3
दाइ-ओनेगेलाइ,बाइ कालाउ बेजान ओनेगेलाइ,या खान्तेङ लाम्फाबुङ का नेलाइ दोफा आत्मिक जनगेलाइ दोफा नुइ धुइका भाइपाङ धुइलि दोअ्का मान्थुघाखा | का नेलाइ दोफा साङ्सारिक द्-याङ्गेलाइ दोका भाइपाङ धुइलि गोइघाखे,येसु: ख्रिस्ता का दुदु आम्का जामालगेलाइ दोफा भाइपा नुइ धुइलि का दोअ्घा | 2 का नासहेङ दुधे आम्पाघा, हिघाहि,ठोस आहार माको | का एसा पालि कारन चाहि एलाबुङ नेलाइ ठोस आहारको भाअ्सिङ तियार जेङ्का मान्ठुसुन्हा | 3 नेलाइ एलाउ बुङ साङ्सारिकदोङ हिसुना, आत्मिक द्-याङ जेङ्का मान्थुसुन्हा | ता-ताइमिता इरसा, कालाउ झगड़ा, चेर हिदोङ हि | इदोइ होइ बुझिपाखे कि नेलाइ आत्मिक माको | साङ्सारिक चालता चलिका साधारन द्-याङ्गेलाइ भाइकाङ माजेङ्नारो? नेलाइको व्यवहार इन्सिकाङ हि | 4 नेलाइदोङ दोअ्सुखेना आधिमि दोअ्खे,''का पावलहेङ मानिखा ''कालाउ भेनेङ दोअ्खे,''का अपोल्लोसहेङ मानिखा |''जेलाउ कि नेलाइ माझाता इन्सिकाङ काथा चोलिखे पानु हाइ इदोइ होइ नेलाइहेङ साङ्सारिक द्-याङ भाइपाङ मातिम्पाखे रो ? 5 अपोल्लोस बार्का रो ? माको ! हाइ ना पावल बारका द्-याङ रो? दोअ्का सम्झिखेना ? माको ! केलाइते परमेस्वरको सेवक खिनिङ जाइ नेलाइहेङ खान्धुरि पालि साघाइखे | केलाइ झाराङ परमेस्वरको केलाइहेङ पालि खटाइहि कालाउ केलाइको भाग पाका हिनाहि | 6 का चालाइ थिङ्घा कालाउ अपोल्लोस इनता चि ह्वाहि | कालाउ परमेस्वर सिङ्हेङ बारापाहि | 7 ओदोङ भाअ्सिङ थिङ्का हाइदोङ माको, कालाउ चि धुम्काबुङ हाइदोङ माको | खिनिङ परमेस्वर महान हिका हि,हाइपालिपानु वा सिङ स्याहार हि कालाउ बारापाखे | 8 थिङ्का कालाउ चि धुम्का द्-याङ्को उदेस्य एलोङ्दोङ हि कालाउ झाराङ द्-याङ ता-ताइको परिस्रमको भाअ्सिङ इनाम निनावा | 9 केलाइ केवल परमेस्वरको भाअ्सिङ दोफाङ काम पालि साघाइका खेतालागेलाइ खिनिङ ,कालाउ नेलाइचाहि परमेस्वरको मिलिङ कालाउ ''सा'' हिसुना जाइ परमेस्वर दोङ | 10 परमेस्वर पिका अनुग्रहको आन्सार कोङ आधारता का एलोङ सिपालु मिस्तिरि भाइपाङ एलोङ साको जग गिङ्का हिघा | बोगेलाइ इङ्कोकोङ हुता जग हुता माबानाइखे | कालाउ गोताङ द्-याङ हेसा बानाइखे,इङको बारेता वा सोचिलि गोइखे | 11 हाइपालिपानु जेदोङ जग योम्पालि दोका हि, येसु:ख्रीस्ट बाहेक हासुबुङ भेनेङ जग योम्पालि मादाङ | इङ्को जग येसु;ख्रिस्त हि | 12 एदि हिदोइबुङ द्-याङ इङ्को जग हुता,हासुबुङ सोना.,चान्दि,जाङ्का उन्थुइ,चिर, फाला,घासि, नारा मिलिपाते''सा'' बनाइहे पानु, 13 गोताङ द्-याङ्को काम प्रकट जेनावा हाइपालि पानु इङ्को न्याको दिनासो दोङ जाहापा इङ्को तिङ् पाप्याङ | इङ्को दिना मेसो सो प्रकट जेनावा, गोताङ कामको लेखि मेदोङ र्-हुकावा | 14 एदि हिदोइबुङ द्-याङ इङ्को जग बानाइका काम हितेङ हि पानु, उङ्को इनाम निनावा | 15 कालाउ इङ्को सा,ओअ्हि पानु,वा नोकसान खेपिलि गयावा | वासेहेङ बान्चिपाङ कालाउ वा मेसो खाअ्का भाइपाङ दोङ जेनावा | 16 हाइ नेलाइहेङ थाहा मान्थु, नेलाइ परमेस्वरको ''मुन्दिर'' हिसुना, कालाउ परमेस्वरको पबित्तरो आत्मा नेलाइता बासा हिखे | 17 एदि हासुबुङ परमेस्वरको मुन्दिरहेङ नासा पाखे पानु परमेस्वर उङ्को द्-याङहेङ नासा पावा | हाइपालि ? हाइपालि पानि परमेस्वरको मुन्दिर पबित्तरो हिखे | कालाउ इङ्को मुन्दिर नेलाइदोङ,स्वयम परमेस्वरकको मुन्दिर | 18 हासुबुङ ताइमिहेङङदोङ धोका माप्याको| एदि नेलाइ मध्येसो हासुलाउबुङ इदोइ सुमिङ्ता ताइमिहेङ ग्यानि सम्झेखे पानु उङ्को हाइदोङ मागिका जेनाको, कालाउ कि वा जातिङकोङ ग्यानि जेङ्लि द्ववाको | 19 हाइ ? हाइपालिपानु परमेस्वरको आगाता इदोइ सुमिङ्को बुद्दि हाइदोङ मागिका | धर्म सास्तरता इसिका लेखिका हि | वा बुद्दीमानि द्-याङगेलाइहेङ ओबालाइकोङ ताइको चालाख होइ फसेपावा |'' 20 धर्म सास्तरता इसिकाबुङ लेखिका हि:परमेस्वर बुद्दिमानि द्-याङ्को बिचार बुझिखे | वा गिखेकि इम्बालाइको बिचार बेकामे जेङ्खे | 21 ओदोङ भाअ्सिङ नेलाइ हासुबुङ द्-याङ्गेलाइको बाखिन मापासु | हाइपानु गोताङ आनेमाने नेलाइको दोङ हि | 22 पावल,अपुल्लोस,कालाउ केफास: सुमिङ,जिवन,सि:का,बर्तमान,भबिस्य इदोइ गोताङ नेलाइ कोदोङ | 23 कालाउ नेलाइ येसु: ख्रिस्तको दोङ कालाउ येसु: ख्रिस्त चाहि परमेस्वरको दोङ हिका हि |