4
एसापा द्-याङगेलाइ केलाइहेङ ख्रिस्तको सेवक कालाउ परमेस्वरको गुप्त काथागेलाइ गिलि दोका थान्याको | 2 हेदोइ बाहेक आवस्यक हि, या काथाको गिकालाइ भासिङ खान्धुरि योग्य थोहोरिलि गोइखे | 3 याते नेलाइहेङ का जाचिका दोअ्नु कासेहेङ हाइदोङ मान्थु,कालाउ हिदोइबुङ द्-याङ आदालतपाहासो काङ्को इन्साप जेङ्नु इदोइते काङ्को भाअ्सिङ जेन्जा म्हुइका काथा हि, का ताइमिङ बुङ ताइमिको इन्साप मापाङ्का | 4 काङ्को ताइकोङ बिरुदता हाइदोङ गल्ति पाका हिघा दोअ्का थाहा मान्थु | कालाउ या अर्थ या माज्याङ कि का निर्देस हिघा | कासेहेङ न्याय पाका परमेस्वर खिनिङ हि | 5 एसापाङ तोकिका समय खानतेङ लाम्फा दोङ न्याय मापा,'प्रभु मालोपा थिकापा र्हुम | वादोङ कितिकितिकाता म्होनाका काथागेलाइ फाइसालामकाता चुमावा, कालाउ द्-याङ गेलाइको हृयमको म्होका काथागेलाइ उदाङ्गो पाप्यावा | कालाउ प्रत्येक द्-याङ्गेलाइ परमेस्वरसो वा निङ्लि गोइका बाखिन निनावा | 6 दादा-ओने,बाइ-ओने! का ताइको कालाउ अपोल्लोसको उदाहरण पितेङ, तिङपाघा | कानेलाइको भलाइको भाअ्सिङ इदोइ लेखिका हिघा, कालाउ कि केलाइसो पबित्तरो धर्मसास्तर आन्सार बान्चिलि दोअ्सु, |''जेलाउ नेलाइदोङ एनोङ्हेङ माया पाका कालाउ भेनाङ्हेङ मारेमका मापासु | 7 बोमि खान्तेङ नेलाइ हिदोइ काथाता फरक हिसुना? नेलाइ दोफा हाइ हि रो? जेदोङ् नेलाइ निङ्का माको? कालाउ नेलाइ इङ्को निङ्का हिसुना पानुते या चाहि बरदान माको भाइपा पातेङ घम्न्डहोइ फुलिसुखेना 8 नेलाइ आघाइसुन्हा नेलाइ धनि जेङ्लि दोअ्होसुइना, नेलाइ बिनाङ राजा जेङ्का हिसुना | नेलाइ साचिकाङ राज्य पानु जेन्धाङ, | कालाउ कि केलाइबुङ नेलाइ दोफाङ राज्य पालि ड्वाको | 9 कालाउ कासेहेङ इस्का लागिखे परमेस्वरदोङ केलाइ प्रेरितगेलाइहेङ झाराङ खान्तेङ न्हुसो पाका हि | मारालाका भोनोइतिता सि:का दण्ड पिलिको भाअ्सिङ निस्चित पाका हि | द्-याङ्को निङ केलाइ हिनाहि गोतेङ सुमिङ स्वर्गदुतगेलाइ कालाउ द्-याङ्गेलाइको भाअ्सिङ केलाइदोङ तमासा निङ्का भाइका बनाइका हि | 10 केलाइ ख्रिस्तको भाअ्सिङ मुर्ख जेङ्का हिनाखे ,कालाउ नेलाइ ख्रिस्ता बुद्दिमानी हिसुना केलाइ कोमजोर हिनाहि| कालाउ नेलाइ बलियाका हिसुना, नेलाइको आदार हि कालाउ केलाइको चाहि आनादार हि | 11 एदोइ घडीठेकापा बुङ केलाइ म्हितुपाङ, कालाउ 'चि' आम्लिकिपा हिनाहि, कालाउ केलाइको नाङ्घाङ हिनाहि, केलाइ बेला-बेलाता दानाइ निङ्चातेङ हिनाहि केलाइको 'सा' फिनु हाइदोङ मान्थु | 12 बान्चिलाको भाअ्सिङ केलाइ ,केलाइको खुरसो परिस्रम पानाखे ,द्-याङ्गेलाइ केलाइहेङ सराप पिखे कालाउ केलाइ इम्लाइहेङ आसिर्बाद पिनाखे | द्-याङ्गेलाइ केलाइहेङ खेदो पाखे कालाउ केलाइ सहिनाखे | 13 केलाइको बदनाम पालाउ निन्दा पालाउ केलाइ प्रेमहोइ जोबाफ पिनाखे, | एलाउ बुङ थेकापा केलाइ पृथ्वि,कालाउ सुमीङ्को फोहर जेङ्का हिनाहि | 14 नेलाइहेङ लेदेर पालिको भाअ्सिङ का या काथा लेखिका माको | कालाउ नेलाइहेङ प्यारो ताइकोङ जामालगेलाइ भाइपा फम पातेङ सम्झाइलि को भाअ्सिङ या काथागेलाइ लेखिघा | 15 ख्रिस्ता नेलाइको जेन्जाङ गुरुगेलाइ हि, कालाउ हेन्सा आबागेलाइ मान्थु | ये:बानालसो ख्रिस्त येसु: ता का नेलाइको आबा जेङ्घा | 16 एसाङ्दोङ नेलाइबुङ का भाइपाङ जेङ्सु दोअ्का सेउपाखा | 17 ओदोङ भाअ्सिङ का तिमोथिहेङ ना हिकाता दिङ्गिदोङ्खा | परमप्रभुता वादोङ काङ्को चान, का तिमोथिहेङ माया पाखा,वादोङ खान्धुरि पाहि | का ख्रिस्त येसु:ता हिसिका जिवन हिघाहि, का झाराङ्को थामेगेलाइको मण्डलिहेङ धिरपाघा ,सो वा इङ्को गेलाइ फोम पापावा | 18 नेलाइसो हेमि घमण्ड पातेङ हिका हि वाला. हाइपालिपानु इम्बालाइ सम्झिखे का आरोङ इम्बालाइ हिकाता माल्वाङ्का दोअ्तेङ | 19 कालाउ का प्रभुको इच्सा जेङ्नु नेलाइकोता मार्फाङ ल्वाङ्का, | कालाउ का उङ्को अहङ्कारि दयाङ्गेलाइको काथाताता माको, कालाउ इम्बाइको सरबुङ चाहि हाइ कुनु इङ्को पट्टा पाङ्का | 20 हाइपालिदोनु परमेस्वरको राइजी काथाता ब्यक्त मापाङ,कालाउ सरबुङ्ता हि | 21 नेलाइहेङ चाहि हाइ गोयाङ का नेलाइकोता दण्ड चुम्तेङ लोलिना ,माया कालाउ नम्रता चुम्तेङ लोलि ?