रोमियों 12

एसापा दादा-ओने कालाउ बाइ-आनाउगेलाइ,परमेस्वरको कृपा मनपितेङ ताअ्का नेलाइहेङ सेउपाखा ,कि नेलाइको आत्मिक आराधाना, रूपता ता-ताइको जिउहेङ पबित्तरो कालाउ परमेस्वरहेङ ग्रहन योग्य जेङ्का ताइको जिन्दगिहेङ सिन्हुपाङ बलिदानको रूपता अर्पन पा | 2 इदोइ दुनियाको स्तरता ताइमिङ हेङ परिबर्तन मापा , कालाउ ताइको बिचार नावा बानाइतेङ पुरा रूपता ताइमिङ्हेङ लितासोङ परिवर्तन पा | कालाउ परमेस्वरको असल, ग्रहन योग्य कालाउ चोखो मन हाइ हि, इङ्को न्हुसो नेलाइ जाचिलि दोसु | 3 परमेस्वर कासेहेङ पिका अनुग्रहपाहा नेलाइ मध्ये झाराङ हेङ काग्राह पाखा, का नेलाइ झाराङ हेङ दोअ्खा: कि ताइमि जिसिका हिनाहि इङ्को खाङ्तेङ हेन्जा तामिहेङ मासम्झ्याको | कालाउ परमेस्वर झाराङ्हेङ पिका खान्धुरिको आधारता जोखेका बोमजिम रेम्का बिचारहोइ सोच्याको | 4 जेसाङ केलाइ झाराङ्को एनोङ्दोङ जिउता हेन्जा अङ्गेलाइ हिखे, कालाउ गोताङ अङ्गेलाइको काम मान्ठुखे | 5 इन्साङ पातेङ, केलाइ जाइ हेन्जाङ द्याङ्गेलाइ हिना हि केलाइबुङ ख्रिस्ता एनोङदोङ जिउ हिनाहि | कालाउ गोतेङ एमिसो-भेनेङ अङ्गेइ दोङ | 6 केलाइ झाराहेङ पिका अनुग्रह आन्सार भेनेङ- भेनेङ बरदानगेलाइ केलाइ चालाइने | अनेक बरदान परमेस्वर अनुग्रहसो लोका हि | अगम्बानिको बरदान नु, खान्धुरिको परीमान आन्सार ज्याको | 7 सेवाको बरदान हि पानु, वा सेवाको कामता, सिक्स्य पिकानु सिक्स्या पिका कामता, गोइखे | 8 उत्साहा पिकालाइ उत्साहा पिका कामता, दान पिकालाइ उद्दामनसो, सासन पाकालाइ पबित्तरोसोङ , कृपाको काम पाकालाइ लेङ चातेङ | 9 नेलाइको प्रेम सुद्द हिलि गोइखे,जेदोङ काथा खाराब हि,इङ्कोहेङ बाथाइगिल,जेदोङ काथा एल्का हि,इनता लागितेङ हि | 10 ताइको जाहान भाइपा एमिसो भेनाङ दादा-ओने कालाउ ओने-आनाउगेलाइहेङ भाइपा माया पासु | ना ताइमिहेङ खान्तेङ हेन्जा बोगेलाइहेङ ताइको दादा-ओने कालाउ ओने-आनाउगेलाइ दोअ्तेङ आदार पाअ् | 11 परप्रभुको कामता लेद्रा माजेङ मापा ,पबित्तरो आत्माता आत्मिक रुपासो चिल्कानाङ् भाइपा जेङ्तेङ वाको सेवा पातेङ हि | 12 ताइको आसाता आनन्द पाअ् सङ्कटता धेर्य पातेङ ताअ् , दोमचाकाइतेङ हि | 13 परमेस्वरको द्याङ्गेलाइहेङ खाचोता साघाइ पिसु, |कालाउ बानसालाइहेङ रेम्फा चापासु-आम्पासु |कालाउ ताइको सा:ता स्वागत पासु | 14 उङ्को जाइदोङ नेलाइहेङ मारेम्का पाखे वासेहेङ आसिरबाद पि ,कालाउ एल्का बचन धुइ | कालाउ इम्बालाइहेङ सराप मापि | 15 आनन्द पाकालाइ दोफा आनन्द पाअ् | खरकालाइ दोफा खार | 16 झाराङ दोफा सान्तिसो मिलितेङ हि, कालाउ नम्रोगेलाइ दोफा सङ्त पाअ्, बेइमानि माजेङ | 17 नेलाइ हासुङ्हेङबुङ चोटको निङ्चा पाहिपानु ना वाको बदला माह्रु , जेदोङ -जेदोङ झाराङ द्याङ्गेलाइहेङ रेम्का हि इङ्को पाका प्रयास पाअ् | 18 जेदोङ दोनु, झाराङ दोफा सान्तिसो हिका मन पाअ् 19 ओइ काङ्को मायारोगेलाइ, ताइमिदोङ हेलाउबुङ बदला मार्हु, भरू परमेस्वरको क्रोडता लाअ्पि, हाइपालिपानु लेखेका हि, ''बदला र्हुका काम काङ्कोदोङ, कादोङ बदला र्हुकाङ्का,'' परप्रभु दोअ्खे | 20 भरु''नाङ्को सतुर एदि म्हितुका हि पानु वासेहेङ चापा | एदि नाङ्को सतुर 'चि' आम्लि किका हि पानु वासेहेङ 'चि' आम्लि पि | ऐदोङ प्रकारसो ना इङ्को द्याङ्गेलाइहेङ लेदर पालि द्वाना , कालाउ वाको पुरुङ्ता मेको धेङ्ग्रा रोमप्याना |” 21 खाराबिसो माहारे, भरू खाराबिहेङ रेम्फा पाअ्