6
नेलाइ मध्येसो एमि द्-याङ भेनेङ ओने दोफा फेसुका हि पानु न्यायको भाअ्सिङ सेवकगेलाइ दोफा मान्हेतेङ अधर्मिगेलाइ कोता हानिलि हाइ वा आत पाखे रो? | 2 हाइ नेलाइहेङ थाहा मान्थु ? सुमिङ को न्याय नेलाइदोङ पालि गोइनु ? नेलाइ ता-ताइमिता म्हुइका खान्तेङ म्हुइका मुद्दा हाइपालि मिलिपालि मादोसुखेना ? 3 नेलाइ गिसुखेना भबिस्यता केलाइ स्वर्गदुतगेलाइको न्याय पाङ | एन्सापानु इदोइ जिवनता जेङ्का बिसयको काथागेलाइ बारका रो ? 4 इसिका झगडागेलाइ नेलाइकोता हिपानु ,इन्सिका झगडागेलाइ दयाङ्जेलाइको आगाता ताअ्सुखेना,जेदोङ दयाङगेलाइहेङ मण्डलिको हाइदोङ मोलको माथानिखे | 5 का नेलाइहेङ लेदर पालिको भाअ्सिङ इदोइ दोअ्खा ,नेलाइको समुहता,एमि ना एमि ग्यानि द्-ङगेलाइ न्हे ओनेकोगेलाइको माझाको झगडा मिलिपालि दोका बुद्दिमान द्-याङ हाइ जातिङ्को नेलाइकोता हासुबुङ मानिङ्खे रो ? | 6 कालाउ एला,एनोङ ओने भेनेङ ओनेको बिरुदृता आदालतता हानिखे ,ओदोङ्बुङ खान्धुरि मापाकालाइको आगाता | 7 नेलाइता एमिसो-भेनेङको बिरुदृता मुद्दा घालिदोलिदोङ नेलाइको हार जेङ्लि| भरू अन्याय हाइपालि मासहिलि ? भरु थगिन्हातेङ माहिलि ? 8 नेलाइ ताइमिङ गल्ति पासुखेना कालाउ बोमिहेङ थगिसुखेना,कालाउ अदोङ्बुङ केलाइकोङ ख्रिस्तको दादा-ओनेगेलाइ दोफा | 9 अधर्मिगेलाइ,परमेस्वरको राइजिको हक मानिनाङ दोअ्का हाइ नेलाइ मागिसुखेना ? धोका माचासु अनैतिक पाकालाइ,मुर्ति पुजापाकागेलाइ कासिबेरिगेलाइ,समलिङ्गिकगेलाइ, गोरा म्हाकालाइ ,निन्दापाका लाइ,खुकालाइ, वाबाल-वाबाल दोफा जिम्कालाइ परमेस्वरको राइजि हकदार मानिनाङ | 10 खुकालाइ,दिकालाइ,म्हाकालाइ,निन्दा पाकालाइ, खुकालाइ, परमेस्वरको राइजिको हकदार मानिनाङ | 11 नेलाइबुङ हेन्जाङ जसो इन्सीकाङ हिघासुखेना, कालाउ नेलाइहेङ झाका हि,पबित्तरो बानाइका हि , प्रभु ख्रिस्तको मिङ्ता कालाउ केलाइको परमेस्वरको आत्मासो निर्दोस बानाइका हिसुना| 12 'गोताङ काथा काङ्को भाअ्सिङ एल्का हि,'' कालाउ गोताङ काथा फाइदा मान्थु, ''गोताङ काथा काङ्को भासिङ एल्का हि |कालाउ का हिदोइबुङ काथाको बानधाइति माजेनाङ्का | 13 ''उम हामुको भाअ्सिङ, कालाउ हामु उमको भासिङ एइ,'' इदोइ थिकोङ एइ, कालाउ परमेस्वर इङ्को न्हेमिहेङ नासा पाङ, जिउ कासिबिर को भाअ्सिङ माको | कालाउ प्रभुको भासिङ एइ कालाउ प्रभु जिउको भासिङ हिखे | 14 परमेस्वर ताइको सरबुङ्होइ प्रभु येसु: हेङ सि:का दामासो सिङ्चालपाहि,कालाउ केलाइहेङबुङ वाको सरबुङ्सो सिन्हुपाङ, 15 नेलाइको जिउगेलाइ ख्रिस्तको अङ्गगेलाइ दोअ्का हाइ नेलाइहेङ थाहा मान्थु ? हाइ का ख्रीस्टको अङ्गगेला चुम्पुतेङ इङ्गेलाइ वेस्याको असुद्द अङ्ग बानाइलि? या कादापि माजेनाको | 16 वेश्यादोफा ( पातरनि) गासिका दयाङ जिउता' इङ्को दोफा न्हेमि एनोदोङ जिउ जेनावा दोअ्का,नेलाइहेङ थाहा मान्थु ? हाइपालिपानु इसिका लेखेका हि | 17 कालाउ जाइ प्रभु दोफा ए'जेङ्खे, इङ्को वाको दोफा आत्माता एनोङ्दोङ जेङ्खे | 18 कासिबेरिसो दुरे हिसु, आरु हिदोइबुङ खाल्को पाप जाइ दयाङ पाखे, इङ्को जिउसो बाहार हिखे कालाउ वादोङ पाका कासिबेरि का अपराध तामिङ जिउको बिरोध जेङ्खे | 19 नेलाइको जिउ पबित्तरो आत्माको मन्दिर दोङ, जेदोङ पबित्तरो आत्मा नेलाइ परमेस्वरसो निङ्का हिसुखेना | कालाउ वा नेलाइदोफा बासा हिखे दोका हाइ नेलाइहेङ थाहा मान्थु | नेलाइ स्वयम ताइको माको | 20 नेलाइहेङ ताका तिरितेङ चोल्का हि|अदोङ भाअ्सिङ नेलाइ परमेस्वरको महिमा पासु |