङ्सापातेङ थिक ताइको ग्च्से आन्सार पीतेङ इदोइ कामहेङ पुरा पासु| 12 .हाइपालिपानु पिका मन हि पानु, दयाङ्दोफा हिका आन्सारको दानदोङ ग्रहन योग्य जेनावा मान्थुका आन्सारको माको, 13 .हाइपानुपालि जेलाउ बोमिगेलाइ खु: सि जेङ्लाउ नेलाइ कस्तता जेङ्सु दोअ्तेङ केलाइ माचाहिनाखे| केलाइ गोताङ आनेमाने बाराबर जेनाको दोअ्तेङ चाहिनाखे | 14 हाइपालिपानु एदि बाराबरको आन्सार खाङ्हे पानु इदोइ नानिको समयता केलाइको थुप्रोङ्सो इम्बालाइको हाइदोङ मान्थुका पुरा पालि जेनाको, कालाउ इम्बालाइको थुप्रोङ्सो नेलाइको हाइदोङ मान्थुका पुरा हाइदोङ मान्थुका पुरा बानाइयाको| इसिका झाराङ्ता बाराबर ज्याको, 15 जेसाङ लिखीका हि,हेन्जाङ जोम्पाकालाइको हेन्जाङ हाइदोङ मान्थुहि | कालाउ आतुइसा जोम्पाकालाइको कमबुङ माजेङ्हि | 16 कालाउ परमेस्वरहेङ धन्याबाद ज्याको |ज्याइ तितसको मनता नेलाइको भाअ्सिङ इङ्कोङ पिर ताअ्पिहि | 17 हाइपालिपानु वा केलाइको मनको काथा ताअ्ताका किका खिनीङ माको |ताइमिबुङ मारेम्फाङ उत्साह जेङ्तेङ ताइकोङ मनहोइ नेलाइकोता लोदोङ्खे | 18 कालाउ केलाइ वाकोदोफा इङ्को ओंनेहेङ दिङ्गिल्नाहि, वा ये:बानाल प्रचार पालि गोताङ मन्दलिको माझाता नामि हि| 19 कालाउ इङ्को झोको खिनीङ माको, वा प्रभुको महिमाको भाअ्सिङ कालाउ केलाइको बानी तिम्पालि केलाइ पादोङ्नाखे रेम्का कामता केलाइ दोफा हानिली मन्डलिसो वासेहेङ साल्काहि हि | 20 उदार मनसो पिका इदोइ दान चालाइलि इङ्को बिसयता हासुबुङ केलाइहेङ दोसिलि माताताको दोअ्तेङ केलाइको मन हि | 21 हाइपालिपानु केलाइ प्रभुको नजरता खिनिङ माको, द्-यागेलाइको नजरताबुङ जेदोङ आदरनीय हि इङ्को पालि ल्क्स्य ताअ्नाखे | 22 इम्बालादोफा केलाइको ओनेहेङ दिङ्गिलन्हाखे, ज्याइहेङ केलाइ हिंन्जाङ चोति जाचितेङ हिन्जाङ काथाता हाउसाइ निङ्का हिनाहि | नेलाइकोता हिका वाको बार्का भरोसा सो आरू हिन्जाङ हाउसाइ जेङ्तेङ हि | 23 तितस चाहि काङ्को दोफा कालाउ नेलाइको सेवाता काङ्को साघाइका सानाइति जेङ्का हि| कालाउ ओनेगेलाइ चाहि मन्डलिगेलाइको दुतगेला कालाउ ख्रिस्तको महिमा पाका| 24 नेलाइको प्रेम कालाउ नेलाइको बिसयता पाका केलाइको गर्वको प्रमान मण्डलिगेलाइको भेरपाङसो इदोइ द्-याङ्गेलाइहेङ पिसु |