रोमियों 7

दाइ-ओने,बाइ-बेजान ओनेगेलाइ नेलाइ झाराङ मोसाको ब्यबस्ता बुझिखेना | ओदोङ भाअ्सिङ खाङ्खा मापासिङ,नेलाइ गिसुखेना कि ब्यबस्था हिदोइबुङ द्याङहेइ वा बान्चिपा भरि खिनिङ ताइको खाबाराता ताअ्खे | 2 का नेलाइहेङ एलोङ उदारन प्याङ्का : एमि बेबाल 'बे' ताइको के बान्चिपाभरि वाको दोफाङ हिलि गोइखे | एदि वाको के सि:हिपानु वा बिहुको भाअ्सिङ बिहु बन्धनसो मुक्त जेङ्खे | 3 एदि उङ्को ''बे'' बेबाल द्याङ ताइको के''हिलाउदोङ भेनेङ वाबालदोफा बिहुपाहे पानु उङ्को हेङ कासिबेरि दोअ्खे | एदि वाको के सिहेपानु वा बिहुको बन्धनसो मुक्त जेङ्खे कालाउ ताइको ''के'' सि:काको न्हुसो वा भेनेङ वाबालदोफा बिहुपाहे पानु,वाको कासिबेरिको दोसि माजेङ्खे | 4 इन्सिकाङ खालको,काङ्को दाइ-ओने,बाइ-बेजान ओनेगेलाइ,नेलाइ बुङ क्रिस्तको जिउपाहासो व्यवसथाको लेखि सि:लि दोअ्का हिसुना कालाउ नेलाइ बुङ ख्रिस्तको जिउको ब्यबस्थासो मुक्त जेङ्सुन्हा | एला नेलाइको हासुकोबुङ जेङ्सुन्हा | नेलाइ ख्रिस्तको द्याङ कालाउ केलाइ परमेस्वरको सेवाता हिलि द्वाङ | 5 काम्फा केलाइ केलाइको पाप पुर्न स्वभावहोइ सान्तिदोफा हिघानाहि | ब्यबस्था केलाइता पाप पुर्न कामगेलाइ पालि मन जागाइ पिहि ज्याइ केलाइको जिउहेङ वाको खाबाराता ताअ्हि | ओदोङ भाअ्सिङ केलाइ जेदोङ काम पानाहि इङ्कोहोइ केलाइको आत्मिक जिवन सिहि | 6 लाम्फा, व्यवस्था केलाइहेङ कैदि बानाइहि, केलाइको पुर्न स्वभाबगेलाइ सि:तेङ हानिहि कालाउ केलाइ ब्यबसाथासो मुक्त जेङ्नाहि | एला केलाइ परमेस्वरहेङ आत्माको नावा ढाचासो सेवा पानाखे, लेखेका पुर्न बिचारसो माको केलाइ परमेस्वर हेङ आत्मासो नावा तरिकासो पुजा पान्हाखे | 7 केलाइ हाइपालि गोइका हि ? हाइ ब्यबस्था पापको बाराबर हि ? मिधुलाउबुङ माको,व्यवस्था ते एलोङ खिनिङ इसिका दामा हि जेदोङ् सो का पाप दोअ्का हाइ गिलि दोअ्घा | एदि ब्यबस्था पाप दोअ्का हाइ वाला दोअ्का मादोपिकानु का हेलाउबुङ गिलि मादोधाङ्का | कालाउ ब्यबस्था दोअ्हि,''आरुदोफा हिका आमेनेगेलाइ लोभ ना पालि माएल |'' 8 कालाउ पाप आग्याता मौका निङ्तेङ काङ्कोता गोताङ किसिमको लोभ उब्जाइपाहि| व्यवस्था माकोसिङ ते पाप सि:का धेङ्ग्रा जेसाङ जेनाङ | 9 व्यवस्था माकोसिङ हिलाउ एखेप का बान्चिका हिघाखा, कालाउ आग्या निङ्तेङ पाप जागितेङ ल्होहि, कालाउ का चाहि सि:घा | 10 ए समय जिवनको प्रतिग्या पिका ओदोङ आग्या काङ्को भाअ्सीङ सि:का चुमाहि | 11 ओदोङ भाअ्सिङ पापको आग्यापाहासो मौका निङ्ते कासेहेङ धाताइ हि, ओदोङ पाहासो कासेहेङ से:हि | 12 ओदोङ भाअ्सिङ ब्यबस्था पबित्त्तरो हि,कालाउ आग्या पबित्तरो हि, न्याय निसाप कालाउ असल हि | 13 कालाउ हाइ असल हि, काङ्को भाअ्सिङ सि:का चुमाका काथा रेम्का दोअ्का हां ? मिधुलाउबुङ माको ! कालाउ पाप चाहि पापको रुपता तिनाको दोअ्तेङ इङ्को रेम्का दोअ्का काथा पातेङ काङ्कोता सि:का उब्जाइपाहि | कालाउ कि, आग्यासो पाप गोताङ रुपसो पापमय जेनाको | 14 केलाइ गिनाखे कि ब्यबस्था आत्मिक हि, कालाउ का चाहि आत्मिक मान्थुघा | पाप का हुता सासन पाखे,एलोङ काथा द्वाइने का इङ्को पिन्हाका बान्धाइति हिघा | 15 का हाइ पाखा इङ्को मागिखा, का जेदोङ भोखा, इङ्को मापाखा | कालाउ ओदोङ पातेङ हिघा, जेदोङ का मन्डा माताखा | 16 एदि का मागोइका काम पाखा पानु, का ब्यवस्था रेमका हि दोअ्तेङ मानियाङका | 17 ओदोङ भाअ्सिङ इङ्को पाका का माको , कालाउ जाइ का दोफा हिका पाप हि | 18 एइ, कासेहेङ थाहा हि, कि का दोफा, काङ्को पाप स्वभावत आसा असल काथा माहिखे, जेदोङ रेम्काहि, इङ्को पालि इच्सा का दोफा हि, काकाउ इङ्को का पालि हुति मान्थु | 19 हाइपालिपानु जेदोङ रेम्का काम पालि का, खाङ्खा इङ्को का मापाखा, कालाउ मारेम्का दुष्ट काम, जेदोङ का पालि खाङ्खा , ओदोङ का पालि खाङ्खा | 20 एदि ताइमिङ चाहेका काथा का पाहे पानु इङ्को काथागेलाइ पाका का माको | कालाउ का लिता हिका पाप दोङ इङ्को गोताङ पाखे | 21 ओदोङ् भाअ्सिङ का ताइमिताङ एलोङ बिधान निङ्घा: जेलाउ का भोलो पालि खाङ्खा,कालाउ दुस्तहेङ काङ्को भेरपाङ जा्का हिखे | 22 का लिता रुपता परमेस्वरको ब्यस्थादोफा लेङ्चाका हिघा | 23 कालाउ का चाहि काङ्को जिवनता भेनेङ व्यवस्था काम पातेङ हिका निङ्खा इङ्को बिधान का लिता को बिधानदोफा चेरसुतेङ हि | इङ्को भेनेङ बिधान पापको बिधान हि. कालाउ इङ्को कासेहेङ कैदि बानाइखे | 24 हाय ,का हेथे दु:खि द्याङ हिघा ! इडोइ सि:काको जिउसो चुमाका इन्सिकासो कासेहेङ हासु लाअ्पावा ? 25 परमेस्वर कासिहेङ बान्चिपावा ! का वासिहेङ केलाइको प्रभु येसु: ख्रिस्त पाहासो धन्यबाद चढाइखे ! ओदोङ भाअ्सिङ एला का मानसिक रूपता परमेस्वरको ब्यबस्था को बान्धाइति | कालाउ काङ्को पापपुर्न स्भावता का पापको बिधान का बान्धाइति |