रोमियों 2

ओदोङ भाअ्सिङ जेलाउ ना भेनाङ्हेङ दोसिका ओइ द्याङ, ना हासुलाउबुङ, हाइदोङ बाहाना मान्थु, दोअ्सुखेना,कालाउ ना मागिका सो ह्यावा | नेलाइबुङ पापको दोसिलि | ना भेनाङ द्याङगेलाइहेङ जा हाइपालि पानु जिसिकाता ना बो द्याङ्हेङ दोसिखाना, ना दोसिका बुङ इङ्को काम पाखेना | | 2 जाइ-जाइ मारेम्का कामगेलाइ पाखे ओबालाइहेङ परमेस्वर न्याय पाङ दोअ्का केलाइ गिनाखे | 3 ओंइ द्याङ ,ना इन्सिका काम पाकालाइहेङ दोसिखेना,कालउ ना बुङ इदोइ ताइमिदोङ इस्काङ मारेम्का काम पादोङ्खेना | ओदोङ भाअ्सिङ नेलाइदोङ गिसुखेना कि परमेस्वर न्याय पाङ कालाउ इन्तासो नेलाइदोङ हाइ खाअ्ताङ्का दोअ्तेङ ठानिखेना | 4 हाइ ना परमेस्वरको क्रृपा, नासेहेङ पास्ताइ थोङ्खे, दोअ्का थाहा मानिङ्तेङ ,हाइ ना वाको दाया,सहनसिलता कालाउ हुम्तेङ हिलि मादोसुखेना ? हाइ आमान्य पासुखेना ? 5 कालाउ परमेस्वरको धार्मिक इन्साप प्रकट जेङ्का परमेस्वरको क्रोडको दिना ताइको थाङ्का कालाउ मापास्ताइका हृदयहोइ ना ताइको क्रोडको जोम्पातेङ ह्याना | 6 परमेस्वर द्याङ्गेलाइको ता-ताइको कर्म आन्सार पुरस्कार अथवा दण्ड प्याङ | 7 जाइ द्याङ्गेलाइ रेम्का परमेस्वरको महिमा, इज्यत, अमर्त्व भोकालाइहेङ चाहि , वा अनन्त जीवन पिखे | 8 कालाउ झगडा,फेसुका, स्वार्थि कालाउ सत्ये पिताइलि माकिखे कालाउ दुस्त दामाता पिताइकालाइता चाहि, क्रोड कालाउ चेर परियाङ | परमेस्वर ओबालाइहेङ दण्ड कालाउ क्रोध प्याङ | 9 जेलाउ दुस्त काम पाकालाइ झारा द्याङ गेलाइ हुता सङ्कट कालाउ आपत,ल्वाङ, लाम्फा यहुदिगेलाइता कालाउ गैर-यहुदिगेलाइता | 10 कालाउ असल काम पाका झाराहेङ परमेस्वर सम्मान कालाउ सान्ति प्याङ लाम्फा यहुदिगेलाइहेङ कालाउ ओदोङ्सो गैर -यहुदिगेलाइहेङ | 11 परमेस्वर झाराङ्हेङ बाराबार न्याय पाखे | 12 जाइ-जाइ ब्यबस्था माकोसिङ पाप कर्म पाकाहि; इम्बालाइ ब्यबस्था बिना माकोसिङ नस्त जेनाङ | जाइ ब्यबस्था हिकालाउबुङ पाप कर्म गेलाइ पाखे इम्बालाइ न्याय ब्यबस्था आन्सार दोङ जेनावा | 13 ब्यबस्था हिङ्तेङ खिनिङ द्याङ्गेलाइ परमेस्वरको धार्मिकता माथारायाङ;कालाउ ब्यबस्थाको किकालाइ खिनिङ धार्मिक थोहरीयाङ | 14 गैर-यहुदिगेलाइ दोफा ब्यबस्थाताङ मान्थु ,कालाउ जेलाउ ओबोलाइ ब्यबस्था भाइपा काथागेलाइ पाखे पानु, ओबालाइ दोफा ब्यबस्था मान्थुलाउ बुङ ओबालाइ ताइको भाअ्सिङ ताइमिङ व्यवस्था जेङ्खे | 15 व्यवस्था चाहिका काथागेलाइ ताइको हृदयता लेखिका ओबालाइ तिम्पाखे, कालाउ ओबालाइको बिचारहोइ जेलाउसेलाउ ओबालाइहेङ दोसिखे, इस्काङ जेलाउ समर्थन पाखे | 16 या गोताङ काथागेलाइ ओदोङ दिना खिनिङ जेनावा,जेलाउ परमेस्वर द्याङ्गेलाइको हृदयता म्होका काथागेलाइको न्याय जेनाङ | कालाउ जेदोङ ये :बानालका बानाल पाका इदोइ दोताङ कि परमेस्वरको न्याय ख्रिस्त येसु: पाहासो जेनाङ | 17 ना हासु ? ना ताइ-ताइमिदोङ यहुदि दोअ्सुखेना ,ना व्यवस्थाता भरोसा पाखे कालाउ ताइको परमेस्वरको घमण्ड पाखे | 18 कालाउ वाको इन्चा गिसुखेना कि इन्तासो नेलाइसो हाइ भोसुखेना ? कालाउ नेलाइहेङ हेदोइ काथा मुख्य हि, ओदोङ गिसुखेना,हाइपानु नेलाइहेङ ब्यबस्था धिरपाका हि | 19 एदि नासिहेङ निस्सित हि, कि कान्हाको अगुवा हिसुना, कितिकितिकाता हिकालाइको फाइसालामका | 20 मुर्खगेलाइहेङ सुधिर पासुखेना, अपरिपाक्कालाइहेङ सिक्स्या पिसुखेना, हाइपालिपानु वयवस्थात्ता दोङ गोताङ बुद्धि कालाउ सत्येता निङ्का हिसुना | 21 एसाङ जेलाउ ना बो द्याङ्गेलाइ धिर्पासुखेना, हाइ ताइमिङ्हेङ माघिरपासुखेना | 22 ना, जाइ द्याङ्गेलाइहेङ कासिबेरि मापासु दोअ्सुखेना हाइ नादोङ कासिबेरि पासुखेना | कालाउ नेलाइ ताइमिङ मुर्तिको मुन्दिरगेलाइ हाइपानि खुसुखेना  ? 23 परमेस्वरको ब्यबस्थाको बिसयता नेलाइ घमण्ड पासुखेना | कालाउ नेलाइदोङ परमेस्वरको ब्यबस्था भङ् पातेङ वासेहेङ आनादार पासुखेना | 24 धर्मसास्तरता लेखिका हि:''नेलाइको कारनसो बो गैर-यहुदिगेलाइ पाहासो परमेस्वरको अपमानि पाका हि | 25 या नेलाइहेङ ब्यबस्था अनुसरन पानु दोङ नेलाइको खतनासो फाइदा जेङ्खे, कालाउ या नेलाइ ब्यबस्था माकिनु हिद्कालाबुङ नेलाइको खतना बेखाताना जेनावा | 26 गैर-यहुदिगेलाइको खतना माजेङ्का हि, कालाउ या नेलाइ ब्यबस्था अनुसरन पानु नेलाइ खतना जेङ्का ग्याङ | 27 ना यहुदिगेलाइहेङ दोअ्खा लिखिका ब्यबस्था कालाउ खतना हि,कालाउ नेलाइ ब्यबस्था माकिसुखेना | ओदोङ भाअ्सिङ इदोइ द्याङ्गेलाइ जाइ जिउको खतना जेङ्का मान्थु,कालाउ नेलाइ ब्यबस्थाहेङ किसुखेना |इदोइसो नेलाइहेङ दोसि जेङ्का तिम्पाखे | 28 बाहार रूपहोइ खिनिङ यहुदि जेङ्का चाहि यहुदि माको, एसादोङ साचि खतनाबुङ बाहार कालाउ जिउ काथा माको | 29 यहुदि इङ्को एमि द्याङ, जाइ लिता रूपसो खिनिङ यहुदि हिखे | साचिकाङ खतना आत्मा पाहासो हृदयसो जेङ्खे बिधानसो माको जेदोङ इङ्को आत्मिक काथा हि, ,लिखित ब्यबस्था काथा माको | इन्सिका द्याङ्को बाखिन द्याङगेलाइसो माको भरू परमेस्वरसो जेङ्खे |