10
दादा-ओने,बाइ-ओने,केलाइको लाम्फाको आजाइ आजु हुत्ता हाइ जेङ्हि ओदोङ नेलाइ गिसु दोतेङ का इच्सा पाखा | आजाइ-आजुगेलाइ झाराङ बादेलको लेता हिघाहिखे,कालाउ या गोताङ समुन्द्र पाहासो तेघाखे | 2 इम्बालालाइ झाराङ बादेल कालाउ स्मुन्द्र्ता मोसादोफा बप्तिस्त्ता निङ्का हिघाहि | 3 ओबालाइ झाराङ एनोङ दोङ आत्मिक उम चाहि | 4 कालाउ इम्बालाइ झाराङ एनोङ दोङ आत्मिक चि आमि, हाइपालिपानु इम्बालाइ वादोफाङ तेगिल्का आत्मिक लाखको चि आमहि,इङ्को लाख चाहि ख्रिस्तदोङ हिघाहि | 5 कालाउबुङ इम्बालाइ मध्ये हेन्जाङ दोफा परमेस्वर सनतुस्त माजेङ्हि , कालाउ इम्बालाइ मारालाअ्का भोनोइता उदादाङका नासाहि | 6 ओबालाइ भाइपाङ केलाइको मारेम्का इच्सा माबानाइने दोअ्तेङ एदोइ काथा केलाइको चेताउनिको भासीङदोङ | 7 नेलाइता आधिमि मुर्ति पुजा मापाका हि वाला ,सास्तरता इदोइ लेखिका हि:''द्-याङ्गेलाइ चालि कालाउ आम्लि योमि | कालाउ न्हालिको भाअ्सिङ ल्होहि |'' 8 केलाइ योन अपराधता माफस्याइने, जेसाङ इम्बालाइ मध्ये हेथेते फसेहि, कालाउ ''एनिताङ इम्बालाइ नहे कुरि सुम हाजार सि:हि | 9 केलाइ प्रभुहेङ जाचिलि माएल, जेसा इम्बालाइ मध्ये हेथेते पाहि , कालाउ पुय्याँगेलाइ पाहासो सि:हि, 10 कालाउ केलाइ गनगन पालि माएल, एसापा इम्बालाइ मध्ये आधिमि पाहि, कालाउ स्वर्गदुत पाहासो से:हि | 11 नेलाइहेङ जेथेबुङ ल्होहि इदोइ उदाहरन गेलाइ दोङ, कालाउ केलाइको सिक्स्याको भाअ्सिङ इदोइ लेखिका हिघाहि | केलाइ इस्का दिनाता जियाइनाखे,इदोइ गोताङ लाम्फाको इतिहास गेलाइ ओताहोइ | 12 ओदोङ भाअ्सिङ जाइ भानाइखे कादोङ दोअ्तेङ, ल्होखे वा होसियार ह्याको माकुनुते वा लोनावा | 13 द्-याङयागेलाइकोता लोका जाच बाहेक बो जाचता परिका मान्थुसुन्हा, परमेस्वर खन्धुरी योग्यो हि, वा नेलाइहेङ नेलाइको सरबुङसो बाहारको जाचता परिलि माप्याङ, कालाउबुङ जाच दोफा-दोफाङ खाअ्का दामाबुङ बानाइप्याङ्का | कालाउ एसापा इदोइ् इङ्को सहिलि सर्मथ हिसुवाना | 14 ओदोङ भाअ्सिङ,काङको सानाइतिगेलाइ,मुर्ति पुजागेलाइसो हिन्जाङ दुरे हिसु | 15 बुदिृदमान द्-याङ्गेलाइ भाइपाङ पातेङ का दोअ्खा , काङ्को दोअ्का काथा ताइमिङ बिचार पाखे; 16 जेदोङ आसिसको जाम बातिको भाअ्सिङ केलाइ आसिस र्हेनाखे, हाइ इङ्को ख्रीस्टको हितिता जेङ्का जोम्काता माको रो? इङ्को तोले, (सेले) जेदोङ केलाइ पोङ्नाखे, हाइ इङ्को ख्रिस्तको जिउता हिकाता जोम्का माको रो ? 17 तोले(सेले) एनेङ्दोङ हि ,कालाउ हिन्जाङ हिलाउबुङ केलाइ एनोङ्दोङ जिउ हिनाखे | हाइपालीपानु केलाइ झाराङ एनोङ्दोङ तोलेसो चानाखे | 18 इस्राएलको द्-याङ्गेलाइको बारेता सोचिसु ,भोख पिका आमेने चाकालाइ, हाइ बेदिता माजोम्हि वाला रो ? 19 काङ्को भानाइ इदोइ माको ? हाइ मुर्तिता चदाइक आमेने हाइदोङ रो ? रेम्का हि | इदोइ मुर्तिदोङ हाइदोङ चिज रो? 20 कालाउ का हासुहेङ हाइ दोताहा: इन्सा माको, कालाउ का एदोइदोङ दोअ्लि खाङ्खा,कि मुर्ति पुजापाकालाइ जाइ भोख पिखे, इङ्को परमेस्वरहेङ माको, कालाउ साइतानहेङ चढाइखे, कालाउ नेलाइ भुत,मासानगेलाइ दोफाजोम्सु दोअ्तेङ का माचाहिखा | 21 नेलाइ साइतानको जाम बातिसो कालाउ प्रभुको जाम बातिसो न्हेनोङ सोङ आम्लि माद्वस्वाना | नेलाइ प्रभुको चाङ-चाउकि कालाउ भुतको चाङ्चाउकिता न्हेपाहा् चालि दोअ्स्वाना | 22 हाइ केलाइ प्रभुहेङ चेरताम्पापिली? हाइ केलाइ वा खानतेङ सरबुसाइका हिनाहि रो ? 23 'गोताङ काथाको न्यायनिसाप हि ''|''कालाउ गोताङ काथा केलाइहेङ फाइदा मान्ठु,र | गोताङ काथागेलाइ दोअ्लि खाबारा हि, ''कालाउ गोताङ काथा गेलाइसो बलियाका मापाङ | 24 हासुबुङ ताइको खिनिङ रेम्फा ज्याको मादोसु,कालाउ ताइको डेरागेलाइको भोलाइ भोसु | 25 बिहा दोकानगेलाइता हाइ पिखे ? मनको खातिर नेलाइ माहिसिङ चासु | 26 ना इदोइ चालि द्वावाना''हाइपालिपानु इदोइ पृथ्वि कालाउ इता हिका गोताङ प्रभुकोङ |'' 27 एदि हिदोइबुङ खान्धुरि मापाका द्-याङ नासेहेङ भातियारता काइनु ना हानिलि मन जेङनु प्रस्न मापा, नाङ्को आगाता जेदोङ ताअ्पिखे मनको खातिर हाइदोङ माहिसिङ चा | 28 कालाउ हासुबुङ ''इदोइ बिहा मुर्तिता बलि चढाइका हिघाखे ''दोअ्नु इदोइ दोअपिपिकाको मनको खातिर माचासु, | 29 नाङ्को माको,कालाउ वाको मनको खातिर काङ्को, स्वतन्तरता बोमिको बिबेकहोइ हाइपालि जेङ्लि रो ? 30 एदि का दन्यबाद पितेङ चाखापानु ,का परमेस्वरहेङ धन्यबाद पितेङ चाका उमता हाइपालि काङको निन्दा पासुखेना ? 31 ओदोङ भाअ्सिङ चाहे नेलाइ चासु,आम्सु,जेदोङ पासु, कालाउ इदोइ परमेस्वरको महिमाको भाअ्सिङ पासु | 32 एसापा हासुहेङ्बुङ चोट जेङ्का काम मापासु ,चाहे यहुदिगेलाइ चाहे ग्रिक गेलाइ,चाहे परमेस्वरको मण्डलिगेलाइ ह्याको | 33 जेसाङ का बुङ पाक गोताङ कामता गोताङ द्-याङ्गेलाइहेङ खु:सि पिलि भोअ्खे, का ताइकोङ माको, | कालाउबुङ हेन्जाङ द्-याङ्गेलाइको भलाइको भोअ्खा ,ताकि का नेलाइको उद्दार जेनाको |