11
काङ्को अनुसरन पाका जेङ्सु, जेसाङ का ख्रिस्तको अनुसरन पाखा| 2 का नेलाइको बाखिन पाखा, कारन हाइदोनु नेलाइ गोतेङ बिसयता कासेहेङ फोमसुखेना, कालाउ का पिका सिच्सागेलाइ नेलाइ ठिकसो पालाना मानिसुखेना | 3 कालाउ नेलाइ इदोइ गिसु दोअ्का का चाहिखा ,झाराङ द्-याङ्को पुरुङ येसु: ख्रिस्त हिका हि, कालाउ तिरिको पुरुङ वाको के दोङ, कालाउ ख्रिस्तको पुरुङ परमेस्वर हिका हि | 4 दोमचाकाइलाउ माकुनु अगवामनि दोअ्लाउ ताइको पुरुङ थुमका द-याङ ताइको पुरुङको अनादार पाखे | 5 कालाउ पुरुङ खुला ताअ्तेङ दोमचाका, कालाउ अगमबानी दोअ्का तिरि ताइको पुरुङ्को वादोङ अनादार पाका हिखे |हाइपालिपानु या वाको ताइको पुसुङ मुन्धाइति पाका भाइका जेङ्खे | 6 हिदोइबुङ तिरि ताइको पुरुङ माथुम्हे पानु,भरू वा गोतेङ पुसुङ सिपाको | कालाउ पुसुङ सिपालिकि,मुन्धाइलि तिरिको भाअ्सीङ लेदरलुका काथा जेङ्खे पानु वा ताइको पुरुङ्ता नोसोइ तुअ्ताको | 7 वाबाल ताइको पुरुङ ठुम्लिमाएल , हाइपालिपानु ? वा परमेस्वरको प्रतिरुप कालाउ महिमा | कालाउ तिरिचाहि,वाबालको माहिमादोङ | 8 हाइपालिपानु,तिरिसो वाबाल लोका माको,कालाउ तिरि चाहि वाबालसो लोका | 9 कालाउ तिरिको भासिङ वाबाल सिरजाइका माको, कालाउ तिरि वाबालको भासिङ सिरजाइ | 10 कालाउ इङ्को भाअ्सिङ स्वर्गदुतगेलाइको खातिर बुङ तिरि ताइको पुरुङ नोसोइहोइ ठुम्ली गोइखे | 11 कालाउबुङ प्रभुता तिरि,वाबालसो तिरि स्वतनतर माजेङ्खे, नाते तिरिसो वाबालदोङ | 12 हांइपालिपानु जेसाङ वाबाल सो तिरि जेङ्हि, इनसाङ् वाबाल तिरिसो जोलोम जेङ्खे | कालाउ इदोइ बास्ताबता गोतेङ काथा परमेस्वरसोङ लोखे | 13 इदोइ ताइमिङ निर्नय पासु ,हाइ तिरि ताइको पुरुङ माठुम्सीङ परमेस्वरहेङ दोमचाकाइलि तिरिहेङ सोबाइखे रो ? 14 र्-हिङ्का पुसुङ ताअ्लि वाबालको भाअ्सिङ लेदेरका काथादोङ दोअ्नु हाइ प्रकृक्तिबुङ केलाइहेङ मधिरपाखे रो ? 15 कालाउ हि्ङका पुसुङ हिलि तिरिको भासिङ सम्मानको काथा जेङ्खे, तिरिहेङ ताइको पुरुङ ठुम्लिको भाअ्सिङ हि्ङका पुसुङ पिका हि | 16 कालाउबुङ इदोइ बिसयता हासुबुङ द्-याङ एला थेकापा गालाबाजि पालि भोखे पानु, केलाइ चाहि आरु हिदोइ बुङ मान्यता मापिनाखे, नाते परमेस्वरको मण्डलिगेलाइ प्यावा | 17 एला इदोइ आदेस पिलाउ का नेलाइको बाखिन मापाङ्का, हाइपालिदोनु नेलाइ सोबाउता जोमलाउ रेम्का चाहि माजेङ, भुरु झन नेलाइहेङ हान्तिदोङ जेङ्खे | 18 हाइपानु लाङ काथा ते,का हिङ्दोङ्खा एदोफाङ मन्डलिता जेलाउ नेलाइ जोम्सुखेनाना नेलाइता फाटो जेनावा, दोअ्का का हिङ्खा | कालाउ आधेजोसो का इङ्कोङ्बुङ खान्धुरि पाखा | 19 नेलाइमध्ये साचो द्-याङ्गेलाइ नाल्लिको भाअ्सिङ नेलाइता मनमामिलिसुली आबस्यकङ हि, 20 जेलाउ नेलाइ झाराङ एदोफाङ जोम्तेङ चाका-आम्का चाहि बास्तबता प्रभुको भोजमाको | 21 हाइपालिपानु जेलाउ नेलाइ चालि योमलाउ झाराङ ताइको उम चालि तेङ्खे,कालाउ आधिमि म्हितुपाङ हिखे कालाउ आधिमि चाहि गोराहोइ म्हाका हिखे | 22 हाइ नेलाइको चालि-आम्लिको भाअ्सिङ ता-ताइमिको सा मान्थु रो ?हाइ नेलाइ परमेस्वरको मण्डलीलिहेङ तुच्स थानिखेना कालाउ हाइदोङ मान्थुकालाइहेङ अपमान पासुखेना ?कानेलाइहेङ हाइ दोअ्लि? हाइ का याको भाअ्सिङ नेलाइको बाखिन पालि ? का सिलाउबुङ बाखानाइ मापाङ्का 23 नेलाइहेङ का इङ्कोङ सिकस्या पिदोङ्खा जेदोङ का प्रभुसो निङ्घा: इङ्को सोम्पिखा, जेदोङ दिना न्हिसिन्ता रिमनिनचाहि येसु: कोकोङ न्हिसिनता तोले चाहि | 24 कालाउ वा धन्यबाद पिलि दोअ्तेङ वा तोले पोङ्हि, कालाउ दोअ्हि |''इदोइ नेलाइ भाअ्सीङ काङ्को जिउ, दोङ,इदोइ नेलाइको भासिङ | या काङ्को फोमको पालिको भाअ्सिङ इदोइ पासु |'' 25 एन्साङ्पातेङ चालिदोअ्ङते वा जाम बाति चुमतेङ एसा दोअ्हि, इदोइ जामबाति काङ्को हितिता हिका नावा कारारदोङ | जेलाउ- जेलाउ नेलाइ इदोइ आमस्वाना, कोङ्को फोमता आमतेङ हिसु |'' 26 हाइपालिपानु जेलाउ- जेलाउ नेलाइ इदोइ तोले चासुवाना कालाउ इदोइ जामबातिसो आम्सुखेना, वा मालोपाभरि नेलाइ प्रभुको सि:का घोसना पासुखेना | 27 ओदोङ भाअ्सिसि जाइ अयोग्य रितसो प्रभुको तोले चाखे, कि प्रभुको जामाबातिसो आम्खे, पानु,उङ्को दयाङ प्रभुको जिउ कालाउ हितिहेङ अपबित्तरो बानाइकाता दोसिली थोहोरिखे | 28 गोताङ दयाङ ताइमिहेङ जाचायाको,कालाउ खिनीङ वा तोले चाको, कालाउ जाम बातिसो आम्माको | 29 हाइपालिपानु इङ्को प्रभुको जिउहेङ मानाल्सिङ जाइ चाखे कालाउ आम्खे वा इङ्को चाका कालाउ आम्का कारनसो ताइमिता दण्ड चुमावा | 30 ओदोङ भाअ्सिङ इसिका कारनसो नेलाइमध्येसो हेन्जाङ जोसो मासाधिका,हुइका हिसुना, कालाउ हेथेते चाहि कालाउ सि:लि दोअ्होइ| 31 कालाउ केलाइ जातिङ्कोङ ताइमि- ताइमिहेङ ठिकसो जाचिहेपानु, केलाइहेङ परमेस्वर न्यायता मापरियाङ | 32 कालाउ जेलाउ प्रभु केलाइहेङ न्याय पावा, कालाउ केलाइहेङ दु:खबुङ प्याङ, ताकि केलाइ सुमिङ दोफा वादोङ एल्का मार्ग प्रदसनको भासिङ केलाइहेङ अनुसासन तातावा याकि एदोङ दुनियाको आरू द्याङगेलाइ भाइपाङ नेलाइ हेङ दण्ड माल्गायाको दोतेङ वादोङ एसा पाखा | 33 ओदोङ भाअ्सिङ काङ्को दाइ-ओने,बाइ-आनाउगेलाइ,जेलाउ नेलाइ चालिको भासिङ जोम्सुखेन्हा एमिसो-भेनेङ्हेङ र्हुम्सु | 34 एदि आधिमि म्हितुका हि पानु ताइकोङ सा ता चाको ,माकुनुते ए-दोफाङ जोम्लाउ नेलाइ दन्दको भागि जेङ्स्वाना, आरोङ काथागेलाइकोबारेता इङ्को का जेलाउ लाङ्का, कालाउ दोअ्ताङ्का |