रोमियों 8

ओदोङ भाअ्सि, जेलाउ जाइ-जाइ ख्रिस्ट येसु:को दोफा हि, ओबाहेङ डन्दको आग्या मान्थु | 2 पाप काकाउ सिकाको व्यवस्थासो कासेहेङ जीवनको आत्माको व्यवस्थाहोइ ख्रिस्त येसु:ता मुक्त पातेङ लाअ्पाहि | 3 पाप स्वावभ हुइका (कमजोरी) पानाङ ब्यावस्था जेदोङ पालि मादोहि परमेस्वर पाहि |वा ताइको चान्हेङ पापमय जिउताको स्वरूपता पाप भोख भाइपाङ दिङ्गील्ही | एसापा वा पापपुर्न जिउतादोङ दण्ड पिहि | 4 इदोइ हितुहोइ कि,परमेस्वर ब्यावास्था उचित आवस्यकता केलाइता परिपुर्न ज्याको, केलाइ जाइ पाप स्वभाव आन्सार माको , भरू पबित्तरो आत्मा भाइपा ह्याङ | 5 पापपुर्न स्वभाब आन्सार चलिकालाइ जिउका काथागेलाइता मन लागाइखे, | कालाउ आत्मा आन्सार ज्याइकागेलाइ आत्माको इच्सा मन लागाइखे | 6 हाइपालि दोनु पाप स्वभावता मन लागाइलि चाहि सिकादोङ , पबित्तरो आत्माता मन लागाइ चाहि जिवन कालाउ सान्तिदोङ | 7 हाइपालिपानु इदोइ सत्ते हि ? पापमय जिउभारि हानिका मन चाहि परमेस्वर दोफाको स्तुरदोङ | परमेस्वरको व्यवस्थाको खाबाराता इङ्को माजेङ्खे ,नाते इङ्को हेलाउ जेङ्लिदोङ द्वाङ | 8 इदोइ द्याङ्गेलाइ पापपुर्न स्वभावको खाबाराता हिनु परमेस्वरहेङ हिदिकालबुङ खु:सि पालि मादाङ | 9 एदि साचिकोङ नेलाइ दोफा परमेस्वारको आत्मा नेलाइकोता हिखे पानु ,नेलाइ ताइको पापपुर्न द्याङ्ता ख्रिस्तको आत्मा मान्ठुहि पानु वा वाको सिलाउबुङ माको | 10 एदि ख्रिस्त नेलाइकोता हिपानु, पापको कारन नेलाइको जिउ सि:का हिलाउबुङ नेलाइको आत्मा धार्मिकता कारन ज्याइका हि | 11 एदि येसु: हेङ परमेस्वार सि:कासो सिन्हुपाका नेलाइ दोफाङ वाको आत्मासो बास पानु वा नेलाइको जिउता ख्रिस्त येसु:हेङ सि:कासो सिन्हुपाका दोङ नेलाइता हिका वाको आत्मासो नेलाइको सिलितोम्का जिउहेङ बुङ जिबनादान प्याङ | 12 ओदोङ भाअ्सिङ काङ्को दादा-ओने, बाइ-ओनागेलाइ, केलाइ ताइको पापपुर्न स्वभाव आन्सार ज्याइलि केलाइ पापापुर्न स्वभाव प्रति मान्थु | 13 एदि नेलाइ ताइको पापपुर्न स्वभाबको इच्सासो पिताइनु नेलाइ आत्मिक रुपसो स्याना | कालाउ एदि नेलाइको मारेम्का काम पालि ताइमिङ्हेङ रोकिलि आत्माको सरबुङ प्रयोग पासुना पानु नेलाइ जिवन निङस्वाना | 14 हाइपालिपानु गोताङ जेदोङ परमेस्वरको साचिकोङ चान चाम्दिगेलाइ दोफा इदोइदोङ जाइ परमेस्वारको आत्मा पाहासो तेअ्का हिखे | 15 हाइपालिपानु आरुङ थिलि गोइका बान्धाइतिको आत्माता नेलाइ निङ्का मान्थुसुना, | केलाइ परमेस्वारको चान चाम्दि जेङ्लि आत्मा निङ्का हिनाहि, कालाउ ओदोङ भाअ्सिङ आत्मासोङ केलाइ दोनाखे, “ आब्बा, ताइआबा |” 16 इङ्को चाहि केलाइ परमेस्वरको सान्तानदोङ दोअ्तेङ पबितरो आत्मा केलाइको आत्मा दोफा गवाहि पिकाहि | 17 या केलाइ परमेस्वारको सान्ताननु ते उतराधिकारिबुङ, परमेस्वरको उतराधिकार कालाउ ख्रिस्त दोफा साझा-उत्तराधिकारि | कालाउ केलाइ ख्रिस्ट भाइपा दु:ख पिडागेलाइ निन्चालि गोइखे इन्तासो खिनिङ केलाइबुङ ख्रिस्टदोफाङ महिमा इज्यत निनाङ | 18 का बिचार पाखा एला केलाइ कास्टता हिनाखे कालाउ जेदोङ कस्ट एला केलाइकोता हि, भाबिस्यता केलाइ पिका महिमा तुलाना पालि योग्यो मान्थु | 19 परमेस्वार सिरजाइका आनेमाने परमेस्वरको चानगेलाइ देखाल जेङ्लि गोइका काथाको प्रतिकस्या पाखे | 20 सिरजाइका गोताङ आनेमाने परमेस्वारको वर्थको खाबारा ताअ्हि वाको ताङ्कोङ इच्साहोइ माको, कालाउ परमेस्वारको इच्सा आन्सार इस्काङ जेङ्हि | ओदोङ भाअ्सिङ इता इस्सिका आसा हिघाहि: 21 परमेस्वारको सिरजाइ पाका इङ्कोको ताइकोङ नासको बन्धन जेङ्कासो मुक्ति बानाइका हि, कालाइ वाबुङ परमेस्वारको सान्तानको महिमित स्वातन्तरता निङ्स्वाना | 22 केलाइ गिनाखे , सारा सिरजाइका एलाथेकापा चानजेङ्लि तोम्लाउ बेबाल भाइपा तुनिचानाङ भाइपा पातेङ हि | 23 इदोङ सिरजाइका खिनिङ माको, केलाइ बुङ लिता दु:खा फुतेङ ह्रुमतेङ हिनाखे केलाइ दोफा परमेस्वारको प्रतिग्या लाङ आसा भाइका आत्मा हि | ओदोङ भाअ्सि केलाइहेङ वाको ताइको चान हेलाउ बानायाङ दोअ्तेङ उत्सुकतापुर्बक ह्रुमतेङ हिनाहि | काङ्को दोका माने, केलाइहेङ वाको केलाइको जिउसो हेलाउ मुक्ति प्याङ दोतेङ ह्रुमतेङ हिनाखे | 24 केलाइ इदोइ आसाता मुक्ति निङ्का हिनाहि, एला तिङ्का चाहि आसा इङ्को आसादोङ माको, हाइपानु तिङ्का काथाको आसा हासु आसा पावारो? 25 कालाउ एदि केलाइ मातिङ्का काथाको आसा पानाखे पानु ते , केलाइ बार्का आसासो ह्रुमते् हिनाखे | | 26 आत्मासोङ केलाइदोफा पबित्तरो आत्माबुङ केलाइको हुइकाता साघाइपिखे | कालाउ हेसा दोचाकाइलि गोइखे केलाइ हाइदोङ मागिनाखे | कालाउ आत्मासो गम्भिर परमेस्वार दोफा केलाइको भाअ्सिङ पबित्तरो आत्मा मधेसता पादोङ्खे | जेदोङ सब्दगेलाइता बरनन पालि मादोका | 27 द्याङ्गेलाइको ह्रदय भोका पबित्तरो आत्माको बिचार हाइ हि इङ्को गिका परमेस्वारको इच्सा आन्सार ताइको प्रेरितगेलाइको भासिङ मध्येस्ता हि | 28 केलाइ गिनाखे कि,वासेहे प्रेम पाकालाइ वाको भाइपाङ पालि काइकालाइको भाअ्सिङ गोताङ काथाता परमेस्वार भोलाइदोङ पाखे | 29 इदोइ सुमिङ बानाइलि खाङ्तेङ लाम्फा परमेस्वार द्याङ्गेलाइहेङ चुनिका पाका हिघाहि हिघाखे | कालाउ परमेस्वार ताइ चान भाइपा जाइ दोका निर्नय पाहि | ओदोङ भाअ्सि् येसु:हिन्जाङ दादा- ओने, बाइ-ओनेगेलाइ खानतेङ लाम्फादो जेठा बानाइलि साल्हि | 30 जाइ -जाइहेङ वा लाम्फासोङ चुनिका हि, इम्बालाइहेङ वा काइहिबुङ, इम्बालाइहेङ धर्मि थोहराइ हि,कालाउ जाइ-जाइहेङ वा काइहि,जाइ-जाइहेङ परमेस्वार इदोइ द्याङ्गेलाइहेङ ताइकोचान भाइपा महिमित बानाइहि | 31 ओदोङ भाअ्सिङ या बिसयता केलाइ हाइ दोअ्लि ? एदि परमेस्वर केलाइको भाअ्सिङ हिहि पानु केलाइको हासु केलाहेङ हाइ पालि द्वा  ? 32 जाइ ताइकोङ कोल्हेको चानहेङ बाकि माअ्ताहि, कालाउ केलाइ झाराङ्को भाअ्सिङ परमेस्वार वासेहेङ पिहि, हाइ वा केलाइको भाअ्सिङ गोताङ आमेने वाको खुरता माप्याङ रो ? 33 परमेस्वरको छाल्कालाइको बिरोधता हासु दोसुलि लागायावा रो ? धर्मि ठहराइका परमेस्वर दोङ हि पानु, 34 दण्डको आग्या पिका चाहि हासु ? सि:काते येसु:ख्रिस्त दोङ हि,जाइ सि:कालाइसो सिनुपाहि,कालाउ परमेस्वरको दामपाहा खुरता हिकाहि,कालाउ केलाइको भाअ्सिङ मध्यस्त हि | 35 हासु केलाइहेङ ख्रिस्तको प्रेम हेङ खेनावा ? हाइ सङ्कस्ट होइ,दुःख होइ,हाइ दिङ्गिल्का होइ,हाइ आनिकाल होइ,हाइ नाङ्गाइ होइ,हाइ खातारा होइ,ना तरबार होइ ? 36 धर्म सास्तर्ता इसिका लेखिका हि,नाङ्को भाअ्सिङ केलाइ लिपाङ सिनाखे,पालि चुम्पुका भेडामेसा भाइकाङ गान्धि नाका हिनाहि | 37 माको, इदोइ गोताङ काथाता केलाइहेङ प्रेमपाकासो केलाइ जितिकालाइ खान्तेङ बुङ झन हेन्जा हिनाहि | 38 हाइपालिपानु का या पक्का गिखा,कि सि:का कालाउ याते जिबन होइ,स्वर्गदुतगेलाइ माकुनु प्रधानता गेलाइ,बर्तमानको काथागेलाइहोइ, न्हुसो जेङ्का काथागेलाइहोइ,सरबुङ गेलाइहोइ, 39 झाउका होइ वा वाङ्खाराका,वा सारा सिरजाइका ताहिका हिदोइबुङ काथा होइ ख्रिस्त येसु:केलाइको प्रभु जेङ्का परमेस्वरको प्रेम सो खेङ्लि मादावा |