रोमियों 11

कालाउ का हि:घा,“ हाइ परमेस्वर ताइको द्याङ्गेलाइहेङ बाथालइगिल्हि कुनु ?” मिधुलाउबुङ माको !का तामिङ एनोङ इस्राएलि ,का अब्राहामको जाहानको का बेन्यामिनम कुलदोङ | 2 इम्बालाइ जोलोम जेङ्लि खाङ्तेङ लाम्फादोङ परमेस्वर इस्राएलिगेलाइहेङ ताइको द्याङ्को रूपता साल्का हिघाहि | कालाउ परमेस्वर इङ्को द्याङ्गेलाइहेङ ओल्पातेङ थ्याल्गिल्हि | नि: सन्देह, नेलाइ गिसुखेना धर्मासास्तरता एलियाको बारेता काथा दोअ्खे | धर्मासास्तरता दोअ्खे , एलियादोङ परमेस्वरहेङ इस्रालिएलको द्याङ्गेलाइको बिरुधता इदोइ प्रकारसो दोम पातेङ हिका हिघाहि, 3 “ हे परमप्रभु, द्याङ्गेलाइ नाङ्को अगमबक्तागेलाइहेङ से:हि, कालाउ इङ्को बेदिगेलाइ गोताङ ह्रापिहि |का खेनिङ् एमि अगमबक्ता एला थिकापा बान्चितेङ हिघा | कालाउ द्याङ्गेलाइ कासिहेङ से:लि भोकाहि |” 4 कालाउ वासेहेङ परमेस्वरको हिसिका उत्तरा हि ? वा दोअ्हि, “बालको आगाता तिरु माथोका न्हिहेन्जार द्याङ्गेलाइ का ताइको भाअ्सिङ ताअ्का हिघा | '' 5 इस्काङ किसिमसो, परमेस्वरको अनुग्रसो सालका एलाबुङ इस्राएलता हेथेते द्याङ्गेलाइ हि | 6 कालाउ एदोङ परमेस्वारको अनुग्रहहेङ फलदोङ दोअ्नु, इङ्को द्याङ्गेलाइको काङ्को फल माको | माको दोअ्नु परमेस्वरको अनुग्रह मान्थुधाङ | 7 कालाउ हाइ दोअ्लि ? इङ्को इस्का जेङ्ल्हाहि: इस्राएलको द्याङ्गेलाइ धार्मिति जेङ्लि कोसिस पाहि | कालाउ इङ्को सफल जेङ्लि मादोहि कालाउ परमेस्वर साल्का द्याङ्गेलाइ दोअ्नु धर्माति जेङ्हि | आरोङ द्याङ्गेलाइ ठान्का मन हिघाहि,कालाउ परामेस्वार काथा हिङ्लि माकि: घाहि | 8 जिसिका ध्रर्मसास्तरता लेखिका हि: “परमेस्वर द्याङ्गेलाइको इन्द्रियङ अचेत बानाइपिहि|“परमेस्वर इम्बालाइको मि तु:पिहि याको इम्बालाइ तिङ्लि मादाको वा इम्बालाइको न्हातोङ मा हिङ्पापि हि, कालाउ कि इम्बालाइ हिङ्लि मादाङ | एलाथिकापा इङ्को जेङ्तेङ्सा हिखे |” 9 कालाउ दाउद दोअ्खे: “नेलाइको चाका-आम्काता, इम्बालाइ लासाता देकाको कालाउ रिम निङ्चाको | इम्बालाइदोङ धि- निङ्चाको कालाउ इङ्को लोनाखे, नेलाइ दन्डित जेङ्सु | 10 एम्बालाइको मि -तुन्हाका ह्याको ,कालाउ इङ्को तिङ्लि माद्वाको , कालाउ इम्बालाइको जेलाउबुङ् गान्धि कुकुरुका जेन्तेङ ह्याको |” 11 ओदोङ भाअ्सिङ का हि:खा ,हाइ यहुदिगेलाइ लोङ्लि थु- निङ्चाहि इङ्सा थु- निन्चालाउ ध्वस्त जेङ्हि कुनु ? सिलाउबुङ माको | कालाउ यहुधिगेलाइको अपराधहि को कारन, बो-जातिगेलाइ मुक्ति लोका हि| कालाउ कि इस्राएलगेलाइबुङ मुक्तिको भाअ्सिङ डाह जेनाको | 12 यहुदिगेलाइको अपराधहिको कारन सुमिङ भाअ्सिङ सम्पति चुमाका हि, कलाउ इम्बालाइको असफलचाहि गैर- याहुदिगेलाइको सम्पति चुमाको हि पानुते , इम्बालाइको पुरा समर्पन अझङ रेम्धावा | इम्बालाइ परमेस्वर भाइका जेङ्लि खाङ्खे इङ्को इन्सिकाङ जेङ्लि भोखे इङ्को इन्सिकाङ जेङ्पिनु सुमिङ्ता हेथे महान आसिस निङ्धावा | 13 एला का नेलाइ गैर- यहुदिगेलाइहेङ दोअ्तेङ हिघा ,गैर- यहुदिगेलाइको प्रेरित जेङ्नाङ,का काङ्को सेवाको महत्व पिखा | 14 का आसा पाखा काङ्को ताइकोङ यहुदि द्याङ्गेलाइ दाहि बानाइलि द्वाको | इम्बालाइ मध्येसो आधिमि -हेङ का आसा पाखा का इम्बालाइहेङ हेथेहेङ उद्दार पालि द्वाको | 15 हाइपालि पानु एदि नेलाइको ओल्लापालाउ, हाइ आरुङ सुमिङ्को भाअ्सिङ पुरा मिलिनु, हाइ नेलाइको पुरा: ग्रहन सि:कासो जिवन जिवन निङ्का बाराबर माको रो? 16 एदि तोले एङ्का एनोङ आतुइका लुल्दि लाङ परमेस्वरहेङ भेतिको रूपता चढाइका हि पानु, इङ्को गोतेङ तोलेको लुन्दि पबित्तरो जेङ्खे | एदि एनोङ सिङ्को जारागेलाइ एल्का हि पानु इङ्कोको दालेङ गेलाइबुङ एल्का जेङ्खे | 17 हिदोइबुङ सिङ्को आधे डालेङगेलाइ थुर्का हिघाहि,कालाउ जिङ्चाको भाद्रक्स्यको डालेङ भाइका -(गैर-यहुदिगेलाइ) नेलाइ इङ्को भाद्राक्स्यको डालेङ्गेलाता कलमि धेउकागेलाइ हिधाना हि | एला इङ्कोङ भाद्राक्स्य सिङ्को सरबुङ कालाउ जिबनको साजेदार नेलाइदोङ पासुवाना | 18 इन्साङ थुर्का डालेङ गेलाइ खान्तेङ बाङ्का जेङ्का घमन्ड मापासु, नेलाइको घमन्ड पाका हाइदोङ कारन मान्थु, हाइपालिपानु ? नेलाइ इङ्को जाराता प्रान पिलि मादोस्वाना | इङ्को जारादोङ नेलाहेङ थामिखे कालाउ प्रान पिखे | 19 ना दोअ्ताना, “ का कलमि धेउनालि द्वाको दोअ्तेङ डालेङ्गेलाइ पाल्का हिघाहि | ” 20 इङ्को सत्तेदोङ हि, डालेङ्गेलाइ थुर्का हिगा हि, हाइपालिपानु इम्बालाइको खान्धुरि मान्थुनाङ | कालाउ नेलाइचाहि नाङ्को खान्धुरिहोइ खिनिङ थामेका हिसुना ,घमन्ड माजेङ्सु कालाउ स्रोधा जेङ्तेङ थिसु | 21 हाइपालिपानु परमेस्वर प्रकृति डालेङ्गेलाइ माजोगाइकाहेङ बुङ बाकि माअ्ताहि पानुते, नासेहेङ बुङ जोगाइतेङ माताअ्ताङ | 22 ओदोङ भाअ्सिङ बुझे,परमेस्वरको हेथे दयामाया हि, कालाउ परमेस्वरको थाङ्काबुङ जेङ्लि दोअ्खे, कालाउ परमेस्वरको दाया हिसुना पानु ,नेलाइहेङ परमेस्वरको दाया तिम्पावा , माकुनुते नाबुङ सिङ्को डालेङ पाल्काकोनिङ पाल्हाना | 23 नेलाइ बुङ खान्धुरि मापासिङ एकोरो जेङ्ते् माहिसुना पानुते कलमि जिनावा | हाइपालि पानु , परमेस्वर आरोङ इम्बालाइहेङ आरोङ कलमि जिङ्लि द्वाङ, परमेस्वरता इम्बालाइहेङ आरोङ घुरिपातेङ चुमाङ | 24 एनोङ एल्का जैतुनको सिङ्ता जिङ्चाको जैतुनको डालेङ्गेलाइ कलमि लेपालि प्रकिति काथा माको | कालाउ ना गैर-यहुदिगेलाइ जिङ्चाको जैतुनको सिङ्को डालेङ्गोलाइ भाइका दोङ हिसुना,जेदोङ एल्का जैतुन सिङ्को डालेङ भाइका दोङ | ओदोङ भाअ्सिङ नि:सन्देह इङ्कोगेलाइ मुल सिङ्ता कालमि लेपालि द्वाङ | 25 दाइ-ओने गेलाइ कालाउ बाइ-आनौ का नेलाइहेङ एदोइ म्होनाका काथा सिकापा दोअ्लि भोखा | ओदोङ नेलाइ गोताङ काथागेलाइ बुझिसु दोअ्का का चाहिक | सत्ये इदोइ दोङ इस्राएलको एनोङ भाग हठि जेङ्हि | कालाउ इङ्को परिबर्तन जेङ्लि दोका जेवा हेङ्जा यहुदिगेलाइ परमेस्वरता लोखे | 26 एसापा सारा इस्राएलको उद्दार जेनावा, जेसाङ लेखेका हि: उदार सियोनसो ल्वाङ, कालाउ वा याकुबसो अधर्म लाअ्पाप्याङ | 27 कालाउ एम्बालाइ दोफा काङ्को करार इदोइदोङ जेनावा, जेलाउ का ओबालाइको पाप झाप्याङ्का |'' 28 ये:बानालको तरीकाहोइते इम्बालाइ नेलाइको खातिर परमेस्वरको सतुरगेलाइदोङ , कालाउ चुनिका तरिकासो खाङ्लाउ लाम्फाकोगेलाइको खातिर इम्बालाइ आनौउगेलाइ | अदोङ ना गैर- यहुदिगेलाइ | 29 हाइपालिपानु परमेस्वरको वरदान कालाउ वाको द्याङगेलाइ काइका लागातार हि | 30 हाइपालिपानु जेसाङ नेलाइबुङ एखेप परमेस्वरको आग्या माकिका हिघासुघाना , कालाउ जेलाउ इम्बालाइको अनाग्याकारिताहोइ नेलाइ परमेस्वको कृपा निङ्का हिसुना | 31 कालाउ नेलाइहेङ कृपा तिम्पानाङ एला इम्बालाइबुङ कृपा निनाको दोअ्तेङ इम्बालाइ आग्यापालान पालि माकिका जेङ्का हि | 32 हाइपालिपानु परमेस्वरको कृपा झाराङ द्याङ्गेलाइ दोफा ज्याको दोअ्तेङ वा झाराङ्हेङ अन-आग्याकारितादोङ सोम्पिका हि | 33 खाङ, परमेस्वर वैभव कालाउ बुद्दि कालाउ वाको ग्यान कालाउ हेताबुङ ओताका मान्थु | वाको न्यानिसापगेलाइ हेठे माहान कालाउ कामको वर्णन पालि मादोका कालाउ परमेस्वरको दामागेलाइ बुझिखे मादोखे | 34 जिसिका धर्मासास्तारता लेखिका हि: “परमप्रभुको मन हासु ग्यावा ? वासेहेङ साल्लाहा हासु प्यावा ?” 35 “हासु हेलाउ परमेस्वरहेङ हासुबुङ उपहार पिकाहि रो ? जेलाउ कि वाको बदलिता परमेस्वर वासेहेङ उपहार पिलिगोयाको | 36 खाङ, परमेस्वर गोतेङ्को आमेने सिर्जाइहि, गोताङ आमेने वाकोसो, वाकोपाहा, कालाउ वाकोङ भाअ्सिङ दोङ पाहि | वासेहेङदोङ हेलाउलाउबुङ वाको महिमा हिका ह्याको ! आमेन |