5
हाइपालिपानु केलाइ गिनाखे, कि केलाइको बा:सा हिका इदोइ पार्थिक जिउ लोङ्तेङ हानिलाउबुङ स्वर्गता अनन्त थिकापा हिका परमेस्वरदोङ पिका केलाइको 'सा' हि, इङ्को चाहि खुरहोइ बानाइका माको | 2 केलाइ केलाइको एलाको साता वाक्का दिक्क जेङ्नाहोइ कालाउ स्वर्गिय सा, निङ्लि मन पातेङ हिनाहि, जेदोङ परमेस्वर केलाइहेङ प्याङ | 3 हाइपालिपानु इङ्को धारन पातेङ केलाइ नाङ्गाङ माजेनाङ | 4 हाइपालिपानु इदोइ देराता हिलाउ पिरपातेङ रि्-हिङ्का हुसी तानितेङ , केलाइ नाङ्घाङ जेङ्लिको भाअ्सिङ माको , ओरोङ्बुङ हिन्जा धाबा होनाइने दोअ्तेङ कालाउ जाइ सी:लि तोम्का लोकोबोकोका हि, इङ्को जिवनता मिलियाको | 5 एला केलाइहेङ इदोइ काथाको भाअ्सिङ तियार पापिका परमेस्वर हि, जाइ केलाइहेङ बाइना रूपता पबित्तरोरो आत्मा पिका हि | 6 ओदोङ भाअ्सिङ केलाइहेङ गोताङ भोरासाहि |केलाइ गिनाखे कि, केलाइ जेलाउ थिकापा जिउता ह्यायाङ, इङ्को दिना थिकापा प्रभुसो केलाइ लाअ्नाङ | 7 हाइपालिपानु केलाइ खन्धुरिसो हिगिलन्हाखे, तिङ्का काथाको खिनिङ आधारता माको | 8 केलाइहेङ मन लि:तासोङ आसा हि, भरु जिउसो खेङ्तेङ प्रभु दोफा केलाइ ह्यायाङ | 9 ओदोङ भासिङ चाहे केलाइ जिउता हिलाउबुङ, चाहे खेङ्तेङ हिलाउबुङ वासेहेङ लेङ्चापालिदोङ केलाइको लकस्य हि | 10 हाइपालिपानु केलाइ झाराङ ख्रिस्तको न्याय-आसनको आगाता जाअ्लि गोयाङ, केलाइ जिउता हिलाउ ताइमि पाका काम आन्सारको झाराङ रेम्का मारेम्का फल निनावा | 11 ओदोङ भासिङ प्रभुसो थिका थाहा गीतेङ केलाइ द्-याङ्गेलाइहेङ किपानाखे | कालाउ केलाइ जेदोङ पानाखे परमेस्वर गिखे, कालाउ का आसा पाखा, इङ्को नेलाइको पुन्दीङ्ताबुङ झालाझालापा हि वाला | 12 केलाइ आरोङ नेलाइको भेरपा ताइको बाखीन मापाङ | हाइपालि पानु इम्बालाइहेङ केलाइता गर्भ पालि माौका पिका हिना हि, ताकि नेलाइ ओबालाइहेङ जोबाफ पिलि ड्वाको, जाइ द्-याङ्को हृदयको काथाता माको कालाउ बाहारको काथाता बल दिखे | 13 एदि केलाइ होस्टा मान्ठुनाही पानु, इङ्को परमेस्वरको भाअ्सिङ हि, एदि केलाइ ठिक होस्ता हिहे पानु, इङ्को नेलाइको भाअ्सिङ हिका | 14 ख्रिस्तको मायारु सो केलाइहेङ कर बानाइका हि | हाइपालिपानु केलाइहेङ इदोइ निसित हि,झाराङ्को भाअ्सिङ एमि सि:कासो झाराङ सि:हि | 15 वा झाराङ्को भाअ्सिङ सि:हि, हाइपालिपानु बान्चिकालाइ एला ताइको भाअ्सिङ बान्चिलि माको | कालाउ वाको भाअ्सिङ बान्च्याको, जाइ इम्बालाइको भाअ्सिङ सि:हि, कालाउ आरोङ वासेहेङ सिन्हुपाते ल्होपाहि | 16 एला उसो इदोइ केलाइ हासुहेङ्बुङ द्-याङ्को नजरसो माखानाङ | केलाइबुङ लाम्फा ख्रिस्तहेङ दयाङ्को नजरहोइ खाङ्का हिघानाहि कालाउ एलासो उसो वासेहेङ एन्साङ माखानाङ | 17 ओदोङ भाअ्सिङ जाइ ख्रिस्ता हि, वादोङ नावा सृरस्जान्हाका | पुर्ना माअ्तातेङ हानिहोइ, खाङ्सु नावा लोका हि | 18 इदोइ गोताङ परमेस्वरसो जेङ्काहि, जाइ केलाइहेङ ख्रिस्तसो ताइदोफा मिलिपालि चुमाका हि , कालाउ केलाइहेङ मिलिपाका सेवा पिहि| 19 वा स्वयम ख्रिस्ता हितेङ परमेस्वर सुमीङ्हेङ केलाइदोफा मिलिपातेङ चुमादोङ्घाहि | इम्बालाइको अपराधको लेखा मार्हुतेङ मिलिप पाका कामको ये:बानाल वा केलाइहेङ सोम्पि पिका हि | 20 ओदोङ भाअ्सिङ केलाइ ख्रिस्तको राजदुतगेलाइ, कालाउ परमेस्वर केलाइसो सेउपाकाताङ हि | ख्रिस्तकोङ पक्स्यता केलाइ नेलाइहेङ सेउपानाखे कि, नेलाइ परमेस्वरदोफा मिलिलि लोसु | 21 हाइपालिपानु केलाइ वाकोता परमेस्वरको धार्मिकता जेङ्लि ड्वाको दोअ्तेङ पाप मानाल्कालाइहेङ परमेस्वरदोङ केलाइको भाअ्सिङ पाप बानाइ हि |