Acts
प्रेरितों के काम
1
प्रिय, आनाउ थियोफिलोस,का काङ्को लाम्फाको पुस्तकता,येसु:हाइ-हाइ पाहि कालाउ हाइ धिरपाहि गोताङ काथा लेखेधा |' 2 का येसु:को गोताङ जिवनको बारेता लेखेघा,सुरुसोङ वा स्वर्गता तोल्हेपाङ थेकापा, इङको घटाना जेङ्लि खान्तेङ लाम्फा वाको सो साल्का प्रेरितगेलाइदोफा वा काथापासुहि | प्रेरितगेलाइ हाइ पालि गोइखे दोअ्का काथा पबित्तरो आत्माको साघाइ निङ्तेङ वा दोअ्हि | 3 इदोइ गोताङ घातानागेलाइ येसु:को सि:का न्हुसो जेङ्हि,कालाउ वा ताइको प्रेरितगेलाइ दोफा ताइमि सिन्हुका कालाउ सारबुङ्साइका प्रमान गेलाइ पाहि | येसु :सि:कासो सिन्चालाइतेङ ल्होतेङ प्रेरितगेलाइ वासेहेङ न्हेकुरि यए दिना थेकापा हेन्जाङ खेप तिङ्हि | वा ओबालाइदोफा परमेस्वरको सारभिको विसोइता दोअ्पिहि |'' 4 एलोङ समय जेलाउ येसु: ओबालाइ दोफा चातेङ हिघाहि,वा ओबालाइहेङ यरुसलेम मालाअ्सु दोअ्का काथा दोअ्हि | वा दोअ्हि,''आबा नेलाइको भाअ्सिङ प्रतिग्या पाका,जेदोङ का नेलाइहेङ लाम्फाङ दोअ्लि दोअ्होइका | इङ्को प्रतिग्या निङ्लिको भाअ्सिङ यरुसलेमता र्हुम्लि गोइस्वाना | 5 यु:हान्ना चाहि द्याङ्गेलाइहेङ चिको बप्तिस्ता पिहि,कालाउ न्हुसोको दिनासो नेलाइबुङ पबित्त्तरो आत्मा पाहासो बप्तिस्ता र्हुस्वाना |'' 6 प्रेरितगेलाइ जोमहि,इम्बालाइ येसु: हेङ हिअ्हि,''हे प्रभु हाइ इदोइ इस्राएलहेङ नावा सारभिता आरूङ घुरिपाका नाङ्को समय इदोइ दोङ हां ? 7 येसु: इम्बालाइहेङ दोअ्हि,''आबा खिनिङ एलोङ हि,ज्याइहेङ मिति, कालाउ समय गेलाइ गिलि वाको खिनिङ खाबारा हि |''नेलाइ इदोइ काथा गेलाइको बारेता बुझुलि नेलाइको काम माको | 8 जेलाउ पबित्त्तरो आत्मा ना हुता ल्वावा कालाउ नेलाइ सरबुङ निङ्स्वाना | नेलाइ द्याङ्गेलाइको माझाता काङ्को गवाहि जेङ्स्वाना | लाम्फा नेलाइ यरुसेलेमको द्याङ्गेलाइ को भाअ्सिङ गवाहि जेङ्स्वाना |कालाउ नेलाइ यहुदियाता,सामारियाता कालाउ सुमिङ्को गोताङ थामेको द्याङ्गेलाइहेङ दोअ्स्वाना |'' 9 येसु: प्रेरितगेलाइहेङ इङ्को काथागेलाइ दोअ्लि दोअ्तेङ न्हुसो वा हुता बादेल थेकापा तोलिन्हाहि | प्रेरितगेलाइ खाङ्का खाङ्काताङ येसु: बादेल लिता दुल्हि कालाउ इम्बालाइ वासेहेङ तिङ्लि मादोहि | 10 येसु :दुरे हानिकाताङ हिघाहि कालाउ प्रेरितगेलाइ बादेल भारि खाङ्तेङ हिघाहि | एन्साङ्दोङ न्हेमि द्याङ्गेलाइ जाहाका धावा होङ्तेङ इम्बालाइको भेर्पा जाहि | 11 उङ्को न्हेमि द्याङ्गेलाइ प्रेरितगेलाइहेङ दोतेङ ल्वाङ |अ्हि,''गालिलको द्याङ्गेलाइ,नेलाइ इता हाइपालि बादेल भारि खाङ्काताङ जाअ्तेङ हिसुन्हा ? नेलाइ येसु:हेङ नेलाइको सो स्वर्ग तोलिन्हिका तिङ्सुन्हा | जेसाङ नेलाइ वासेहेङ हानिका तिङ्सुन्हा एन्साङ्दोङ वा आरुङ घुरि 12 कालाउ न्हुसो प्रेरित गेलाइ जैतुन तिकारसो यरुसलेम भारि हानिहि , इङ्को लाख यरुसलेमसो मानुबुङ आधा माइल दुरे हिघाहि | 13 प्रेरितगेलाइ सहर लिता दुल्लि इम्बालाइ इनताङ थामेता हानिहि जेता इम्बालाइ लाम्फा बासा हिका हिघाहि: इङ्को कोठा हुताको तालाता हिघाहि प्रेरितगेलाइ हिघाहि: पतरस,युहन्ना,याकुब,आन्द्रियास,फ़िलिप | थोमा,ब्रथुलमे,मति | याकुबअ(अल्फायसको चान) कालाउ सिमोन (याकुबको चान) | 14 प्रेरितगेलाइ एदोफाङ हिघाहि,एलोङ्दोङ उदेस्यको भाअ्सिङ इम्बालाइ एअ्कोहरो दोमपातेङ हिघाहि | आधिमि बेबालाइ,मरियम येसु:को आमाइ कालाउ वाको ओनेगेलाइबुङ इनता प्रेरितगेलाइ दोफा हिघाहि | 15 न्हुसोको दिना इन्ता खान्धुरि पाकालाइको सभाउ जेङ्दोङ घाखे ,सभाउता झान्दै तुकुरि (एसाइ एकुरि ) द्याङ्गेलाइ हिघाहि | पतरस जाहि कालाउ दोअ्हि, 16 'ओनेगेलाइ धर्म सास्तरता वचन पुरा जेङ्लि गोइधाखे,जेदोङ वचन येसु:हेङ रिमपाका गेलाइको अगुवा यहुदियाको बिसयता दाउदको नुइसो लामफासोङ पबित्त्तरो आत्मा दोअ्का हिघाहि | 17 हाइपालि पानु इङ्को को गान्दिका केलाइ दोफाङ जेङ्का हिघाहि | कालाउ ओदोङ सेवाता वाको भाग निङ्का हिघाहि | 18 यहुदाहेङ ताका पितेङ इन्सा पालि आराइका हिघाहि | ताइको दुस्त कामको ताका सो एलोङ मिलिङ चोल्हि | कालाउ यहुदा लेता पुरुङ पातेङ थोबिनाहि,कालाउ वाको जिउ न्हे भाग जेङ्तेङ धेनाहि,गोताङ तेरेङ तुम्सिङ उल्लिहि | 19 इङ्को काथा यरुसलेमका गोताङ द्याङ्गेलाइहेङ थाहा जेङ्हि | इङ्को मिलिङ्को मिङ इम्बालाइको भासाता आखेल्दामा ताअ्हि,आखेल्दामाको माने,''हितिको मिलिङ ''(जेङ्खे) | 20 पतरुस दोअ्हि,''भजन सङ्ग्रहता यहुदाको बिसयता इसिका लेखेका हि : 'वाको सो उदादाङ्का जेनाको,कालाउ इनता बासाहिका हासुबुङ माजेनाको,कालाउ इसिकाबुङ लेखेका हि: वाको काम आरू हासुबुङ (बोमि) चुम्पावाको 21 ओदोङ भाअ्सिङ केलाइको दोफा हिका द्याङ्गेलाइ मध्ये इसिका एमि साल्लि गोइका हि,जेदोङ द्याङ प्रभु येसु:केलाइको माझाता हितेङ लिता-बाहारसो पालाउ हेलालाउबुङ केलाइ दोफा हिघाहि , 22 कालाउबुङ इसिका द्याङ ज्याइ यु:हान्नाको बप्तिस्ता र्हुतेङ वा केलाइसो हुता चुमपुका दिना थेकापा केलाइ दोफा दोफाङ वाको सिङ्चालका जेङ्का को साक्सि जेङ्लि गोयाङ |'' 23 प्रेरितगेलाइ न्हेमि द्याङ्गेलाइ झाराङ्को टोलिको माझाता ताअ्हि | एमि युसुफ, बारनाबास हिघाहि | ज्याहहेङ जस्तस बुङ दोअ्घाखे | भेनेङ द्याङ मतियास हिघाहि | 24 इम्बालाइ एसा दोम्चाकाहि,''झाराङ द्याङ्को हृदयको काथा गिलिदोअ्का प्रभु,इदोइ न्हुमि म्ध्येसो ना हासुहेङ साल्का हिना,इङ्को केलाइहेङ तिङ्पापि | 25 कालाउ उङ्को इदोइ सेवा कालाउ प्रेरितको कामता दुल्लि द्वाको जेदोङ सेवासो यहुदा लाअ्तेङ ताइको निजि थामेता सि:हि |'' 26 प्रेरित गेलाइ न्हेअ्मिसो एमिहेङ साल्लि गोला लागाइहि | गोलाता मतियासको मिङ पारिहि | ओदोङ भाअ्सिङ आरु तेएन्हे, प्रेरितगेलाइ सुधाङ वा बुङ एलोङ प्रेरित जेङ्हि |