12
दादा-ओने,बाइ-आनाउगेलाइ,एला का भोखा हाइ नेलाइ आत्मिक बरदानगेलाइको बारेता अनजान माजेङ्सु दोअ्का काङ्को इच्सा मान्ठु | 2 नेलाइहेङ थाहादोङ हि कि, जेलाउ नेलाइ खन्धुराइ हिघासुखेना, कालाउ एनोङ ना एनोङ प्रकारसो नेलाइ ताइमिदोङ प्रभाव जेङ्तेङ नेलाइ नुइ धुइलि मादोका मूर्तिभारि मन पासुना | 3 नेलाइहेङ दोअ्खा इदोइ काथा गिसु,कि परमेस्वरको आत्मासो नुइ धुइका हासुबुङ,''येसु : स्रापित ज्याको मादोखे''कालाउ पबित्तरो आत्मा खिनीङ ''येसु:दोङ प्रभु हि''दोअ्लि ड्वाङ | 4 आत्मिक बरदान गेलाइ परिपरिको हिखे कालाउ इङ्को एनोङ्दोङ आत्मासो जेङ्खे | 5 सेवा पाका तरिका भेनाङ-भेनाङ हि ,गोतेङ इङ्को उपायगेलाइ एनोङ्दोङ इङ्को प्रभुसोदोङ, हाइपालिपानु प्रभु एनोङ्दोङ हि | 6 कालाउ कामगेलाइ हेन्जा परिपरिको हि, कालाउ अदोङ परमेस्वर गोताङ मानिमुइ जातिहेङ इङ्को काम पालि प्रेरेना पिखे | 7 झाराङ्को भोलाइको भाअ्सिङ पबित्तरो आत्माको काम प्रकत जेङ्लि झाराङहेङ पिका हि | 8 आधिमिहेङ पबित्तरो आत्मासो बुद्दिको काथा दोअका , आधिमिहेङ एनोङ पबित्त्तरो आत्मा आन्सार ग्यानको काथा दोअ्का| 9 आधिमिहेङ ओदोङ पबित्तर आत्मासो खान्धुरि पाखा,आधिमिहेङ ओदोङ एनोङ पबित्तर आत्मासो मासाधिका एल्पाका बरदान गेलाइ पिकाहि, 10 आधिमिहेङ भारबुसाइका कामगेलाइ पाका,आधिमिहेङ अगम बानिदोका,आधिमिहेङ आत्मागेलाइ नाल्का छाल्लिदोका,आधिमिहेङ परिपरिको भासा गेलाइ धुइका,आधिमिहेङ चाहि इङ्को भासागेलाइको माने खोलि पिका | 11 कालाउ इदोइ गोताङ ओदोङ एमि पबित्तर आत्माको काम गेलाइ दोङ | वा झाराङहेङ वाको मन आनुसार बरदान पिखे | 12 हाइपालिदोनु जेसाङ जिउ एलोङ हि,कालाउ इङ्कोको हेन्जाङ अङ्ग गेलाइ हिखे,कालाउ जिउको गोताङ अङ्गगेलाइ हेन्जा हिलाबुङ जिउ चाहि एनोङ दोङ हिखे,ख्रिस्तबुङ इन्सिकाङ हि | 13 हाइपालिपानु एनोङ दोङ पबित्तर आत्मासो केलाइ झाराङ एनोङ्दोङ जिउता ब्पतिस्ता निङ्का हिनाहि चाहे इङ्को यहुदि चाहे इङ्को ग्रिक,बन्धाइति चाहे मुक्त जेङ्का, केलाइ झाराङ हेङ एनोङदोङ पबित्तर आत्मासो आम्लि पिका हि | 14 हाइपालिदोनु जिउ एनोङ्दोङ अङ्गसो खिनिङ माको भरु हेन्जा अङ्गगेलाइसो बानाइका हिखे | 15 एदि खोकोइ ''काखुर माको,एन्सापाङ का जिउको अङ्ग माको'' दोअ्हि पानु,हाइ इङ्को जिउको अङ्को माजेङ्खे रो ? 16 कालाउ न्हातोङ ''कामिसियाँ माको,एन्सापा का जिउको अङ्ग माको'' दोअ्हेपानु,इङ्को जिउको अङ्ग माजेङ्खे रो ? 17 एदि गोताङ जिउ मिसियाँ हिनुते हिसोसो हिङ्लि?एदि गोताङ जिउ न्हातोङ हिनुते न्हुम्ली हिसोसो? 18 कालाउ परमेस्वर ताइको इच्सा आन्सार जिउता गोताङ परिपरिको अङ्गगेलाइ सोबाइपा सारीपा ताअ्पिका हि | 19 एदि इङ्को गोताङ एनोङ्दोङ अङ्ग हिनुते कालाउ जिउ हिसो ह्यावा ? 20 कालाउ अङ्गेलाइ हेन्जा हि, कालाउबुङ जिउ चाहि एनोङ्दोङ | 21 मिसियाँ, खुरहेङ '' नाङ्को आवस्यक मागोयाङ '' दोअ्लि मादोअ्खे, कालाउ पुरुङ्बुङ खोकोइहेङ''कासेहेङ नेलाइको दरकार मान्थु'' दोअ्लि माद्वाववा | 22 भरु जिउका झन हुइका तिङ्का अङ्गगेलाइ दोङ माजेङ्सा माजेङ्का हिखे | 23 जेदोङ जिउको इङ्को अङ्गेलाइहेङ केलाइ आतुन्सा महत्वक थानिनाखे,इङ्कोहेङ केलाइ थुप्रो आदार पानाखे | आगाताङ देखाल पालि मादोअ्का अङ्गगेलाइहेङ केलाइ हेन्जा भद्रदोफाङ ताअ्नाखे, 24 आगाताङ तिम्पालि माअ्दोका केलाइको अङ्गेलाइहेङ ओसारापा रेम्फा ताअ्लि मागोइखे|कालाउ परमेस्वर केलाइको जिउहेङ सोबाइपा सारिपाका हि, कि बेकामको अङ्गेलाइहेङ इस्तु आदार पाका हि | 25 ताकि जिउता मन्दा माताका माज्याको, कालाउ अङ्गगेलाइ एमिसो भेनेङको भाअ्सिङ ए खालको वास्ता पासु | 26 एदि एनोङ अङ्गहेङ कस्त जेङ्हे पानु गोताङ अङ्गगेलाइदोङ दोफाङ कस्त भोगिखे,एनोङ अङ्गको आदार जेङ्हेपानु गोताङ अङ्गगेलाइ दोफाङ आनन्द मानिपाखे | 27 नेलाइ ख्रिस्तको जिउ दोङ,कालाउ गोताङ इङ्कोको अङ्गगेलाइदोङ | 28 परमेस्वर मण्डलिता एतेङ प्रेरितगेलाइ न्हेतेङ अगमबक्तागेलाइ,सुमतेङ सिस्यकगेलाइ,कालाउ भारबुसाइका कामपाकालाइ,कालाउ एल्पाका बरदान निङ्कालाइ,सघाइकागेलाइ,प्रसासन पाकालाइ,थरिथरिकोभासा धुइकालाइ हेङ जोम्पाका हि | 29 हाइ इदोइ गोताङ प्रेरितगेलाइ दोङ ? हाइ झाराङ अगम बक्ता दोङ ? हाइ झाराङ सिक्स्यक दोङ ? हाइ झाराङ भारभुसाइका कामपाकालाइ दोङ ? 30 हाइ झाराङदोफा एल्पाका बरदान गेलाइ हिखे ? हाइ झाराङ दोङ परिपरिको भासा दोखे ? हाइ झाराङ दोङ याको माने खोलिलिदोखेर ? 31 कालाउ झन आसा झाउका बरदानगेलाइको उत्क्रिस्त इस्सा पासु | कालाउ का नेलाइहेङ झन उतम काथा दोअ्प्याङ्का |