प्रेरितों के काम 2

जेलाउ पेन्तिकोसको दिना लोहि,प्रेरितगेलाइ झाराङ एदोफाङ जोम्का हिघाहि | 2 आचानाक स्वर्गसो बार्का दुर भेर्मा भाइपाङ भेर्माको गालाहोइ इम्बालाइ जेदोङ कोठाता योमतेङ हिघाहि इङ्को कोठाहेङ कोरपाहाङ थुम्हि | 3 इम्बालाइ मे गागाका भाइका तिङ्हि | इङ्को गागाका- भाग-भाग जेङ्तेङ झाराङ द्याङ हुता हानितेङ हि | 4 इम्बालाइ झाराङ पबित्त्तरो आत्मा भरितेङ कालाउ इम्बालाइ भेनेङ-भेनेङ भासा गेलाइता धुइलि तेङ्हि | पबित्तरो आत्मा इम्बालाइ एन्सापालि सरभङ पिहि | 5 ओदोङ बेला यरुसलेमता आधिमि धार्मिक यहुदिगेलाइ हिघाहि,इम्बालाइ सुमिङ्को गोताङ सारभिसो लोका हिघाहि | 6 इम्बालाइ हेन्जा जोसो गाला हिङ्हि,प्रेरितगेलाइ ताइ-ताइको भासा ता धुइका हिङ्तेङ ओबालाइ भारभुसाइका जेङ्हि | 7 इदोइ झाराङ यहुदिगेलाइ इदोइ काथाता भाङ्भाङ्हि , ओबालाइ माबुझिहि कि हेसा पातेङ प्रेरितगेलाइ इसिका पालि दोका जेङ्हि | इम्बालाइ दोअ्हि,''खाङ्सु ! इदोइ द्याङ ज्याइ धुइतेङ हि इम्बालाइ झाराङ गालिलसो लोका गेलाइ हि | 8 केलाइ इम्बालाइ धुइका काथागेलाइ केलाइकोङ ताइकोङ भासाता हिङ्तेङ हिनाहि | या हेसा सम्भब जेङ्हि ? केलाइ भेनेङ-भेनेङ थामेगेलाइसो लोका हिनाहि : 9 केलाइ इम्बालाइ धुइका काथागेलाइ केलाइकोङ ताइकोङ भासाता हिङ्तेङ हिनाहि | या हेसा सम्भब जेङ्हि ? केलाइ भेनेङ-भेनेङ थामेगेलाइसो लोका हिनाहि : 10 फ्रिगिया,प्याम्फिलिया,मिस्स्रो,साइरिन भेर्पा लिबिया,रोम, 11 क्रेति कालाउ अरबियासो,केलाइ आधिमि जोलोम जातदोङ यहुदियागेलाइ हिनाहि कालाउ आरु आधिमिगेहेङ यहुदि धर्मता परिबर्तन (घुरिपाका) पाका हि | केलाइ इङ्को भेनेङ-भेनेङ सार्भिगेलाइसो लोका हिनाहि | कालाउ केलाइ इङ्को द्याङ्गेलाइहेङ केलाइकोङ ताइकोङ भासाता हिङ्लि दोअ्न्हाखे | इम्बालाइ परमेस्वरको बिसयता दोअ्का झाराङ माहान काथागेलाइ केलाइ बुझिलि दोअ्न्हाखे |'' 12 द्याङ्गेलाइ झाराङ भाङ भाङहि कालाउ आवाइतुहि | इम्बालाइ ता-ताइमिता प्रस्न पाहि,''याको मतलब हाइ जेङ्लि दोधाङ ? 13 कालाउ आरू द्याङ्गेलाइ ओबालाइहेङ खुर्जालाइतेङ लेङ्पि घाअ्खे | उङ्को द्याङ्गेलाइ सोचेहि कि प्रेरित गेलाइ खुब गोरा आमतेङ मान्हाका हि | 14 कालाउ पतरुस तेए झनादोफा जातेङ बार्का गालाहोइ गोताङ सुदायको द्याङ्गेलाहेङ हिनाको दोअ्तेङ इम्बालाइहेङ पतरूस दोअ्हि, काङ्को यहुदि दादा-ओनेगेलाइ कालाउ यरुसलेमको गोताङ द्याङ्गेलाइ कासेहेङ ध्यान पितेङ हिङ्सु ,नेलाइहेङ इदोइ काथा थाहा जेनाको,काङ्को काथा हिङ्सु | का नेलाइ गिलि गोइका आवश्यक काथागेलाइ दोअ्लि तेङ्का हिघा | 15 इदोइ द्याङ्गेलाइ नेलाइ सोचेका भाइकाङ म्हाका मान्थु,एला भर्खर र्हिमाको क्वाहा खिनिङ बजेका हि | 16 नानि इता जेङ्तेङ हिका काथा अगमबक्ता योएल दोअ्का काथा इदोइ दोङ, 17 लास्ताको (आम्तिमको) दिनागेलाइता इसिका जेनाङ दोअ्तेङ परमेस्वर दोअ्हि,(दोअ्खे); का झाराङ द्याङ्गेलाइहेङ काङ्को आत्मा हुप्याङ्का,कालाउ नेलाइको चानगेलाइ,कालाउ नेलाइको चामिन्दिगेलाइ अगमबानि दोअ्तावा,कालाउ नेलाइको धाना वाजानद्याङ्गेलाइ दर्सन तिनावा,कालाउ नेलाइको आराङ्द्याङ्गेलाइ बिसेस दर्सन तिनावा | 18 ओदोङ बेला,का काङ्को आत्मा हुप्याङ्का,काङ्को सेवकगेलाइ,वाबाल कालाउ बेबालाइता,कालाउ इम्बाललाइ अगमबानि पावा | 19 का भाङ-भाङङ्का परेका आमेनेगेलाइ हुत्ता बादेलता तिङ्प्याङका , लेता पृथ्विता,का प्रमानगेलाइ प्याङ्का ! इनता हिति,में,कालाउ धुवा गुसुलाइतावा | 20 परमप्रभुको माहान महिमामय दिना लोलि खाङ्तेङ लाम्फा सान्हे कितिकितितावा कालाउ तालि हितिता बद्लियावा | जेजाउ परमप्रभु महिमामय दिना ल्वा | 21 कालाउ ज्याइ-ज्याइ परमप्रभुको मिङ ल्होकावा,वा उदार निनावा | 22 'इस्राएलको दादा-ओनेगेलाइ ,इदोइ शब्दगेलाइ हिङ्पिसु,नासरतको द्याङ येसु:इसिका एलोङ बिसिस्ट द्याङ हिघाहि, परमेस्वर या झाला-झालापा नेलाइहेङ तिङ्पाहि | ज्याइहेङ परमेस्वर वाकोपाहासो सारभुसाइ का कामगेलाइ,कालाउ भारबुसाइका चिन्हागेलाइ पाहासो नेलाइको आगाता प्रमानित पाहि | नेलाइहेङ थाहा दोङ हि,कि परमेस्वर नेलाइको माझाता इदोइ कामगेलाइ वाकोसो दोङ पाका हि | 23 येसु:हेङ नेलाइको खुरता सोमपिका हिघाहि कालाउ नेलाइ वासेहेङ सेअ्सुन्हा , जेदोङ द्याङ्गेलाइको साघाइ र्हुतेङ ज्याइ दोफा परमेस्वरको नियम मान्थु नेलाइ येसु:हेङ क्रुसता ताराइ सुन्हा | कालाउ परमेस्वरहेङ इदोइ गोताङ घाताना जेनाङ दोअ्तेङ थाहा हिघाहि | इदोइ परमेस्वरकोङ योजना हिघाहि,परमेस्वर इसिका योजना हेन्जा लाम्फा दोङ तियार पाका हिघाहि | 24 येसु:सिका बेथा भोगिलि गोइहि,कालाउबुङ परमेस्वर वासेहेङ सि:कासो लाअ्पाहि,सि:का येसु:हेङ रिमतेङ ताअ्लि मादोहि परमेस्वर येसु: हेङ सि:कासो सिन्हुपाहि | 25 दाउद येसु:को बिसोयोता इसिका दोअ्का हिघाखे: दिनाङ का प्रभुहेङ आगाताङ तिङघा,कासेहेङ बान्चिपालि वा काङ्को दामापाहा हिखे |' 26 ओदोङ भाअ्सिङ काङ्को हृदय सुकापा(आनन्द हि) हि,कालाउ काङ्को नुइ सुकापा धुइखे | काङ्को जिउबुङ आसाता भरोसा पावा | 27 हाइपालि पानु ना काङ्को प्रानहेङ पातालता माअ्लाताना ,नेलाइ ताइको एलोङ खिनिङ पबित्त्तरो जनहेङ तोमता आइलि मापिस्वाना | 28 नेलाइ कासेहेङ हेसा बान्चिलि धिरपासुन्हा नेलाइ काङ्को भेरपा लोस्वाना कालाउ कासेहेङ आनन्द होइ पोङ्घा स्वाना | 29 ''काङ्को दादा-ओनेगेलाइ,का नेलाइहेङ जातिङको दोअ्लि द्वाङ्का केलाइको पुर्खा दाउदको बिसोइता वा सि:हि कालाउ लि:हि | वाको तोम एला थेकापा केलाइदोफाङ हि | 30 दाउद एलोङ अगमबक्ता हिघाहि कालाउ परमेस्वर दोअ्का काथागेलाइ गिघाखे | परमेस्वर दाउदहेङ बचन पिका हिघाखे कि वाकोङ जाहानसो हिदोइबुङ एअ्मिहेङ दाउद भाइकाङ राजा बनाइका | 31 दाउद एलोङ अगमबक्ता हिघाहि कालाउ परमेस्वर दोअ्का काथागेलाइ गिघाखे | परमेस्वर दाउदहेङ बचन पिका हिघाखे कि वाकोङ जाहानसो हिदोइबुङ एअ्मिहेङ दाउद भाइकाङ राजा बनाइका | 32 दाउद एलोङ अगमबक्ता हिघाहि कालाउ परमेस्वर दोअ्का काथागेलाइ गिघाखे | परमेस्वर दाउदहेङ बचन पिका हिघाखे कि वाकोङ जाहानसो हिदोइबुङ एअ्मिहेङ दाउद भाइकाङ राजा बनाइका | 33 ओदोङ भाअ्सिङ वाको दामपाहा खुरता हुता तोलिका हि | परमेस्वर वासेहेङ पबित्त्तरो आत्मा पिहि,जेदोङ वा प्याङ्का दोअ्तेङ प्रतिग्या पाका हिघाखे | कालाउ वा इङ्को पबित्तरो आत्मा हुपिहि,जेदोङ नेलाइ एला तिङ्स्वाना कालाउ हिङ्स्वाना | 34 दाउद स्वर्गता मान्हिहि,याते येसु:दोङ हिघाहि जाइ स्वर्ग हानिहि | दाउद ताइमिङ दोङ दोअ्हि:''परमप्रभु काङ्को प्रभुहेङ दोअ्हि:काङ्को दामपाहाभारि योम | 35 जेलाउ थेकापा नाङ्को सतुरगेलाइ नाङ्को पाइताला लेता माताताङ्का |' 36 ओदोङ भाअ्सिङ झाराङ यहुदि द्याङ्गेलाइ इङ्को सत्ये गिलि गोइखे: परमेस्वर येसु:हेङ प्रभु कालाउ ख्रिस्त बानाएइहि | वा ओदोङ द्याङ हिघाहि ज्याइहेङ नेलाइ क्रुसता किला ताराइसुन्हा कालाउ तोइसुन्हा |'' 37 जेलाउ द्याङ्गेलाइ इङ्को हिङ्हि इम्बालाइ मेनाङ दु:खित जेङ्हि | इम्बालाइ पतरुस कालाउ आरू प्रेरितगेलाइ हिअ्हि,ओइ ओनेगेलाइ,केलाइ हाइपालि गोयाङ ?'' 38 पतरुस इम्बालाइ दोअ्हि,''नेलाइको हृदयगेलाइ कालाउ जिवनगेलाइ परिबर्तन पासु,कालाउ खिनिङ नेलाइ झाराङ येसु:ख्रिस्तको मिङ्ता बप्तिस्ता र्-र्हुसु | कालाउ परमेस्वर नेलाइको पापगेलाइ स्यामा पापियावा कालाउ नेलाइ पबित्त्तरो आत्मासो उपहार निङ्स्वाना | 39 इदोइ प्रतिग्या नेलाइको भाअ्सिङ कालाउ नेलाइको जामालाइको भाअ्सिङ कालाउ उङ्को गोताङ द्याङ्को भाअ्सिङ्बुङ कालाउ ज्याइ दुरे हि | इदोइ उङ्को झाराङ द्याङ्को भाअ्सिङ कालाउ ज्याइहेङ प्रभु केलाइको परमेस्वर ताइमिताङ काइखे |'' 40 पतरुस इम्बालाइहेङ इदोइ कालाउ आरू भेनेङ-भेनेङ हेथे स्ब्दगेलाइसो थिपाहि,''ओबालाइहेङ सेउपाहिबुङ कि ताइमिदोङ नेलाइ इदोइ दुस्त पुस्तासो बान्चिपासु |'' 41 कालाउ ज्याइ-ज्याइ वाको काथा साहि इम्बालाइ झाराङ बप्तिस्ता र्- र्हुहि,कालाउ कोकोङ दिना लग भग सुम हाजार द्याङ्गेलाइ ओबालाइको सङ्ख्यता थोपिन्हाहि | 42 इम्बालाइ प्रेरितगेलाइको सिक्स्या,सङ्गति कालाउ तोले एअ्दोफाङ चाघाखे -आमघाखे कालाउ दोमचाकाता भक्तिदोफाङ दिनाङ समय पिघाखे | 43 प्रेरित गेलाइ हेन्जाङ सरबुसाइका कालाउ भारबुसाइका कामगेलाइ पाहि | कालाउ झाराङ द्याङ भारबुसाइतेङ मनता थिहि | 44 प्रेरित गेलाइ हेन्जाङ सरबुसाइका कालाउ भारबुसाइका कामगेलाइ पाहि | कालाउ झाराङ द्याङ भारबुसाइतेङ मनता थिहि | 45 इम्बालाइ ताइको सम्पति कालाउ मिलिङ आनेमाने पितेङ ज्याइ-ज्याइहेङ जेदोङ आमेनेगेलाइको खाचो हिघाहि ओदोङ आमेने झाराङहेङ बाखाराइ पिघाखे | 46 इम्बालाइको एनोङ्दोङ मन जेङ्तेङ परमेस्वरको साअ्ता एअ्दोफाङ थुकाघाखे,कालाउ साअ्-साअ्ता तोले पोङ्घाखे कालाउ इम्बालाइ लेङ्चातेङ कालाउ सुद्द हृदयसो मिलितेङ चाघाखे, 47 कालाउ परमेस्वरको बाखानाइ पाकाताङ,कालाउ झाराङ द्याङ्गेलाइसो आसिरबाद निङ्तेङ हिघाहि | उदार निङ्कालाइ प्रभु ओबालाइहेङ दिनाङ-दिनाङ हेन्जा सङ्ख्यता थोपि-पिघाखे |