रोमियों 13

नेलाइ झाराङ सासन पाकालाइको प्रसासकगेलाइको आग्या मानिलि गोइखे ,हाइपालिपानु परमेस्वरसो लोका सासकगेलाइहेङ खाबारा बाहेक आरु हिदोइबुङ खाबारा मान्ठुखे जेदोङ प्रसासकगेलाइ हि इङ्को परमेस्वरसोङ नियुक्ति पाकादोङ | 2 ओदोङ भाअ्सिङ जाइ प्रसासकगेलाइको बिरोधत़ा हानिखे वा परमेस्वरसो साल्कालाइको बिरुधाता हानिखे | जाइ-जाइ बिरोधता हानिखे वा दन्ड निनावा | 3 हाइपालिपानु रेम्का कामको भाअ्सिङ माको,कालाउ मारेम्का कामको भाअ्सिङ सासाकगेलाइसो थिखे | हाइ ना प्रसासनसो माथिखेना? एन्सा पानु रेम्का काम पाअ्, कालाउ नेलाइहेङ सासकगेलाइसोङ बाखिना मिलियावा | 4 हाइ पानु नाङ्को भोलाइको भाअ्सिङ वा परमेस्वरको सेवक जेङ |कालाउ एदि ना आखेका काम पानु थि, हाइपालिपानु वा तरवार एन्साङ माऐखे| आखेका काम पाकालाइहेङ परमेस्वर दण्ड चुमाका वा परमेस्वरको सेवक दोङ | 5 हाइपालिपानु परमेस्वर दण्डसो बान्चिलि खिनीङ माको, बिवेक भाअ्सिङ बुङ ना वाको खाबारा हिलि गोइखे | 6 ओदोङ भाअ्सिङ बुङ ना पोत तिरिखेना | हाइपालिपानु प्रसासकगेलाइ ओदोङ कामको भाअ्सिङ लागातार परमेस्वरको सेवक दोङ | 7 तिरिलि गोइका गोताङ आनेमानेगेलाइ झाराङ हेङ तिरिसु पोत तिरिलि गोइकाहेङ बुङ तिरिसु,पोत तिरिलि गोइकाहेङ पोत,आदार पालि गोइकाहेङ आदार, इज्जत पालि गोइकाहेङ पासु | 8 ताताइमिता प्रेम पाकालाइ बाहेक हासुकोबुङ हाइबुङ को रिनि माजेङ | हाइपालिदोनु ताइको देरागेलाइहेङ प्रेमपाका ब्यबस्था पुरा पाकाइहिखे | 9 'ना कुसुमि मापा,ना मासे,ना माखु,ना मादि,'' इदोइ आग्यागेलाइ बाहेक कालाउ आरुङ जेथेङ्बुङ आग्या हि,इङ्को गोताङ्को एनोङ्दोङ माने इदोइ आग्याता निङ्खे,''ना ताइको देरागेलाइहेङ ताइमिहेङ भाइपाङ प्रेम पाअ् | 10 प्रेम देरागेलाइहेङ मारेम्का मापा ओदोङ भाअ्सिङ प्रेम पालिदोङ गोताङ ब्यावास्थाको पालना पालि | 11 इदोइ बाहेक या बर्तनमान समयता हिसिका हि , इङ्को नेलाइहेङ थाहा हि | एला निन्दासो लाङ्गाका ठिक बेला लोका हि, हाइपालिपानु जेथेबेला केलाइ खान्धुरि पाका खाङ्तेङ एला केलाइको मुक्ति झनङ भेर्पा लोका हि | 12 “न्हिसिङ ” प्राय: दोलि दोहोइ“दिना”लगभग एता लोलि दोहोइ| एसापा: केलाइ कितिकितिकाको काम पालि लाअ्लि गोयाङ, कालाउ झेङ्का बेलाको कामगेलाइ पालि गोयाङ | 13 नितिमाको द्याङ्गेलाइ भाइपा केलाइ थिक इच्सासो काम पालि गोयाङ | केलाइ दाखरसता म्हालि मान्थु | केलाइ ब्याभिचारको पापगेलाइ पालि मान्थु, कालाउ केलाइ ताइको जिउ हेदोइबुङ पाप पालि मान्थु ,केलाइ चेरसुलि माएल, कालाउ इर्स्या पालि माएल, कुसुमि पालि माएल, लुतिलि माएल, | 14 इङ्कोको बदलाता ताइमिदोङ प्रभु ख्रिस्ट कनिङ जेङ्सु, ताइको पापामाय स्वभाब कालाउ पापमय इच्सागेलाइ पुरा पालि मन मापिसु |