युहन्ना 21

उङ्को न्हुसो चात्यागेलाइ कोता तेबेरियस समुन्द्रको काम्भेता येसु:दोङ आरोङ आरोङ ताइमिहेङ प्रकट पाहि | वादोङ ताइमिहेङ एसासि प्रकट पाहि : 2 सिमोन,पतरूस,दिदुमए दोका थोमा गालिलको काता नगरको नथानेल,जब्दियाको,न्हेलोङ चानगेलाइ कालाउ चात्यागेलाइ तासो आरोङ न्हेमि ऐ दोफाङ हिघाहि | 3 सिमोन पतरूस दोङ इम्बालाइहेङ दोअ्हि,''केलाइबुङ नाङदोफा ल्वाङ | इम्बालाइ हानितेङ नाउता धोलि | कालाउ इङ्को न्हिसिङ इम्बालाइ दोङ भारिहि | 4 दुसुलि तोम्का हिघाहि,येसु:तिर्काता जातेङ हिघाहि कालाउ चात्यागेलाइदोङ वा येसु:दोङ दोतेङ मानालि | 5 येसु:दोङ इम्बालाइ दोअ्हि,''ओ जामालाइ,नेलाइ दोफा ए आतुइसा हायाहि ?'' इम्बालाइ वासेहेङ उत्तारा पिहि,''मान्थु |'' 6 वादोङ इम्बालाइहेङ दोअ्हि,''जाले नाउको दामापाहा आसु,कालाउ हायाको रुम्बाइना कालाउ इम्बालाइ दोङ जाले तानेलि मादोहि | 7 येसु:दोङ माया पाका चात्यापतरूस हेङ दोअ्हि,''वा प्रभुको जेङ |'' ''वा प्रभुको माने''दोअ्का हिङतेङ सिमोन पतरूसदोङ ताइको बाहिर लोखोन केङ खेनेता लुन्धाइतेङ,हाइ पालिपानु इङ्को दोङ गोतेङ लोखोन धाबा खाङका हिघाहि,कालाउ दुसुलि तोम्का मार्तोनिता तोङहि | 8 आरू चात्येगेलाइ नाउताङ योम्तेङ जाले तानितेङ लोहि इम्बालाइ काम्भेसो दुरे माको | कालाउ प्राय ए सय मिटर हेन्सा हुता | 9 जेलाउ इम्बालाइ काम्भेता खुहि,कालाउ इम्बालाइहेङ अग्रोको धुइतिता हाया ताअ्का कालाउ सेलि तिङहि | 10 येसु:दोङ इम्बालाइ दोअ्हि,''नेलाइदोङ येलाङ रिम्का हायासो आधे चुमासु |'' 11 कालाउ सिमोन,पतरूस नाउता धोल्तेङ ए-सय नाते सुम्लोङ बार्बार्का हायादोङ भरिका जाले तिर्काता तानितेङ चुमाहि,कालाउ इदोइ झोका हेन्सा जेङहि कालाउ बुङ जाले माथेहि | 12 येसु:दोङ इम्बालाइहेङ दोअ्हि,''लोतेङ चासु | चात्यागेलाइ तासो हासुबुङ ''ना हासुको ? '' दोअ्तेङ हिअ्लि आट मापाहि,हाइको इम्बालाइ वा प्रभु दोतेङ गिका हिघाहि | 13 येसु:लोहि कालाउ सेलि चुमातेङ इम्बालाइ पिहि,कालाउ इनसापातेङ हाया बुङ पिहि | 14 सिकासो ज्याइतेङ ल्होका न्हुसो/ल्होतेङ | येसु:चात्यागेलाइकोता प्रकट जेङहि | इदोइ सुङखेजेङका हिघाहि | 15 जेलाउ इम्बालाइ दोङ चालिदोअ्का,कालाउ येसु:दोङ सिमोन,पतरूसहेङ दोअ्हि,''यु:हन्नाको चान सिमोन कालाउ हाइना कासेहेङ इम्बालाइ खान्तेङ मापा पाखेना ? इङ्कोङहे दोअ्हि,''काङ्को पान्ठागेलाइहेङ चापासु |'' 16 वादोङ आरोङ न्हेखे इङ्कोहेङ दोअ्हि,''यु:ह्न्नाको चान सिमोन हाइना कासेहेङ मापा पासुखेना ? इङ्कोदोङ वासेहेङ दोअ्हि,वादोङ इङ्कोहेङ दोअ्हि,''काङ्को भेडामेसा हेङ खाङपिसु |'' 17 वादोङ उङ्कोहेङ एम्खे दोअ्हि,''यु:ह्न्नाको चान सिमोन,हाइना कासेहेङ माया पाखेना |''पतरूस दो:लि जेङतेङ,हाइ कि वादोङ सुमखेक उङ्को हेङ'' हाइना कासेहेङ माया पाखेना ?''दोअ्हि इङ्कोहेङ वासेहेङ दोअ्हि,''हाइते,नागोतेङ काथा गिखेना | का नासेहेङ भायपाखा दोतेङ नासेहेङ थाहाहि |'' येसु:दोङ इङ्कोहेङ दोअ्हि,''काङ्को भेडामेसा गेलाइहेङ चापापि | 18 साचिकोङ नासेहेङ दोअ्खा,जेवाना जाबान हिघावाना ताइमिदोङ ताइको तेपाना तेघाना,कालाउ सोलोमन जेङघाहि ओसोङ हानिघाहि | कालाउ जेलाउ ना वाराङ ज्याना,गोतेङ नाङ्को खुर रायना,कालाउ भेनेङ दयाङहेङ ताइको तेपाना न्यापाहाङ,कालाउ ना जेताहा निलि खाङखेना इन्ताङ चुम्पाङ |'' 19 इदोइ किसिमसो सितेङ इङ्कोदोङ परमेस्वरको महिमापाङ उङ्को संकेत पाकाताङ वादोङ इदोइ दोअ्का हिघाहि | इदोइ झोको वादोङ इङ्कोहेङ दोअ्हि,''काङको न्हु-न्हु लो |'' 20 पतरूस घुरितेङ खाङलाउ येसु:दोङ मायापाका चात्याहेङ न्हु-न्हुलोकाताङ पाका तिङहि | इङ्कोदोङ दिलिमाको चाका बेलाता वाको तुम्ताता धेसिहि,''प्रभु,नासिहेङ घुरिपागिलका हासुको ?''दोतेङ हिअ्का हिघाहि | 21 इङ्कोहेङ तिङतेङ पतरूसहेङ दोअ्हि,''प्रभु;याकोदोङ हासु ?'' 22 येसु:हेङ पतरूसहेङ दोअ्हि,''का मालोकाभारि इङ्को हुम्तेङ ह्याको दोअ्का काङको इच्छा जेङ लाबुङ नासेहेङ हाइ ? ना काङको न्हुला |'' 23 इदोइ भाअ्सिङ इङ्को चात्ये भास्याङ दोअ्का काथा ओनेगेलाइको माझाता जेङहि | येसु:दोङ इङ्को भास्याङ दोअ्का मान्थुघाहि,कालाउ''का मालापा भारि इङ्को हुम्तेङ ह्याको दोका काङको इच्छा जेङलाउ नासेहेङ हाइ ?'' दोअ्का हिघाहि | 24 इदोइ इङ्कोहेंङ चात्याजेङ ज्यादोङ इदोइ काथाको बिसयता गवाहि पिखे | कालाउ इदोइ काथा लेखिकाहि,कालाउ केलाइ गिनाखा हाइ इङ्कोको गवाहि सत्य हि | 25 येसु:दोङ अरुबुङ हेन्साङ काम पाहि ,उङ्को तासो गोतेङको बारेता लेखिनुते कासेहेङ इस्का लागिखे हाइ इङ्कोको बिसयता लेखिका किताबगेलाइ दुनिया भरि बुङमा थेपाङ |