प्रेरितों के काम 3

एअ्नि पतरुस कालाउ यु:हान्ना थानता( मन्दिर ) हानिघाखे,एन्सालाउ दिनाको सुम बजेका हिघाहि | इङ्को दिनाङ्को दोमचाकाइका पहर हिघाहि | 2 जेलाउ इम्बालाइ परमेस्वरको साको सालेङ भारि हानिकाताङ पाघाखे,इन्ता एअ्मि द्याङ हिघाखे | वा जिवन भरिदोङ लेङ्ग्रा हिघाहि | वा तेलि मादोघाखे,ओदोङ भाअ्सिङ द्याङ्गेलाइ वासेहेङ दिनाङ परमेस्वरको साता चुमाघाखे | कालाउ इम्बालाइ उङको लेङ्ग्राहेङ परमेस्वरको साको एलोङ सोबाइका फिनु मध्ये एलोङ फिनु भेरपा ताघाखे इङ्को फिनुहेङ सोबाइका मेनाङ सुन्दर फिनु दोअ्घाखे | 3 इङ्को दिना उङ्को द्याङ पतरुस कालाउ यु:हान्नाहेङ परमेस्वरको साता लिता दुल्काताङ पाका तिङ्हि,वा एन्सालाउ ओबालाइ दोफा ताका र्हेहि | 4 पतरुस कालाउ यु:हान्ना उङ्को लेङ्ग्रा द्याङ्हेङ एअ्कोहोरो जाअ्तेङ खाङ्हि कालाउ पतरुस दोअ्हि,''केलाइ खाङ !'' 5 उङ्को द्याङ इम्बालाइसो हाइदोङ निङ्लि आसा पातेङ इम्बालाइहेङ बिचार पातेङ खाङ्हि | 6 कालाउ पतरुस दोअ्हि,''काङ्को दोफा हिदोइबुङ सोना कालाउ चान्दि मान्थु,कालाउ काङ्को दोफा जेदोङ हि इङ्को नासेहेङ प्याङ्का | नासरतको येसु: ख्रिस्तको सरबुङ्ता जुरुक्क ल्हो कालाउ तेअ् |'' 7 कालाउ न्हुसो पतरुस उङ्को द्याङ्को दाम्पाहा खुर चातेङ ल्होपाहि कालाउ आचानक वाको खोकोइको कालाउ गुलि गाथो गेलाइ बलियाका जेङ्हि |'' 8 उङको द्याङ तोङ्हि कालाउ जुरुक्क जाअ्हि कालाउ तेअ्लि तेङ्हि | उङ्को थान्ताको साता इम्बालाइ दोफाङ हानिहि | उङ्को तेअ्काताङ,तोङ्का ताङ,परमेस्वरको स्तुति लोकाताङ हिघाहि | 9 कालाउ झाराङ द्याङ्गेलाइ वासेहेङ तेअ्काताङ पाका कालाउ परमेस्वरको बाखानाइ पाकाताङ पाका तिङ्हि | 10 ओबालाइ वासेहेङ थान(मन्दिर) साको सोबाइका सुन्दर फिनुता (भिख) ताका र्हेलि योमतेङ हिका यादोङ माकोरो दोअ्तेङ वासेहेङ नाल्हि,कालाउ वाको हुत्ता जेङ्का काथाता ओबालाइ भारबुसाइतेङ कालाउ मेनाङ भारबुसाइहि | 11 उङ्को द्याङ पतरस कालाउ यु:हान्नाहेङ तिप्पापा चातेङ हिघाहि | झाराङ द्याङ्गेलाइ भार्भुसाइहि जेङतेङ हिघाहि,हाइपालि पानु उङ्को लेङ्ग्रा द्याङ एल्का हिघाहि | इम्बालाइ पतरुस कालाउ यु:हान्ना हिका सुलेमानको मिङ्को दलानता धाअ्हि | 12 उङ्को द्याङ पतरस कालाउ यु:हान्नाहेङ तिप्पापा चातेङ हिघाहि | झाराङ द्याङ्गेलाइ भार्भुसाइहि जेङतेङ हिघाहि,हाइपालि पानु उङ्को लेङ्ग्रा द्याङ एल्का हिघाहि | इम्बालाइ पतरुस कालाउ यु:हान्ना हिका सुलेमानको मिङ्को दलानता धाअ्हि | 13 माको ! इङ्कोते परमेस्वर पाका कि रो ? वा आब्राहामको परमेस्वर,इसाहाकको परमेस्वर कालाउ याकुबको परमेस्वर | वा केलाइको गोताङ आजाइ- आजुगेलाइको (पुर्खागेलाइको) परमेस्वर | वादोङ वाको ख़ास सेवय (आल्ते) येसु:हेङ महिमित बनाइहि ज्याइहेङ नेलाइ से:लि रिमासुन्हा | पिलातस येसु:हेङ लाअ्पिहि निर्नय पाका हिघाहि | कालाउबुङ नेलाइ येसु:केलाइहेङ मागोयाङ दोअ्सुन्हा | 14 माको ! इङ्कोते परमेस्वर पाका कि रो ? वा आब्राहामको परमेस्वर,इसाहाकको परमेस्वर कालाउ याकुबको परमेस्वर | वा केलाइको गोताङ आजाइ- आजुगेलाइको (पुर्खागेलाइको) परमेस्वर | वादोङ वाको ख़ास सेवय (आल्ते) येसु:हेङ महिमित बनाइहि ज्याइहेङ नेलाइ से:लि रिमासुन्हा | पिलातस येसु:हेङ लाअ्पिहि निर्नय पाका हिघाहि | कालाउबुङ नेलाइ येसु:केलाइहेङ मागोयाङ दोअ्सुन्हा | 15 कालाउ नेलाइ एलोङ इसिका द्याङ्हेङ सेअ्सुन्हा ज्याइ जिवन पिका स्रोत हिघाखे ! कालाउ परमेस्वर वासेहेङ सि:कासो सिन्हुपाहि | केलाइ याको गवाहि हिनाहि केलाइ ताइकोङ मिसिया होइ तिङ्का हिनाहि | 16 येसु:ता खान्धुरि हिनाङ इदोइ द्याङ एला एल्का हि | इसिका जेङ्लिको कारन चाहि केलाइ येसु:को सरबुङता पुरा खान्धुरि ताअ्न्हाखे | येसु:ता खान्धुरि जेङ्नाङ इङ्को द्याङ एल्का हि,नेलाइ वासेहेङ तिङ्सुखेना कालाउ नेलाइ वासेहेङ नाल्सुखेना | 17 काङ्को दादा-ओनेगेलाइ,नेलाइ येसु:हेङ हाइ-हाइ पासुन्हा,का गिखा | नेलाइ ताइमिदोङ माबुझिसुन्हा नेलाइ हाइ पातेङ हिघासुखेन्हा ? नेलाइको सासकगेलाइबुङ माबुझिहि | 18 परमेस्वरको चान ख्रिस्त दुःख भोगिलि गोयाङ गोताङ, परमेस्वर अगमबक्ताको माध्याम पाहासो दोअ्कलि दोअ्का हिघाहि एसापा इदोइ अगमबानि वा एसापा पुरा पाहि | 19 ओदोङ भाअ्सिङ नेलाइ ताइको हृदयगेलाइ कालाउ जिवन परिबर्तन पालि गोयाङ ! परमेस्वर भारि घुरिसु कालाउ वा नेलाइको पापगेलाइ स्यामा पाप्यावा | 20 कालाउ न्हुसो प्रभु नेलाइहेङ आत्मिक माइसाका समय प्यावा | वा येसु:हेङ दिङ्गिल्प्यावा, ज्याइहेङ वा नेलाइको भाअ्सिङ ख्रिस्तको रूपता साल्का हि | 21 कालाउ येसु:एन्सालाउ थेकापा स्वर्गताङ हिलि गोयाङ, जेलाउ थेकापा गोताङ आनेमाने आरूङ लाम्फाको भाइपाङ माजेङ्पा भरि | परमेस्वर इदोइ समयको बिसोयोता हेन्जा लाङम्फाङ वाको पबित्त्तरो अगमबक्ता पाहा दोअ्लि दोअ्का हिघाहि | 22 मोसा दोअ्का हिघाहि,''परम प्रभुपरमेस्वर कासेहेङ जेसाङ,जाअ्पाका हि,एन्साङ नेलाइको दादा-ओनेगेलाइको माझासो एलोङ अगमबक्ता नेलाइको भाअ्सिङ प्याङ | वा नेलाइहेङ जेदोङ -जेदोङ द्वावा इङको गोताङ काथा नेलाइ हिङ्लि गोइस्वाना | 23 एदि हासुबुङ द्याङ उङ्को आगम बक्ताको दोअ्का माहिङ्पिनु,वासेहेङ परमेस्वरको द्याङ्गेलाइको खेनावा (अलग) कालाउ वासेहेङ नासा पावा |'* 24 सामुएल कालाउ झाराङ आरू भेनेङ अगमबक्तागेलाइ ज्याइ वाको न्हुसो लोहि परमेस्वरको भाअ्सिङ धुइहि कालाउ इम्बालाइ इङ्को समयको बारेता दोअ्हि | 25 नेलाइ अगमबक्तागेलाइ जेदोङ दोअ्हि इङ्को ग्रहन पालि दोअ्का हिसुन्हा | नेलाइ परमेस्वर कालाउ नेलाइको आजु-आजाइगेलाइ (पुर्खागेलाइको) माझाता ताअ्का कारार कि:का हिसुन्हा | परमेस्वर नेलाइको (पुर्खा) आबा आब्राहामहेङ दोअ्हि,'पृथ्विता हिका गोताङ सारभिगेलाइ नेलाइको सन्तानसो धन्यको जेनावा | 26 परमेस्वर वाको ख़ास आल्तेहेङ (सेवक) दिङ्गिल्हि,वा,वासेहेङ लाम्फा नेलाइकोता दोङ दिङगिल्हि | नेलाइ झाराङ दुस्त काम (दुस्त दामासो ) लाअ्पातेङ आसिस पिलि परमेस्वर येसु:हेङ दिङ्गिल हि |''