7
ओदोङ भाअ्सिङ ओइ सानाइतिगेलाइ इसिका प्रतिग्या पाकाता जिउ कालाउ आत्माको गोताङ खाल्को असुदृद गेलाइसो केलाइ ताइमिहेङसुद बानाइने,कालाउ परमेस्वरता थितेङ पबितरोहेङ सिदृद बानाइने | 2 केलाइहेङ नेलाइको मन खोलिपिसु केलाइ हासुकोबुङ मन तुपाकाका मान्थुनाहि | केलाइबुङ हासुहेङ्बुङ खान्धुरिसो नासापाका मान्थुनाहि |केलाइ हिदोइबुङ दयाङ्गेलाइहेङ ठोगेका मान्थुनाहि | 3 नेलाइहेङ दोसिलि लागाइलि केलाइ इदोइ दोअ्का माको ? हाइपालिपानु का लाम्फाङ दोअ्होइका, नेकाइ केकाइको दोअ्फा सि:लि कालाउ बान्चिलिको भाअ्सिङ केलाइको मन लिताङ हिसुना | 4 नेलाइ दोफा काङ्को बारका भोरोसा हि, नेलाइ हुता का हेन्जाङ गर्व पाङ्का | का नेलाइको रेम्का काथासो पोङ्घातेङ का हिघा; कालाउ केलाइको गोताङ दु:खता का आनन्द जेङ्तेङ पोङ्घातेङ होनाखा | 5 हाइपालिपानु केलाइ म्यासिदोनियता लोकाबुङ केलाइको जिउहेङ हाइदोङ चैन मान्थुघाहि, काकाउ गोताङ्पाहासो केलाइहेङ दु:ख जेङ्का हिघाहि,बाहर -बाहार धुम हिघाहि कालाउ लिता-लिता थिकाबुङ हि | 6 इन्सिका जेङ्लाउबुङ, नम्रगेकाइहेङ सान्तवना पिका परमेस्वर तितसको लोकासो केलाइहेङ सान्तावा पिका | 7 वाको लोकासो खिनीङ माको, इङ्को सान्तावानासो जेङ्का सान्तावाना वा नेलाइसो निङ्का हिघाही | कासेहेङ भेतिलि नेलाइको बार्का इच्चाको बारेता वा केलाइहेङ दोअ्पिहि | काङ्को भाअ्सिङ नेलाइको सोक,पिरको बारेता कालाउ नेलाइको वाङ्खाराका चिन्ताको बारेताबुङ वा दोअ्हि, कालाउ का झन हेन्जाङ आ,नन्द जेङ्घा | 8 का ताइको पातारा सो नेलाइहेङ दु:खि बानाइलाउबुङ का मापासइतायाङ्का , जेङ्लिते कासिहेङ पासताप जेङ्काङ हिघाहि |कासेहेङ थाहा जेङ्हि हाइपालिपानु इङ्को पातारा आतुइसा समयको भाअ्सिङबुङ नेलाइहेङ दु;खि बानाइहि | 9 नेलाइहेङ दु:ख जेङ्हि दोअ्तेङका खु:सि जेङ्का माको, हाइपालिपानु नेलाइको दु:ख नेलाइहेङ पासताइका बानाइहि दोअ्तेङ ,हाइपालिपानु नेलाइ इस्वररिय दु:खको अनुभव पासुना, कालाउ केलाइको पाहासो नेलाइहेङ हाइदोङ नासापाका सहिलि मागोइहि | 10 हाइपालिपानु इस्वर्रिय दु:खको भाअ्सिङ मुक्तिको भाअ्सिङ पासताइता चुमाहि, कालाउ, इन्ता पासताइका मान्थुखे कालाउ सुमिङ्को दु:खते सि:काता चुम्पुखे| 11 .हाइपालिपानु खाङ्सु, एदोइ इस्वरिय दु:ख नेलाइता हिसिका उत्साह जेङ्पाहि, ताइमिहेङ निरदोसि बानाइलि नेलाइता हिसिका उत्सुक हि, हिसिका चेर,हिसिका थिका, हिसिका दिका, हिसिका पुरपाराका जोस ,न्याको जेनाको दोअ्तेङ, हिसिका मन| गोताङ काथाता नेलाइ ताइमिङहेङ निर्दोसि जेङ्का हि, दोअ्का प्रमान पाका हिनाहि| 12 का इदोइ पातारा अन्याय पाका दयाङ्को कारनसो लेखेका माको ,नाते अन्याय परिका द्याङ्कोदोङ,लेखेका कारन हाइपालिपानु परमेस्वरको नजरता , केलाइता नेलाइता हिसिका हि, दोअ् नेलाइहेङ थाहा ज्याको | 13 ओदोङ भाअ्सिङ केलाइ सान्तावाना निङ्का हिनाहि | केलाइ निङ्का ताइको सान्तावाना बाहेक तितसको आनन्दता केलाइ हेङ्जाङ लेङ्चानाहि, हाइपालि पानु नेलाइसो वाको मनहेङ सान्ति निङ्का हि | 14 हाइपालिपानु वाको भेर्पा बारेता का आतुनसालाउबुङ घमम्द पाका हिलाउबुङ कासेहेङ इङ्कोता हाइदोङ लेदर मान्थु | हाइपालिपानु जेसा केलाइहेङ दोसिलिका काथा गोताङ सत्ये दोअ्पिका गोताङ काथा सत्ये हिगाहि, ओसाङ्दोङ तितसको आसाता केलाइ पाका घमन्दबुङ सत्ये हिघाहि | 15 नेलाइ झाराङ्कोआग्याकारिको कालाउ नेलाइको थिकाकालाउ फिरतेङ्सा वासेहेङपाका स्वागत सम्झीतेङ खाङ्लाउ वाको लितामाया नेलाइ कोता झन बरतेङ ल्वावा|( ला:वा) | 16 का रामाइखा, हाइपालिपानु नेलाइहुता काङ्को पुरा भोरासा हि |