रोमियों 10

दादा-ओनेगेलाइ कालाउ बाइ-आनौगेलाइ,यहुदिगेलाइको उदार जेङ्लि दाको दोअ्तेङ का तुम लितासो खाङ्का इदोइ काङ्को परमेस्वर दोफा दोमचाखाइखा | 2 एदोङ झोको खेनिङ का यहुदिगेलाइको बिसयाता दोअ्लि दाङ्का: इम्बालाइको साचिकोङ परमेस्वरको जोस ते हि, कालाउ इम्बालाइ जोस ग्यान आन्सारको थिक मान्थु | 3 इम्बालाइ धर्मि बानाइका परमेस्वरको दामा मानाल्हि, इम्बालाइ ताइको तरिकासो धर्मि जेङ्लि भोहि ,कालाउ एन्सा दयाङ्गेलाइहेङ धर्मि बानाइका परमेस्वरको खाबाराता माहि:हि | 4 हाइपालिपानु खान्धुरि पाका धर्मि जेनाको दोअ्तेङ ख्रिस्तदोङ व्यव्स्थाको अन्त्य हि | 5 ब्यबस्थादोङ पिका धार्मिक्ताको बारे मोसा दोअ्खे:''व्यवस्था आन्सार तेअ्का द्याङ इङ्कोसो बान्चायाङ |'' 6 कालाउ खान्धुरिता हिका आधारित धार्मिकताको बिसयता धर्म सास्त्तरदोङ दोअ्खे:''नेलाइ मन-मनता एसा मादोसु , ''स्वर्गता हासु हानाङ ? ''(जाइको माने जेङ्खे,''ख्रिस्तहेङ भोनुइता खुअ्पालि हासु स्वर्ग हानाङ ?'') 7 'कालाउ ताइको मनता एसाबुङ मादोसु, ,''भोनोइतिता हासु हानाङ ? ''याको माने जेङ्खे,''ख्रिस्तहेङ सि:कासो घुरिपालि भोनोइतिता हासु हानाङ ?'' 8 धर्म सास्त्तरदोङ एसापा दोखे:''परमेस्वरको वचन नेलाइको भेरपाङ हि,इङ्को नाङ्को नुइताङ कालाउ नाङ्को ह्रदयता (तुमलिता) हि |'' इदोइ सिक्स्या खान्धुरिको सिकस्या जेदोङ् केलाइ बानाल पानाहाखे | 9 हाइपालिपानु एदि ''ना येसु:हेङ प्रभु दोअ्तेङ ताइको नुइहोइ स्वीकार पासुना,कालाउ वासेहेङ सि:कासोलाइ बाउराइ पान्हा कालाउ ताइको हृदयता खान्धुरि पान्हापानु नाङ्को उद्दार जेनावा| 10 द्याङ्गेलाइ ताइको हृदय होइ खान्धुरिपाखे कालाउ वा निर्दोसित ठहरिखे,कालाउ वा ताइको नुइ होइ स्विकार पाखे कालाउ वा उदार निनावा | 11 धर्म सास्त्तर दोखे,वाको दोफा''भरोसा ताका हासुबुङ लेदेरलि मागोइखे |'' 12 हाइपालिपानु यहुदि कालाउ बो जातिता हाइबुङ मतलब मान्ठु | वा एनोङदोङ प्रभु झाराङको प्रभु हिघाहि,कालाउ वासिहेङ पुजा पाकालाइ झाराङ ताइको इस्तुम आसिस प्यावा | 13 हाइपालिदोनु ''प्रभुको मिङ ल्होका लाइ झाराङ उदार निनाङ |'' 14 जाइ हेङ खान्धुरिपाका मान्ठु वासेहेङ द्याङगेलाइ हेसा पुजा पावा ? जाइको बिसयता हिङ्काङ मान्थु वाको वासिहेङङ इम्बालाइ हेसा खान्धुरि पावा ? कालाउ मन मापासिङ इम्बालाइ हेसा हिनावा ? 15 कालाउ हासुबुङ मादिङ्गिलसिङ द्याङगेलाइ हेसा बानाल पालि ? जिसिका लेखिका हि,''ए बानाल बानाल पाकालाइको पैटाला हेथे सोबाइका हि ! 16 कालाउ ओबालाइ झाराङ ए बानाल पालन पाका मान्ठु,हाइपालिपानु यसैया दोखे,''हे प्रभु,केलाइसो हिङ्का काथा हासु खान्धुरि पाका हि ?'' 17 जेदोङ हिङ्का हि,इङ्को सोङ खान्धुरि लोखे कालाउ जेदोङ हिङ्खे इङ्को ख्रिस्तको बानालसो लोखे | 18 कालाउ का हिखा,हाइ इम्बालाइ हिङ्का मान्थु ? निस्चय दोङ ओबालाइ हिङ्का हि,हाइपालिदोनु इम्बालाइको गाला सारा पृथ्वि भरि ठुकाका हि,कालाउ इम्बालाइको बचन सुमिङ्को ओताका थेकापा थुकाका हि |'' 19 का आरोङ हिखा,''हाइ एस्राएलि माबुझिहि''लाम्फा मोसादोअ्खे,''जेदोङ एनोङ जातिदोङ माको,का नेलाइहेङ नेलाइ दोफा चेरताम्पा प्याङ्का,एनोङ हाइदोङ मागिका जातिपाहा नेलाइहेङ का क्रोध बानाइ प्याङ्का |'' 20 कालाउ यसैया माथिसिङ दोअ्खे,''कासिहेङ मा भोकालाइ कासिहेङ मिङ्का हि,जाइ कासिहेङ मा भोहि इम्बालाइको माझाता का ताइमिङ तिचालाघा |'' 21 कालाउ एस्राएलको बिसयता वा दोखे,''लिअ्पाङ दोङ मातेरिका कालाउ बिरोधिपाका द्याङ्गेलाइ दोफा का काङ्को खुर ल्होपाघा |''