8
एला मुर्तिता बलि पिका गुपुसुगेलाइको बियाको बिसयता का लेख्याङ्का ,केलाइ गिनाखे कि''केलाइ झाराङ्ता ग्यान हि''ग्यानहोइ'' नेलाइहेङ घमन्दि बानाइखे,कालाउ प्रेमहोइ भेनेङ बिकास जेङ्लि साघाइखे पाखे | 2 जाइ गिखा दोअ्का सम्झिखे वा गिलि गोइका ख़ास हाइदोङ काथा गिका मान्थुखे | 3 कालाउ हासुबुङ परमेस्वरहेङ प्रेम पाखा दोअ्खे पानु उङ्को द्-याङ्हेङ परमेस्वर नाल्खे | 4 इन्सिकाङ मुर्तिता बलि चढाइका बिया चालि पिक बिसयता: केलाइ गिनाखे,सुमिङ्ता मुर्ति बास्तबता हाइदोङ माको,कालाउ केलाइ गिनाखे कि परमेस्वर बाहेक आरू हासु मान्थु भरू वा 'ए' हिका हि | 5 बादेलता कालाउ पृथ्विता मिङ खिनिङ्को दिरगेलाइ हि वाला ,जातिङ्को इसीका हेन्जाङ ''दिरगेलाइ'' कालाउ ''प्रभुगेलाइ'' हि | 6 कालाउ केलाइको भाअ्सिङ्ते एनोङ खिनिङ परमेस्वर हि, वा केलाइको आबा हिका हि | कालाउ वाको सोङ गोतेङ आमेने लोहि कालाउ केलाइ वाको भाअ्सिङ हिनाहि | कालाउ प्रभुबुङ एनोङ खिनिङ हि , वा येसु:ख्रिस्त हि | येसु:को तर्फसोदोङ गोताङ काथा जेङ्लि लोहि कालाउ केलाइता जिबन वाकोङ्सोङ हि | 7 कालाउबुङ झाराङ्हेङ इदोइ ग्यान मान्थुखे, हेन्जा बासार लाम्फा हेथे द्-याङगेलाइ मुर्ति पुजा पाघाखे कालाउ इम्बालाइ इङ्को चढाइका बिया चाघाखे इम्बालाइ इङ्को मुर्ति चदाइका बिया भाइका सम्झिघाखे | इम्बालाइ ताइमिहेङ दोसि सम्झिखे | 8 कालाउ चाका-आमका आमेनेहोइ केलाइहेङ परमेस्वरको नजरता ग्रहन योग्य माबानाइखे | माचालाउ बुङ हिदोइबुङ नाक्सान मान्थु | कालाउ चालाउबुङ हिदोइबुङ नाक्सान मान्थु कालाउ चालाउबुङ हिदोइबुङ फाइदा मान्थु | 9 कालाउ ताइकोङ स्वतन्तरता ख्याल ताअ्सु ताकि नाङ्को स्वतन्तरताहोइ इङ्को कमजोर खान्धुरि हिका द्-याङ्गेलाइ पापता मापरियाको | 10 ना दोफा बुदिृद हि,कालाउ मुर्तिको मुन्दिता योम्लि कालाउ चालि नासिहेङ स्वतन्तर लागिखे | कमजोर खान्धुरि हिका हिदोइ द्-याङ नासिहेङ इन्ता चाकाताङ पाका तिङ्लि दावा,कालाउ वासेहेङ बुङ मुर्तिता चढाइका बिहा चालि मन ज्यावा,कालाउ वा इदोइ भुल काम सम्झियावा | 11 नाङ्को ग्यानसो उङ्को दुर्बल ओने नासातावा,जाइको भाअ्सिङ येसु: सि:पिही | 12 जेलाउ ना नाङ्को प्रभु येसु: ख्रिस्त हिका दाइ-ओने कालाउ बाइ ओनेगेलाइको बिरुदृद इन्सिका पाप पासुखेना इम्बालाइको बिबेकता चोत्त पिस्वाना कालाउ ख्रिस्तको बिरुददृ ना पाप पाना | 13 एदि चाका आमेनेहोइ काङ्को ओनेहेङ पापता पतन पाहे पानु का आरोङ हेलाउबुङ बिहा माचाङ्का माकुनेते का काङ्को ओनेहेङ पतन पापाङ्का |