6
केलाइ परमेस्वरको साघाउनिगेलाइ , ओदोङ भाअ्सिङ केलाइ नेलाइहेङ सेउपानाखे जेदोङ अनुग्रह परमेस्वरसो निङ्का हिनाहि मोअ्तेङ हानिलि पापिसु | 2 हाइपालिपानु वा दोअ्खे ,''ग्रहन योग्य सोमोइता का नाङ्को दोमचाकाइका हिङ्घा, कालाउ मुक्तिको दिनाता ,का नासेहेङ साघाइघा |''खाङ, ग्रहनयोग्य सोमोइ एलादोङ, मुक्तिको दिना नानिङ्दोङ | 3 केलाइको सेवाता दोसिलि मानिनाको दोअ्तेङ केलाइ हासुबुङ दामाता आवाइतुपाका कारन माजेनाइने | 4 भरु गोताङ कामता केलाइ हेसा पालाउबुङ ताइमिहेङ परमेस्वरको सेवकगेलाइ भाइका दोअ्तेङ तिम्पानाखे |हिन्जाङ सहितेङ,दु:खता आनिलकाल्ता ,बिपतता,अप्थ्यारोता, 5 डानाइ निङ्चाकाता, झ्याल्खानाता,हुलदुङ्गाता, मेहेनेतता,मिधुलापाङ माजिम्सीङ हिलाउ, म्हितुपाङ हिलाउ, 6 सुद्ता ,ग्यानता, धैर्यता,दायाकाता , पबित्तरो आत्माता जातिङ्को प्रेमता, 7 सत्ये नुइधुइकाता कालाउ परमेस्वरको सरबुङ्ता, दाम्पाहा कालाउ केपाहा धार्मिकताको तरवार चुमतेङ, 8 आदरता कालाउ अनादरता, बदनामता कालाउ बाखिनता, केलाइ ठगेका भाइनाखे, कालाउ केलाइ जातिङ्को सत्ये हिनाहि | 9 मानाल्का भाइकालाउबुङ नाल्का भाइपा हिनाहि, सि:लि तोम्का भाइकालाउबुङ केलाइ बान्चिकाङ हिनाहि | साजाइ भोगिनाखे कालाउबुङ, सि:का मान्थुनाहि | 10 दु:खते हिदोङ हि, कालाउबुङ दिनाङ आनन्दता हिनाखे | गरिब हिनाहि, कालाउबुङ हिन्साङहेङ धनि बानाइका | हाइदोङ मान्थुका भाइकालाउबुङ कालाउबुङ गोताङ आनेमाने हिका भाइका | 11 ओइ कोरिथीको द्-यागेलाइ, केलाइ मन खुल्ला पातेङ नेलाइहेङ दोअ्पिकाङ हिनाहि, केलाइको हृदय नेलाइको भाअ्सिङ खुल्ला हि | 12 नेलाइको निङ्लि गोइका केलाइको माया आतुइसा जेङ्का मान्थु, भुरु केलाइ नेलाइसो निङ्लि गोइका माया ओताकाहि हि | 13 एला याको बदलिता का ताइकोङ जामालगेलाइ दोफा भाइपाङ दोअ्खा, कि नेलाइबुङ ताइको हृदयहेङ खुल्ला तासु | 14 गैर-यहुदिगेलाइदोफा एनोङ्दोङ जुवाता नारितेङ माहिसु| हाइपालिपानु धर्म-काकाउ अधर्मको हाइ सोरोकार हि, रो?कितिकिका कालाउ फाइसालामकाको हाइ 'ए' दोफाङ हिखे ? 15 ख्रिस्तहेङ बेलिआलदोफा हाइ सोरोकार? हिखे ?खान्धुरि पाका कालाउ मापाकादोफा हाइ बाराबर हि? 16 मुर्तिगेलाइ दोफा परमेस्वरको मुन्दिर हाइ सम्बन्ध हि रो? हाइपालिपानु केलाइ सिन्हुका परमेस्वरको मुन्दिरगेलाइ, जेसाङ परमेस्वर दोअ्हि, ''का इम्बालाइदोफा बासा ह्यायाङ्का, कालाउ, इम्बालाइको माझाता हिगिलाङ्का, कालाउ का इम्बालाइको परमेस्वर जेनाङ्का, कालाउ इम्बालाइ काङ्को प्रजा जेनावा | 17 ओदोङ भाअ्सिङ' ओबालाइको माझासो ओल्लेतेङ लोसु, कालाउ नेलाइ खेङ्सु | ' परमप्रभु दोअखे, असुद्दद आमेने हाइदोङ मासाइसु,कालाउ का नेलाइहेङ ग्रहन पाङ्का | 18 का नेलाइको आबा जेनाङ्का, काकाउ नेलाइ काङ्को चानचामिन्द जेङ्स्वाना,सरबुसाइका परमेस्वर दोअ्खे |''