रोमियों 9

का ख्रिस्टा सत्ये काथा धुइतेङ हिघा ,का धाताइका मान्थुघा | काङ्को बुद्धिहोइ आत्मासो पबितरो गवाइ पिखे | 2 काङ्को हृदयाता वोसारा पाङ सोक कालाउ तुम्ता लिता सोङ दुःख जेङ्का हि | 3 का इता थिकापा चाहिलि दोधाङ्का कि काङ्को दादाओनेगेलाइ कालाउ बाइओनेगेलाइकाङ्को जातिको सामान्दा नाङकाङ्को दाइ ओनेगेलाइको भाअ्सिङ कादोङ स्रापित ज्याको,कालाउ ख्रिस्त पाहासो मुक्तिजेङ्सु | 4 इम्बालाइ इस्राएलिगेलाइदोङ, कालाउ चान जेङ्का खाबारा, महिमाको दर्सन, करार,व्यवस्थाको पिका,मुन्दिरको आराधाना कालाउ प्रतिग्यागेलाइ इम्बालाइको ताइकोङ दोङ | 5 आजाइ -आजुगेलाइ ओबालाइदोङ, कालाउ ख्रिस्तबुङ जिउ आन्सार इम्बालाइकोङ हारागुटिया हिका हि , स्वर्वझाउका परमेस्वर, जाइको बाखिन कालाउ बानाइ ज्याको | आमेन| 6 कालाउ परमेस्वरको वचन भङ् जेङ्का माको | हाइपालिपानु इस्राएलसो जोलोम जेङ्का झाराङ इस्राएल माको | 7 आब्राहामको सान्तान जेङ्नाङ कोनिङ झाराङ वाको चान्चामेंदिदोङ | कालाउ धर्म सास्त्तरत दोअ्का आन्सार,''इसाहाक सो दोङ इम्बालाइको सान्तान दोलि तेङ्हि |'' 8 याको माने,जिउसो जोलम जेङ्कालाइ परमेस्वरको सान्तान माको, कालाउ कारार सो उब्जाइका गेलाइदोङ आब्राहामको सान्तानजेङ | 9 इदोइ प्रतिग्या एसा दोखे,''दोअ्का समयता का घुरितेङ ल्वाङ्का,कालाउ साराको एनोङ चान जेनावा |'' 10 एन्सा खेनिङ माको,जेलाउ रेबिका एनोङ्दोङ वाजान केलाइको पुर्खा इसाहाकसो गान्धितेअ्हि, 11 कालाउ जौथ्या जामालगेलाइ जोलमपालि खान्तेङ लाम्फासोङ,इम्बालाइ हिदोइबुङ कालाउ रेम्का कालाउ आखेका पालि खान्तेङ लाम्फादोङ,कामहोइ माको कालाउ वाको काइका आन्सार परमेस्वरको छाल्काको उदेस्य ठहराइको दोअ्तेङ, 12 रेबिकाहेङ एन्साङ दोअ्का हिघाहि,''जेठा कान्साको सेवा पावा |'' 13 जेसा लेखिका हि,''याकुबहेङ का प्रेम पाघा,कालाउ एसाबहेङ मन्दा माताघा |'' 14 केलाइ एला हाइ द्वाङ ? हाइ परमेस्वर अन्याय पाखे ? मिधुलाउबुङ माको ! 15 वा मोसाहेङ दोअ्खे,''जाइ हुताका कृपापालि चाहिखा,वासेहेङ का कृपा पाङ्का,कालाउ जाइहेङ दनाइलिबुङ चाहिखा,वासेहेङ का चेरबुङ ताम्पा प्याङ्का |'' 16 ओदोङ भाअ्सिङ द्याङ्को इस्सा कालाउ वाको हिकाता या भर मापरिखे,कालाउ परमेस्वरको कृपा हुता भर परिखे | 17 धर्म सास्त्तर फारोहेङ दोअ्खे,''का काङ्को सरबुङ मासेहेङ तिङ्पाङ्का,कालाउ सारा पृथ्विता काङ्को मिङ्को घोसना ज्याको दोअ्तेङ का नासेहेङ जापाघा |'' 18 ओदोङ भाअ्सिङ वा इस्सा पाकालाइ हेङ वा कृपा पाखे,कालाउ वा इस्सा पाकालाइको हृदयहेङ थाङ्का बनाइ पिखे | 19 कालाउ ना कासिहेङ द्वाना,''परमेस्वर एलाबुङ हाइपालि दोस लागाइखे ? हाइपालिपानु वाको इस्सा हेङ हासु बिरोध पालि द्वावा ?'' 20 कालाउ ना द्याङ जेङ्तेङ परमेस्वर दोअ्फा नुइनुइ लागेका ना हासु ? हाइ लोमपातेङ बानाइका आमेने ताइमिहेङ बानाइका लाइ कासिहेङ हाइपालि इसिका बानाइहि ?'' दोअ्खे रो ? 21 हाइ एनोङ दोङ भोनोइको भुकुण्दि सो एनोङ आदारको भान्दा,कालाउ भेनेङ चाहि तुच्छ काङ्को भाअ्सिङ बानाइका भोनोइहुता कुमालेको खाबारा मान्ठु रो ? 22 एदि परमेस्वर ताइको क्रोध तिङ्पानु कालाउ ताइको सरबुङ प्रदसनपालि बिनासको भाअ्सिङ तियार पाका क्रोधको द्याङ्गेलाइ मेनाङ धर्य दोफाङ सहितेङ हि पानु, हाइजेङ् हि कुनु ? 23 एदि महिमाको भाअ्सिङ लाम्फासोङ तियार पाका वाको कृपा द्याङ्गेलाइहेङ ताइको महिमाको सम्पति प्रकट पालि वा एन्सा पाहि | 24 केलाइ जाइहेङ यहुदिगेलाइसो खिनिङ माको,कालाउ बो जातिगेलाइसो बुङ वा काइका हि पानु,हाइजेङ्हि कुनु ? 25 जेसाङ होसेको किताबताबुङ दोअ्का हि,''जेदोङ काङ्को द्याङ्गेलाइ मान्ठु घाहि,इम्बालाहेङ का ''काङ्को प्रजा ''बानायाङ्का | कालाउ जाइहेङ का प्रेम पाका मान्ठुघाखा,उङ्को हेङ का ''काङ्को प्रिय''द्वाङ्का |'' 26 'कालाउ जेता 'नेलाइ काङ्को प्रजा माको |' दोअ्तेङ नेलाइहेङ दोअ्का हिघाहि,ओदोङ नेलाइ 'हुसिहिका परमेस्वरको सान्तान जेङ्सुवाना |'' 27 यसैया एस्राएलको बारेता घोसना पाखे,''एस्राएलको सान्तानको सङ्ख्या समुन्द्रको बाला जतिकोङ जेङ्लाबुङ,बाकी हिकालाइको खिनिङ उदार जेनावा | 28 हाइपालिपानु प्रभु पृथ्विता वाको दण्डको आग्या बलियाका कालाउ मारफाङ पुरा पवा |'' 29 यसैया इदोइ भबिस्य बानि पाकाहि,''सिपाहिगेलाइको परमप्रभु केलाइको भाअ्सिङ सान्तान मालापि धिनु कानु केलाइ सोदोम भाइकाङ जेन्धाङ,कालाउ गोमारा भाइपा एसमान जेन्धाङ |'' 30 एला केलाइ हाइ दोअ्लि ? धार्मिकताहेङ मापिताइका बो जातिगेलाइ धार्मिकता निङ्का हि,खान्धुरिसो निङ्का धर्मिकता | 31 कालाउ ब्यबस्था हुता आधारित जेङ्का धार्मिकताको लेसारा पिताइका इङ्को इस्राएल इदोइ ब्यबस्था पुरा पालि मादोहि | 32 हाइपालि मादोहि ? हाइपालिपानु धार्मिकता कामगेलाइ सो आधारित हि दोअ्का थानितेङ इम्बालाइ खान्धुरि पाहा धार्मिकता माभोहि | इम्बालाइ ठुलिन्चाका उन्थुइता ठुनिन्चातेङ थोबिनाहाका हि 33 जिसिका लेखिका हि,''खाङ्सु,सियोनता का एनोङ उन्थुइ ताताङ्का,जेदोङ्ता द्याङ्गेलाइ बेझेमावा,कालाउ एनोङ उन्थुइ,जाइ इम्बालाइहेङ लोङ पावा,कालाउ वाकोता भरोसाताका हासुबुङ लेदेरलि मागोयाङ |''