4
ओदोङ्भाअ्सिङ कृपा निङ्तेङ केलाइदोफा इदोइ सेवा जेङ्का हि केलाइ हरेस माचाङ | 2 केलाइ लेदेरका कालाउ म्होतेङ पाका कामगेलाइ ला:पिका हिनाहि केलाइ आखेका कामपालि कालाउ परमेस्वरको बचनहेङ हेरफारपालि ला:पिनाहि | सत्येहेङ जाहापा तिम्पातेङ, परमेस्वरको नजरता द्-याङ्गेलाको आगाता ताइमिहेङ ग्रहनयोग्य बानाइखे | 3 केलाइको बानाल नोसोइहोइ तु:पाका हिलाउबुङ इदोइ नासाकालाइको खिनिङ नोसोइ ठुम्नाका हि | 4 इम्बालाइको बारेता दोअ्लि खाङ्नु ख्रिस्त वादोङ परमेस्वरको रुपता हि, वाको महिमाको ये: बानाल इम्बालाइ मातिनाको दोअ्तेङ इदोइ सुमिङ्को सासन पाका खान्धुरी मापाका द्-याङ्गेलाइको सम्झिका मन कान्हा बानाइ पिकाहि | 5 इम्बालाइको बारेता दोअ्लि खाङ्नु ख्रिस्त वादोङ परमेस्वरको रुपता हि, वाको महिमाको ये: बानाल इम्बालाइ मातिनाको दोअ्तेङ इदोइ सुमिङ्को सासन पाका खान्धुरी मापाका द्-याङ्गेलाइको सम्झिका मन कान्हा बानाइ पिकाहि | 6 जेदोङ परमेस्वर'' कितिकितिकासो फाइसालामका जेनाको दोअ्हि, वा केलाइको मनता जोल्का हि, हाइपानु परमेस्वरको महिमाको ग्यानको फाइसालामका ख्रिस्तता चिल्कापाहि | 7 सर्बस्रेस्ट सरबुङ केलाइको माको कालाउबुङ परमेस्वरको हिनाहि, दोअ्का झाला-झालापा तिम्पालिको भाअ्सिङ इदोइ सम्पति केलाइदोफा इङ्को भोनोइको ताखालातागेलाता हि | 8 केलाइ झाराङ्पाहासो दु:ख निन्चाका हिनाहि, कालाउबुङ चेम्नाका मान्थुनाहि | आवाइ तुका हिनाहि, कालाउबुङ थिका मान्थुन्हान्हि| 9 सान्ताइन्हाका कालाउबुङ लाअ्का मान्थुनाहि |पाललाउ थोबिनाका हिनाहि, कालाउबुङ नासाका मान्थुनाहि | 10 येसु:को जीवन केलाइको जिउता प्रकट जेनाको दोअ्तेङ केलाइ वाको सि:का जिउहेङ दिनाङ केलाइको जिउता फुतेङ हिगिल्खे | 11 हाइपालिपानु केलाइ सिन्हुपाङ हिलाउबुङ येसुको भाअ्सिङ दिनाङ सि:काको नुइताङ परितेङ हिसुखेना, इदोइ हितुहोइ कि येसुको जिवनता केलाइको सि:लि तोम्का जिउता प्रकत जेनाको | 12 एपासा सि:का केलाइता काम पाखे,कालाउ जिवनचाहि नेलाइकोता | 13 .''का खान्धुरि पाखा, ओदोङ भाअ्सिङ का दोअ्घा '' दोअ्का कोङ आत्मा केलाइकोताङ हिनाङ, केलाइबुङ खान्धुरि पानाखे , कालाउ केलाइ नुइ धुइनाखे | 14 केलाइ गिनाखे,कि प्रभु येसुहेङ सिन्हुपाका केलाइहेङबुङ येसु दोफा सिन्हुपावा, कालाउ वादोङ केलाइहेङ नेलाइदोफा वाको लोकाता चुमावा | 15 हाइपालिपानु इदोइ गोताङ नेलाइकोङ भाअ्सिङ जेङ्का हि,जेसाङ अनुग्रह हेन्जा खान्तेङ हेन्जाङ द्-याङ्गेलाइता चारचारइतेङ हानावा, ओसाङ्दोङ परमेस्वरको महिमाको भाअ्सिङ धन्यबाद पिका कामबुङ हेन्जाङ दोङजेनतेङ हानावा | 16 ओदोङ भाअ्सिङ केलाइ हरेस माचानाखे | केलाइको लाम्फाको मरेम्का मन नास जेन्तेङ हानिलाबुङ केलाइको आत्मिक मन चाहि दिनाङ्-दिनाङ नावा जेन्तेङ हानीखे | 17 हाइपालिपानु केलाइको होम्का कालाउ इघुरिङ्को दु:ख केलाइको भाअ्सिङ तुलानापालि मादोका हेलाउ-लाउबुङहिका बार्का महिमा तियार पादोङ्खे | 18 केलाइ तिङ्का काथाता माको, मातिङ्का काथाहेङ खाङ्न्हाखे, हाइपालिपानु तिङ्का काथा इघुरिङ्खीनिङ हिखे, मातिङ्का काथा चाहि हेलाउ-लाउबुङ थिकापा हिखे |