लुका 1

Luke

लुका

आनौ थियोफिलस,हाइपालिदोनु हेन्जा द्याङ्गेलाइ केलाइको माझाता जेङ्का घातानागेलाइको बिसयता इतिहास लेखिले बिचार पाकाहि | 2 इम्बालाइ ओदोङ काथागेलाइदोङ लेखिका हि,जेदोङ काथागेलाइ लाम्फासोङ केलाइहेङ इङ्को द्याङ्गेलाइसो ज्याइ साक्सिगेलाइ कालाउ परमेस्वरको सान्देस(बचन) सेवकगेलाइ दोअ्काताङ लोका हि | 3 हे माहासय ! का ताइमिङ लाम्फासोङ्दोङ सतरकसो गोताङ काथागेलाइको बिसोयोता धिरका हिघा | ओदोङ भाअ्सिङ,का सोचिघा का बुङ नेलाइको भाअ्सिङ सारिपासोङ इदोइ काथागेलाइ लेखिलि गोयाङ | ओदोङ,भाअ्सिङ का इदोइ काथागेलाइ एलोङ किताबता लेखिका हिघा | 4 नेलाइहेङ बुझिपालिको भाअ्सिङ जेदोङ नेलाइ धिरका हिसुना ओदोङ काथागेलाइ दोङ सत्ये हि,दोअ्लि का इदोइ काथागेलाइ लेखिका हिघा | 5 यहुदाता हेरोदको सासन कालमा जकरिया मिङ हिका एमि धामि हिघाहि | जकरिया अब्दियाको धामिको समुह्ता हिघाहि | जकरियाको बे हारुन बंङ्सको हिघाहि | वाको मिङ एलिसिबा: हिघाहि | 6 उधिन्हेमि जकरिया कालाउ एलिसिबा: परमेस्वरको आगाता रेम्का द्याङ हिघाहि | इता थेकापा हि कि परमप्रभुको गोताङ आग्या कालाउ नियमगेलाइको समबन्धता इम्बालाइको निस्कलक हिघाहि | 7 कालाउबुङ जकरिया कालाउ एलिसिबाको हिदोइबुङ चानचामेन्दि मान्थुघाखे | एलिसिबा गान्धी तेलि मादोहि हाइपालिदोनु उधिन्हेमि वाराङ बेराङ जेङ्लि दोअ्का हिघाहि | 8 जेलाउ वाको समुहहेङ सेवा पालि गोइका हिघाहि, जकरिया परमेस्वर आगा द्याङ्गेलाइको सेवा धामि जेङ्तेपाहि| हाइपालिदोनु वा परमेस्वरको आगता ताइको समुहको पालाता धामिको काम पाघाखे |'' 9 धामिगेलाइ हेलालाउबुङ एमि धामिहेङ धुमाना पिलि गोइघाखे | जकरिया इस्काङ काम पालि साल्का हिघाखे | ओदोङ भाअ्सिङ वा परमप्रभुको थानता (मन्दिरता) धुमाना जोलाइलि गोइघाखे | 10 इन्ता झाराङ द्याङ्गेलाइ मारपाङ गुल्सुमुल्सु,पा एलोङ मन जेङ्तेङ दोम्चाकाइ घाखे (प्राथना) | 11 कालाउ धुमाना जोल्तेङ हिका दाम्पाहा परमप्रभुको एलोङ स्वर्गदुत जकरियाको आगाता जातेङ हिघाखे | 12 जेलाउ वा स्वर्गदुत तिङ्हि,जकरिया आवाइतुही(भ्रम्मा परिहि) कालाउ थितेङ तेउराइहि |'' 13 इङको स्वर्गदुत जकरियाहेङ दोअ्हि,''जकरिया माथि, हुता| नाङ्को दोम्चाका परमेस्वर हिङ्पिका हि | नाङ्को बे, एलिसिबा एलोङ चानको जोलोम प्यावा | वाको मिङ ना यु:हान्ना: ताअ्पि | 14 वा नेलाइता आनन्द कालाउ खुसियालि चुमावा | वाको जोलोमहोइ जेन्जाङ-हेन्जाङ द्याङ्गेलाइता सु:ख चुमावा | 15 परमप्रभुको आगाता यु:हान्ना वा एलोङ माहान द्याङ जेनावा | वा गोराचि कालाउ चुर,पाने हेलाउबुङ माआमावा | वाको जोलोमसोङ वा पबितरो कालाउ आत्माहोइ पोङ्घाका जेनावा | 16 वादोङ इस्तु यहुदिगेलाइहेङ परमप्रभुको भारि धुरिपातेङ चुमावा वादोङ एलोङ दामा जेनावा | 17 वा ताइमिङ आगा-आगा स्वर्गदुत भाइपाङ परमप्रभुकोता हानावा | एलिया भाइपाङ वाबुङ सरबुङ्साइका जेन्तेङ हानावा | एलियाता हिका भाइपा आत्मा वाकोता ह्यावा,आबा गेलाइ कालाउ चान चामिन्दि गेलाको माझाता वादोङ सान्ति बानाइतेङ ताअ्पियावा | ओबालाइ ज्याइ परमेस्वरको आग्या पालन मापावा इन्सिकागेलाइहेङ धार्मिक द्याङगेलाइ भाइपा फोमपाका बानायावा | परमप्रभुको आगमनको भाअ्सिङ द्याङगेलाइहेङ वादोङ तियार पावा |'' 18 जकरिया स्वर्गदुतहेङ दोअ्हि''इदोइ काथा जातिङ्को हि दोअ्तेङ का हेसा निश्चित पालि ? का एलोङ बुराका वाराङ द्याङ, कालाउ काङ्को बे, बुङ बुरिकादोङ हि | 19 स्वर्गदुत जोबाफ पिहि,''का गाब्रिएल,का परमेस्वरको आगाता जातेङ ह्याङ्का | परमेस्वरदोङ कासिहेङ नाङ्को दोफा काथापालि कालाउ इदोइ लेङ्चाका(खुसिको) ये:बानाल पिलि दिङ्गिल्हि | 20 एला हिङ! इदोइ काथा पुरा माजेङपा थेकापा ना लाता जेनाना कालाउ नुइ धुइलि माद्वाना ? हाइपालिदोनु काङ्को दोअ्का काथागेलाइ इङ्को बेला सत्ये जेनावा ना खान्धुरि पाका मान्थुन्हा | 21 बाहारसो,द्याङ्गेलाइ जकरियाहेङ र्-हुम्तेङ हिघाहि | थान्ता हेन्जा बेलोम्पा थेकापा योमतेङ हिका तिङ्तेङ इम्बालाइ भाङ-भाङ्तेङ हिघाहि | 22 कालाउ न्हुसो जकरिया बाहार उल्लिहि,वा नुइ धुइलि मादोका हिघाहि | वा द्याङ गेलाइको आगाता तिङ्चालि खिनिङ दोअ्हि | कालाउ इम्बालाइ थाहा गिहि वा परमेइस्वरको थान -लिता दर्सन निङ्का | वा इम्बालाइ हेङ इसारा खिनिङ पिहि,कालाउ लाटा भाइपाङ योमतेङ हि | 23 जेलाउ जकरियाको सेवाको दिना पुरा जेङ्हि,काला वा ताइको सा भारि हानिहि | 24 एअ्घुरिङता जकरियाको बे एलिसिबा गान्धी तेहि | एलिसिबा दोअ्हि, ना माहिना थेकापा वा ससो बाहार माउलि,इलिसिबा दोअ्हि | 25 'खाङ्सु,कासिहेङ परमप्रभु दोअ्का हि !नाङ्को एलोङ चानको जोलोम जेनेवा दोअ्तेङ निसित पाहि | परमप्रभु कासिहेङ हेथे दायाहि कि हेला ते द्याङ्गेलाइको आगासो कासिहेङ लेदेरकासो लाअ्पाहि | 26 तु माहिनाता परमेस्वर गाब्रिएल स्वर्गदुतहेङ गालिलको नासरत मिङ को सहरता दिङ्गिल्हि | 27 वा एलोङ बेजानकोता दिङ्गिल्हि ज्याइको मगनि दाउदको बंङ्स योसेफ दोअ्का एलोङ द्याङ हिघाहि | उङ्को बेजानको मि मरियम हिघाहि | 28 स्वर्गदुत वाकोता हानितेङ दोअ्हि,नासिहेङ ''सुभकामना हि | परमप्रभु नादोफाङ हि | ना वाको हेन्जाङ प्रियो हिना | 29 उङ्को स्वर्गदुत दोअ्का काथाता मरियम मारफाङ आवाइहि | वा भाङ-भाङ्हि,कालाउ दोअ्हि,इदोइ अभिबादनको मोने हाइ ?'' 30 उङ्को स्वर्गदुत दोअ्हि,''थिलि मागोयाङ मरियम,हाइपालिदोनु परमेस्वर ना दोफा मारफाङ लेङ्चाका हि ! 31 हिङ !ना गान्धी तेताना कालाउ ना एलोङ चान जेनाना,कालाउ वाको मिङ ना येसु:ता:पि | 32 वा माहान जेनावा कालाउ सर्बोच्च परमेस्वरको चान जेनावा | परमप्रभु परमेस्वर वासिहेङ वाको आजाइ-आजुको दाउदको सिहासन प्यावा | 33 वा याकुबको बङ्स हुता हेलालाउबुङ सासन पावा | येसु:को सारभि हेलाउबुङ मावोताताङ |'' 34 मरियम उङको स्वर्गदुत हेङ दोअ्हि,''का बिहुपाका मान्थुघा,या हेसा जेनावा ?'' 35 उङको स्वर्गदुत मरियमहेङ दोअ्हि,पबित् र आत्मा नादोफा ल्वाङ कालाउ सर्बसक्तिमान परमेस्वरको सरभङहोइ चान ह्याना | ओदोङ भाअ्सिङ ज्याइ जेनावा वा पबित् रआत्मासो कालाउ वा परमेस्वरको चान ज्यावा | 36 इदोइ बिसयता ध्यान पि:नाङ्को ताइको एलिसिबाबुङ चानहिका वाको आबास्था बेराङ कालाउ बाइलि जेङ्काबुङ एला वाते तु माहिनाको गान्दि तेहोइ | 37 हाइपालिदोनु परमेस्वर हिसिकाबुङ काम पालि द्वाना |'' 38 मरियम दोअ्हि,''का परमप्रभुको,''बान्धाइति,''ना दोअ्का भाइकाङ नाङ्को जिबनता जेनाको''कालाउ न्हुसो स्वर्गदुत वाको सो हानिहि | 39 एन्सालाउदोङ मरियम तियार जेङ्तेङ कालाउ यहुदिया डेराको रा(लाख) भारिको सहरता हातार पाकाताङ हानिहि | 40 वा जकरियाको साता हानिहि कालाउ एलिसिबाहेङ सुभकामना पिहि | 41 जेलाउ एलिसिबा मरियमको सुभकामना हिङ्हि,एन्सालाउ वा हासुको जामाल टोङ्हि | कालाउ एलिसिबा पबितरो कालाउ आत्मासो पुर्न जेङ्हि | 42 एलिसिबा बल लगाइतेङ र्-हिकाइहि कालाउ दोअ्हि,''भेनेङ बेबाल गेलाइ खान्तेङ परमेस्वर नासिहेङ हेन्जा आसिरबाद पिहि | कालाउ हामु लिता हिका जामाल बुङ इन्सिकाङ अनुग्रहितदोङ हि | 43 इसिका हेसा जेङ्लि दो्हि कि त काङ्को प्रभुको आमाइ काङ्कोता लोहि | 44 जेलाउ का नाङ्को सुभकामना हिङ्घा,काङ्को हामुलिताको जामाल हर्स जेङ्तेङ टोङ्हि | 45 नासिहेङ आसिरबाद हि हाइपालि दोनु परमप्रभु नासिहेङ दोअ्का काथा पुरा जेनावा दोतेङ नासिहेङ खान्धुरि हिघाहि |'' 46 कालाउ न्हुसो मरियम दोअ्हि: 47 काङको आत्मा परमप्रभुको बाखानाइ पाखे;कालाउ काङ्को हृदय परमेस्वर ता आनन्द जेङ्खे ज्याइ काङ्को मुक्तिदाता हि | 48 हाइपालिदोनु वा ताइको दु:खित बान्धाइति हुता कृपा पाहि,एला कासिहेङ झाराङ द्याङ्गेलाइ कासिहेङ धन्यको दोअ्तावा, 49 हाइपालिदोनु सरबुङसाइका परमेस्वर काङ्को भाअ्सिङ माहान कामगेलाइ पापिका हि,वाको मिङ पबित्तरो हि | 50 ज्याइ परमेस्वरहेङ थिखे वाको कृपा पुस्तासो पुस्ताङ थेकापा ह्यावा | 51 वाको ताइको खुरको बलपाहा सरबुङ तिङ्पाका हि | वा मारेम्का घमन्डि गेलाइहेङ कालाउ इम्बालाइको धनगेलाइको घमण्डता मोपा प्यावा | 52 वा सरबुङ साइका सासकगेलाइहेङ सिहासनसो लाअ्पाका हि,कालाउ नम्रगेलाइहेङ तोल्हिकाहि | 53 वा म्हुतुकालाइहेङ रेम्का आनेमाने गेलाइ पितेङ आधाइपाका हि | कालाउ स्वार्थि कालाउ धनिगेलाइहेङ खालिखुर दिङ्गिल्का हि | 54 वा ताइको बान्धाइति इस्राएलगेलाइ हेङ साहायाता पालि लोका हि,वा केलाइहेङ दाया पिकाहि | 55 वा आब्राहाम कालाउ वाको सान्तानगेलाइहेङ दाया पालि केलाइको पुर्खागेलाइहेङ पिका वचन भाइकाङ फोमपाका हि | 56 मरियम एलिसिबा दोफा सुम महिना थेकापा हि,कालाउ ताइको सा भारि घुरिहि | 57 एलिसिबाको तु-निन्चाको पहर जेङ्हि कालाउ एलिसिबा एलोङ चानको जोलोम पिहि | 58 वाको देरागेलाइ कालाउ ताइको द्याङ्गेलाइ वासिहेङ परमप्रभु परमेस्वर मारफाङ अनुग्रह तिङ्पाका हिङ्का हिघाहि | ओबालाइ मरियम दोफा लेङ्चाहि | 59 जामालको येए -दिनाको जेङ्तेङ ओबालाइ वाको खतना पालि लोहि |ओबालाइ वाको मिङ जकरिया ताअ्लि खाङ्घाखे हाइपालिदोनु उङ्को वाकोङ आबाको मिङ हिघाहि | 60 कालाउ वाको आमाइ दोअ्हि,''माको,जामालको मिङ यु:हान्ना तापिलि गोयाङ |'' 61 द्याङ्गेलाइ एलिसिबा हेङ दोअ्हि,''कालाउ नेलाइको जाहानता इसिका मिङ हिका हासुबुङ मान्थु |'' 62 कालाउ न्हुसो इम्बालाइ जामालको आबाहेङ सोङ्केत पाहि,ना जामालको मिङ हाइ ताताना दोअ्तेङ मन पाखेना |'' 63 जकरिया हाइबुङ लेखेलि पाति र्-हि | कालाउ इम्बालाइ भाङ-भाङ्हि | 64 ओधोङ्घुरि जकरिया नुइ, धुइलि दोअ्हि,कालाउ परमेस्वरको बाखानाइ पालि तेङ्हि | 65 कालाउ वाको गोताङ देरागेलाइ थिहि | यहुदाको रा, थामेभारिको द्याङ्गेलाइ उङ्को बिसयता काथा पालि तेङ्हि | 66 इदोइ काथा हिङ्का झाराङ इदोइ जामाल न्हुसो हिसिका जेनाङ वाला दोतेङ ताइ-ताइको मन ता ताअ्हि | हाइपालिदोनु परमप्रभुको खुर इङ्को जामाल हुता हि | 67 कालाउ न्हुसो यु:हान्नाको आबा जकरियाकोता पबित्तरो आत्मा लोहि | कालाउ इसिका वा अगमबानि पिलि तेङ्हि: 68 'इस्राएलको परमप्रभु परमेस्वरको बाखानाइ पासु हाइपालिपानु वा ताइको द्याङ्गेलाइहेङ साघाइहि,कालाउ द्याङ्गेलाइहेङ उदारपातेङ बान्चिपाहि |'' 69 वादोङ केलाइको भाअ्सिङ ताइको दाउदको हारागुतिया ता एलोङ सारबुङ्साइका मुक्ति दाता जाअ्पापिका हि | 70 वा दोअ्का हिघाहि,कि वादोङ इदोइ गोताङ पाङ | हेन्जाङ लाम्फा वाको पबित्तरो अगमबक्तागेलाइ पाहा वा इदोइ गोताङ काथा गेलाइ दोअ्हि | 71 वा केलाइहेङ सतुरुगेलाइ सो कालाउ मन्दामाताका सरबुङ्सो बान्चिपाका हि | 72 वा केलाइको आजु-आजाइगेलाइहेङ दाया पाङ्का दोअ्का हि पबित्तरो करार बुङ फोम्पाका हि | 73 वा केलाइको आजु (पुर्खा)आब्राहामको आगाता केरा चाका हि: 74 वा केलाइहेङ केलाइको सतुरगेलाइको खुरसो लाअ्पाहि काङ्का दोअ्तेङ केरा चाकाहि | केलाइहेङ सुकापाङ वाको सेवा ता ता-तावा | 75 जेलाउ थेकापा केलाइ सिन्हुतेङ ह्याङ केलाइ पबित्तरो कालाउ परमेस्वरको आगाता ठिक दामाता ह्याङ | 76 'ओइ जामाल,ना माहामहिमाको अगमबक्ता जेनाना | वाको लोका दामा तियार पालि ना लाम्फा परमेस्वरको आगाता हानाना | 77 ना वाको द्याङ्गेलाइहेङ इम्बालाइको पापगेलाइसो स्यामा निङ्तेङ हेसा बान्चिलि दोअ्तेङ धिरपाना, 78 'परमेस्वरको प्रेमपुर्न करुना निङ्तेङ केलाइको भाअ्सिङ स्वर्गसो एलोङ नावा फाइसालामका दिना चिल्कातावा |'' 79 वा दाकिल्किल्काता हिकालाइहेङ सि:काको थिकाता परेकालाइहेङ साघाइयाङ |वा दोङ केलाइहेङ सान्तिको दामा भारि तेअ्पाङ |'' 80 एसाङ्दोङ उङ्को म्हुइका जामाल बाराकाताङ हानिहि कालाउ आत्माता सान्तिता हानिकाताङ पाहि | जेलाउ थेकापा इस्राएलता द्याङ्गेलाइ धिरपालि माअ्लो हि,ओदोङ बेला थेकापा यु:हान्ना:द्याङ्गेलाइसो दुरे हितेङ दोङ हि |'