युहन्ना 20

आथारको लाङ दिना हि्मा माचालममुचुलामलाउ मरियम मग्दालिनि तोमता लोहि,कालाउ इङ्कोदोङ उन्थुइ तोमसो लापका तिङहि | 2 इङ्को सिमोन पतरुस कालाउ येसु:दोङ माया पाका मेनाङ चात्येगेलाइ कोता धातेङ हानिहि,कालाउ इम्बालाइहेङ दोअ्हि,''ते ताइ दोङ तोमसो बसार चुम्पुका हिघाहि,कालाउ वासेहेङ हिसो ताका हि,उङ्को केलाइ मागिनाखे |'' 3 कालाउ पतरस कालाउ भेनेङ चत्ये बाहार ओलितेङ तोम भारि हानिहि | 4 इङ्को न्हेमि धाअ्हि,कालाउ भेनेङ चात्या पतरूस खान्तेङ मार्फा धाअ्हि |ओदोङ भाअ्सिङ भेनाङ चात्या तोमता लाम्फा थुकाहि | 5 तोम लिता तुघुरतेङ खाङ्लाउ,इङ्कोदोङ सुति धावागेलाइ खिनिङ इन्ता हिका तिङहि,कालाउ इङ्को लिता मादुलि | 6 सिमोन पतरूस इङ्को को न्हु-न्हु लोहिङ,कालाउ तोम लिता दुल्हि,कालाउ इङ्कोदोङ बुङ मालामालाका बेरिका धाबा गेलाइ खेनिङ इन्साङ हिका तिङहि | 7 वा येसु:को पुरिङता लुम्का धावा बुङ तिङहि,इङ्को धाबा धेम्तेङ सुतिको धाबाको टुक्रासो खेन्तेङ ताका हिघाहि | 8 कालाउ तोमतालाम्फा लोका भेनेङ चत्येबुङ लिता दुल्हि,कालाउ इङ्को तिङतेङ वादोङ खान्धुरि पाहि | 9 हाइपानु इङ्को दोङ वाको सिकासो ज्याइतेङ ल्होलि गोयाङ दोअ्का धर्म सास्तर्को बचन एला थिकापा बुझेका मान्थुघाहि | 10 इङ्को न्हुसो चात्येगेलाइ ताइको ए घुरेहि | 11 कालाउ मरियम तोम बाहिर खाकोताङ जातेङहिका हिघाहि | इङ्कोदोङ खार्तेङ,तोम भारि तुघुरतेङ खाङहि | 12 मरियम जेका धाबा लगाइका न्हेलोङ स्वर्गदुत गेलाइहेङ तिङहि | इम्बालाइ जेता येसु:को जिउ हिघाहि इनताङ योमतेङ हिघाहि | एलोङ स्वर्गदुत येसु:को पुरिङभारि कालाउ भेनेङ येसु:को खोकोइभारि योम्तेङ हिघाहि | 13 इम्बालाइदोङङ इङ्कोहेङ दोअ्हि,''तिरि,हाइपालि खार्खेना ?''वादोङ इम्बालाइहेङ दोअ्हि,''इम्बालाइदोङ काङ्को प्रभुहेङ चुम्पुहि,कालाउ वासेहेङ हिसोता ताअ्का हि,का मागिखा |'' 14 इदोइ काथा दोतेङ वा पाछाभारि घुरिलि,कालाउ इङ्कोदोङ येसु:हेङ जातेङ हिका तिङहि,कालाउ येसु:दोङ हिका हिघाहि दोतेङ लाअ्हि | 15 येसु:दोङ इङ्कोहेङ दोहि,''तिरि ना हाइपालि खार्दोङखेना | हासुहेङ भोखेना ?'' इङ्को दोतेङ वासेहेङ मालिक दोअ्तेङ दोहि,''हाइ ति,नादोङ वासेहेङ एतासो चुम्पुकानु हिसो ताका हि कासेहेङ दोअ्पि,कालाउ का वा हेङ चुम्पुङका |'' 16 येसु:दोङ इङ्कोहेङ दोअ्हि,''मरियम !''इङ्कोदोङ घुरितेङ वासेहेङ हिब्रुता दोअ्हि,''रब्बि,अथबा ''ओ गुरुजिउ |'' 17 येसु:दोङ उङ्कोहेङ दोअ्हि,''कासेहेङ मासाइ,हाइपानु का एला थिकापा आबाकोता हानिका मान्थुघा | कालाउ काङ्को ओनेगेलाइ कोता हानितेङ इम्बालाइहेङ दोअ्पि,काङ्को आबा कालाउ नेलाइकोआबा,कालाउ काङ्को परमेस्वर कालाउ नेलाइको परमेस्वर कोता हानिदोङखा |'' 18 मरियम मग्दालिनि हानिहि,कालाउ चात्येगेलाइ हेङ हिङपाहि,''कादोङ प्रभुहेङ तिङघा |''कालाउ वादोङ दोअ्का काथा नेलाइहेङ इङ्कोदोङ दोपिलि | 19 उङ्को दिना,अथवा आथारको लाङदिनाको लाङ दिवा दिलिमा,जेलाउ यहुदिगेलाइकोहेङ थितेङ चात्यागेलाइ फिनुगोतेङ लिता हिघाहि,येसु:लोतेङ माझाता जाहि,कालाउ इम्बालाइहेङ दोअ्हि,''नेलाइहेङ सान्हे ! 20 इदोइ झोको दोतेङ वा दोङ इम्बालाइहेङ वाको खुर कालाउ कोखे तिङपाहि | प्रभुहेङ तिङतेङ चत्येगेलाइ मारेम्फाङ खुसि जेङ्हि | 21 कालाउ येसु:दोङ आरोङ इम्बालाइहेङ दोअ्हि,''नेलाइहेङ सान्ति | जेलाउ आबाहेङ दिङगिल्हि,इन्साङ का नेलाइबुङ गिलाङका |'' 22 कालाउ इदोइ दोतेङ वादोङ इम्बालाइ हुसो सुइसितेङ दोअ्हि,''पबित्त्तर आत्मासो | 23 ज्याको पाप नेलाइ छ्यामा पासुना,इम्बालाइहेङ छायामा जेङखे कालाउ ज्याको पाप छायामा पासुवाना द्यामा माजेनाङ |'' 24 येसु:लोलाउ तेन्हे तासो एमि,दिदुमस धेका थोमाचाहि,इम्बालाइ दोफा मान्थु घाहि | 25 इदोङ भाअ्सिङ आरुङ चात्येगेलाइ दोङ इङ्को हेङ दोअ्हि,''केलाइदोङ प्रभुहेङ तिङमाहि |''कालाउ इङ्को दोङ इम्बालाइ हेङ दोअ्हि,''जेलाउ थिकापाका वाको खुर्ता किल्लाको दोक मानिनाहा किल्ला गेलाइको दोपता काङ्को अगुलि मायुकाङका,वाको ओखेता काङ्को खुर आहावाइतेङ,कालाउ थिकापा बिस्वास मापाङका |'' 26 ए आथार न्हुसो वाको चात्येगेलाइ आरोङसा लिता हिघाहि | थोमाबुङ इम्बालाइ देसा हिघाहि | फिनुगेलाइ गिअ्का हिघाहि,कालाउ येसु:लिता दुल्लि कालाउ माझाता जातेङ दोअ्हि,'' नेलाइहेङ सान्ति |'' 27 कालाउ वादोङ थोमाहेङ दोअ्हि,''नाङ्को अगुलिमेताता,कालाउ नाङ्को खुरगेलाइ खाङ | नाङको खुर हि्म्पातेङ काङ्को कोखेता हवा | सङखा मापा,कालाउ खान्धुरिपा |'' 28 थोमादोङ वासेहेङ दोअ्हि,''काङको प्रभु कालाउ काङ्को परमेस्वर !'' 29 येसु:दोङ उङ्कोहेङ दोअ्हि,''नादोङ कासेहेङ तिङका नातिका हुसो खान्धुरि पातेङ हिना ? धन्यदोङ नेलाइ,ज्यादोङ कासेहेङ तिङ्का मान्थु,कालाउबुङ खान्धुरिपाखे |'' 30 येसु:दोङ अरु हेन्साङ चिन्ह गेलाइ चात्येगेलाइको अगमबानि तिङपाहि,जेदोङ चाहि एहेङ किताबता लेखिका मान्थु 31 कालाउ येदेइ लेखिकाहि हाइ नेलाइदोङ येसु:परमेस्वरको चान ख्रिस्तहेङ हिकाहि | दोतेङ खान्धु रिपासु, कालाउ खान्धुरिसो वाको मिङ्ता नेलाइहेङ जिबन प्राप्त ज्याको |