रोमियों 6

एला केलाइ हाइ दोअ्लि ? परमेस्वरको हेन्जा खान्तेङ हेन्जा अनुग्रह निङ्लि केलाइ झन हेन्जा पाप पातेङ हिलि गोइका ? 2 एन्सा माको ! केलाइ केलाइको पापको लेखि सिनाहोइ ! ओदोङ भाअ्सिङ केलाइ हेसा लगातार पापता योमतेङ हिलि ? 3 हाइ नेलाइ निल्सुना,जेलाउ केलाइ बप्तिस्ता र्हुन्हाहि एन्सालाउ सोङ केलाइ येसु: ख्रिस्तता एलोङ भाग जेङ्नाहि ? केलाइ बप्तिस्ता र्हुन्हाहि,केलाइ वाको सि:काता भागिदार जेङ्नाहि | 4 ओदोङ भाअ्सिङ जेलाउ केलाइ बप्तिस्ता र्हुन्हाहि,केलाइ ख्रिस्त दोफाङ लिन्हाहि कालाउ वाको सिकाता भागिदार जेङ्नाहि | केलाइ ख्रिस्तदोफाङ लिन्हाहि ताकि केलाइ जेसाङ आबाको महिमा निनाको कालाउ नावा जिवनता बान्चिलि द्वाको | इसिकाङ खाल्को आबाको आचाम्माको भार्भुसाइका सरभुङ होइ सि:कासो सिन्हुहि | 5 एदि वाको सि:काता केलाइ वाकोदोफा एलोङ्दोङ जेङ्का हिनाहि पानि,वाको सिन्चालाताबुङ निसितदोङ केलाइवाको दोफा 'ए' जेनाङ | 6 केलाइ गिनाखे केलाइको पुरना जिवन ख्रिस्तदोफा क्रुसता सिहि , या इन्सिकाङ जेङ्हि जेथा कि केलाइको पापपुर्न स्वाभाब मानासाको कालाउ एला उसो केलाइ ताइमिङ पापको बान्धाइति माजेनाइने | 7 जाइ सि:खे वा पापको बन्धनसो मुक्त जेङ्का हि | 8 एदि केलाइ येसु:ख्रिस्त दोफाङ सि;का हिनाहि पानु, केलाइ गिनाखे ,कि केलाइबुङ वाको दोफाङ बानच्याङ | 9 येसु: ख्रिस्त सि:कासो जागगिहि,कालाउ केलाइ गिनाखे कि वा आरुङ हेलाउबुङ मासियाङ, वाको हुसो सि:काको हिदोइबुङ सार्भि मान्थु | 10 एइ,जेलाउ ख्रिस्त सि:हि,वा पापको सरबुङ्हेङ जितिलि एखेताङ सि:हि | एला वाको दोफा नावा जिवन हि, कालाउ इङ्को नावा जिवन परमेस्वर दोफा हि | 11 इन्सिकाङ खालको नेलाइ बुङ पापको कारनसो ता-ताइमिता सि:का समझेसु | कालाउ ख्रिस्त येसु:ता परमेस्वरको भाअ्सिङ सिन्हुका थानेसु | 12 ओदोङ भाअ्सिङ पापहेङ नेलाइको जिवनता हिलि मापि | नाङ्को पापमय स्वाभाबहेङ नाङ्कोता राजपालि मापि जाइ नेलाइहेङ वाको इच्सा भाइपा काम पालि लगाइखे | 13 नाङ्को जिउको अङ्गगेलाइ पाप काम कालाउ दुस्त कामगेलाइ पालि अर्पन मापासु | भरु ताइमि सि:कासो सिन्हुका जेङ्काको कारन स्वयम ताइमिहेङ धार्मिकताको आमेने भाइपा परमेस्वरता सोम्पिसु | रेमका कामको भाअ्सिङ नाङ्को जिउको अङ्ग परमेस्वरको सेवाता अर्पन पासु | 14 हाइपालिपानु पाप नेलाइ हुता राइजि मापाङ,हाइपालिपानु नेलाइ व्यवस्थाको खाबाराता मान्थुसुन्हा,कालाउ अनुग्रह्को खाबारा हिसुना | 15 केलाइ हाइपालि गोइका ? केलाइ व्यवस्थाको खाबाराता मान्थुन्हाहि कालाउ प्रभुको अनुग्रह्ता हिनाहि दोअ्तेङ पापपालि गोइका माको ! सिलाउबुङ माको |(मिधुलाउबुङ माको)| 16 साङ्खा माकोसिङ नेलाइ गिसुखेना कि जेलाउ नेलाइ ताइमिहेङ हासुकोबुङ आग्यापालंन गोइका बान्धाइति बानाइ सुखेना,कालाउ नेलाइ उङ्कोङ द्याङ्को बान्धाइति | जेदोङ द्याङ्को आग्या ना किखेना उङ्कोङ नाङ्को गुरु जेनावा | माकुनु सि:काभारि चुम्पुका पापको बान्धाइति माकुनु धार्मिकता भारि चुम्पुका आग्याकारि भारि ? 17 लाम्फा नेलाइ पापको बान्धाइति हिघासुन्हा,पापहोइ नेलाइहेङ खाबाराता ताअ्का हिघाहि | कालाउ परमेस्वरहेङ धन्यबाद हि,नेलाइ इङ्को आदेस हृदय सो पालन पासुना जेदोङ नेलाइहेङ पिहि | 18 नेलाइ पापसो मुक्त जेङ्तेङ कालाउ एला नेलाइ धार्मिकताको बान्धाइति जेङ्का हिसुना | 19 का याको बयाख्या उदारन पितेङ पादोङ्खा जेदोङ नेलाइ गिसुखेना | का इसिका उदारन पितेङ बयाख्या पादोङ्खा हाइपालिपानु नेलाइहेङ बुझिलि गारो जेनाङ | लाम्फा,नेलाइ पापको भाअ्सिङ ताइको जिउको भागगेलाइ चदाइसुना कालाउ पापकोङ बान्धाइति जेङ्सुना | इन्सिकाङ प्रकारको, नेलाइ धार्मिकताको भाअ्सिङ जिउको अङग्गेलाइ समर्पन पासु | कालाउ न्हुसो खिनिङ नेलाइ परमेस्वरको भाअ्सिङ बान्चिस्वाना | 20 लाम्फा नेलाइ पापको बान्धाइति हिघासुखेना कालाउ धार्मिकताहोइ नेलाइ हेङ नियंन्तरं मापाहि | 21 नेलाइ दुस्त कामगेलाइ पाकाताङ बान्चिसुना ,इङ्को काथागेलाइको भाअ्सिङ एला नेलाइ लेदेरसुना | हाइ इङ्को काथागेलाइ होइ नेलाइहेङ साथ पिहि ? अहा ! भरू इङ्को काथागेलाइहोइ आत्मिक सि:का चुमाहि | 22 एला नेलाइ पापसो मुक्त हिसुना, एला नेलाइ परमेस्वरको बान्धाइति हिसुन्हा |कालाउ इदोइ होइ नेलाइहेङ इसिका जिवन चुमावा जेदोङ परमेस्वरको भाअ्सिङ खिनिङ जेङ्खे | कालाउ नेलाइ इन्तासो अनन्त जिवन निङ्स्वाना | 23 जेलाउ द्याङ्गेलाइ पाप पाखे इम्बालाइ पापको ज्याला कामाइखे जेदोङ चाहि एपाइसा माकोसिङ | परमेस्वर चाहि ताइको द्याङ्गेलाइ हेङ ताका माकोसिङ उपहार पिखे जेदोङ केलाइको येसु: ख्रिस्त प्रभुता अनन्त जिवन हि |