प्रेरितों के काम 25

फेस्तस हाकिम जेङहि, कालाउ सुम दिना न्हुसो वा सिजरियासो यरुसलेम हानिहि | 2 मुख्य धामिगेलाइ कालाउ झाराङ खान्तेङ बार्का मुख्य यहुदि अगुवागेलाइ पावलको बिरुद्द इम्बालाइको मुद्दा पेस पाहि | 3 इम्बालाइ फेस्तसहेङ इम्बालाइको भाअ्सिङ साघाइ पापिलि सेउपाहि: यहुदिगेलाइ फेस्तससो हाइ भोगाहि पानु पावलहेङ यरुसलेम दिङ्गिल्लाको | इम्बालाइ दामाताङ पावलहेङ से:लि सद्यन्त्तर पाका हिघाहि | 4 कालाउ फेस्तस जोबाफ पिहि,''माजेनाङ ! पावलहेङ सिजरियाता ताअ्ताङ ,का ताइमिङदोङ स्वयम सिजरिया धेमाङ हानाङका | 5 नेलाइको अगुवागेलाइबुङ फादोफा हानिलि गोयाङ, एदि वा हाइदोङ गल्ति जातिङ्को पाका हेपानु इम्बालाइ सिजरियाता पावलहेङ आरोप दोसिलि द्वावा |'' 6 फेस्तस यरुसलेमता येए-ते दिना खान्तेङ हेन्जा माहिहि कालाउ न्हुसो वा सिजरिया घुरितेङ हानिहि | भेनाङ दिना फेस्तस सिपाहिगेलाइ पावलहेङ वाकोता चुमालि आराइहि, फेस्तस न्याय आसानता योम्हि | 7 पावल न्यायलयता लोहि यरुसलेमसो लोका यहुदिगेलाइ वाको कोरपाहाङ जाअ्हि, यहुदिगेलाइ पावलको बिरुदता निकोङ दोसिहि कालाउ हेन्जा आरोपगेलाइ तिङ्पातेङ चुमाहि | कालाउबुङ इम्बालाइ वाको प्रमान पिलि मादोअ्हि | 8 कालाउ पावल ताइमिहेङ बान्चिपालि पक्स्यता दोअ्हि,''का यहुदिगेलाइको कानुन, मुन्दिर कालाउ सिजरको बिरोधता हिदोइबुङ काम पाका मान्ठुघा |'' 9 कालाउबुङ फेस्तस यहुदिगेलाइहेङ खु:सि पालि भोघाखे, ओदोङ भाअ्सिङ वा पावलहेङ हि:हि,''हाइ नाङ्को हुता लगाइका दाग यिदोइ आरोपगेलाइता काङ्को आगा न्याय निसाप निङ्लि यरुसलेम हानिलि खाङ्खेना ?'' 10 पावल दोअ्हि,''का एला सिजरको न्यायलय आगाता जाअ्का हिघा,कालाउ या थामेता का न्याय निङ्लि गोयाङ, का यहुदिगेलाइको बिरुदता हाइदोङ गल्ति काम पाका मान्ठुघा:या सत्ये ना रेम्फा गिलि गोयाना | 11 एदि का हिदोइबुङ अपराधको दोसि हिनु कालाउ कासेहेङ मृत्यु (सि:का) दण्डभोगि पास्वाना पानु का मृत्यु(सि:का) दण्डसो खाअ्का प्रयास मापाङ्का | कालाउ का हुता लागाइका आरोप गेलाइ मानिङ्हे पानु कालाउ हिदोइबुङ द्याङ कासेहेङ इदोइ यहुदिगेलाइ सोम्पिलि मादाङ | का चाहिखा काङ्को मुददा सिजरहेङ प्याको |'' 12 फेस्तस ताइको माहासाभाउ दोफा मिलिहि, कालाउ न्हुसो वा दोअ्हि,''ना सिजरहेङ उजुर पा ओदोङ भाअ्सिङ ना, सिजरकोता हाने |'' 13 आले दिना न्हुसो राजा आग्रिपा कालाउ बर्निस फेस्तसहेङ भेतिलि सिजरिया लोहि | 14 इम्बालाइ इन्ता हेन्जा दिना थिकापा हि, फेस्तस राजाहेङ पावलको मुदाको बारेता बाताइहि कालाउ दोअ्हि,''इता एमि कैदि द्याङ हि जाइहेङ कैदिता ताअ्धिका हि | 15 जेलाउ का यरुसलेमता हानिघा इन्ताको मुख्य धामिगेलाइ कालाउ आराङ यहुदि अगुवागेलाइ वाको बिरुदता मुददा ह्वाका हि, यिदोइ यहुदिगेलाइ काङ्को सो वासेहेङ मृत्युदण्ड (सेकादण्ड) पिलि भोखे | 16 कालाउ का इम्बालाइहेङ दोअ्घा,'जेलाउ जेदोङ दण्डनिय अपराध पाकाको बिरुदता आरोप लागाइखे,रोमिगेलाइकोता इङ्को रिति मान्थु कि उङ्को द्याङ्हेङ अभियोग गेलाइकोता सम्पिपिलि | लाम्फा वासेहेङ दोसिलि पाका द्याङ्गेलाइ दोफा नुइ-नुइ लगाइपालि गोयाङ,कालाउ वा इङ्को दोसिलिरोपन बानाइका गेलाइको बिरुद स्वयमहेङ बान्चिपाका मौका निङ्लि गोयाङ |' 17 एसापा उङ्को यहुदिगेलाइ का दोफा लोहि, कालाउ का समय मानासापाघा भेनेङ दिना का न्याय आसनता हिघा कालाउ उङ्को द्याङ्हेङ इता -इता चुमालि आदेस पिघा | 18 यहुदिगेलाइ जुरुक्कको ल्होहि कालाउ आरोप लगाइहि, कालाउ यहुदिगेलाइ हिदोइबुङ मारेम्का अपराधको भाअ्सिङ मादोसिहि जेदोङ आसा पाका हिघाहि | 19 जेदोङ काथा इम्बालाइ दोअ्हि इङ्को आरोप खालि इम्बालाइको ताइकोङ धर्मको बिसयता मतभेत कालाउ येसु: को मिङ हिका द्याङ्को बिसयता खिनिङ हिघाहि | येसु:सिअ्हि कालाउ पावल दोअ्खे वा एलाङ्बुङ सिन्हुकाङ हि | 20 का इदोइ बिसयता हिन्जा काथा मागिखा,ओदोङ भाअ्सिङ का प्रस्नगेलाइ मापाखा | कालाउ का पावलहेङ दोअ्घा, हाइ ना यरुसलेम हानाना,इदोइ काथागेलाइता 'इन्ता न्याय पापालि ?'' 21 कालाउ पावलहेङ सिजरियाताङ ताअ्हि कारन हाइ पालिपालिपानु वा सिजरसो निर्नय भोघाखे | ओदोङ भाअ्सिङ का आदेस पिघा का जेलाउ थेकापा पावलहेङ सिजरकता दिङ्गिल्हि मादोङका वासेहेङ इन्ताङ ताअ्सु |'' 22 अग्रिपा फेस्तसहेङ दोअ्हि,''का इङ्को द्याङ्को काथा हिङ्लि खाङ्खा |'' फेस्तस दोअ्हि,''जुम्नि ना हिङ्लि द्वाना |'' 23 भेनाङ दिना अग्रिपा कालाउ बर्निस निकोङ गर्ब जेङ्तेङ लोहि ,इम्बालाइ न्यायलिता सेनापतिगेलाइ कालाउ सहरको प्रमुख द्याङ्गेलाइ चुम्तेङ दुल्हि | अग्रिपा कालाउ बर्निस,सिपाहि आधिकारि,सिजरियाको प्रमुख द्याङ्गेलाइ न्याय कोठाता हानिहि | फेस्तस सिपाहिगेलाइ पावलहेङ लिता चुमालि दोअ्तेङ हुकुम् पिहि | 24 फेस्तस दोअ्हि,''राजा अग्रिपा कालाउ नेलाइ झाराङ केलाइ दोफा जोम्का हिसुना ,यिदोइ द्याङ्हेङ खाङ्सु | इता हिका झाराङ यहुदिगेलाइ कालाउ यरुसलेमता हिका यहुदिगेलाइ यिदोइ द्याङ्को बिरुदता गुनासो पाका हि कालाउ र्हि्काइहि कि वाको बान्चिका हिदोइबुङ खाबारा मान्थु | 25 जेलाउ का जाचितेङ हिघाखा वा इन्सिका हाइदोङ भुल पाका का मानिङ्घा,ओदोङ भाअ्सिङ वासेहेङ वाको निर्नय वादोङ पाको,| कालाउ वा ताइमिङ सिजरकोता आपिल पाहि | ओदोङ भाअ्सिङ वासेहेङ का रोम दिङ्गिल्लिका निर्नय पाघा | 26 कालाउ वा वासेहेङ वाको बिसयता सिजरहेङ हाइ लेखेलि हिदोइबुङ निस्चित आधार मानिङ्घा | ओदोङ भाअ्सिङ वासेहेङ का नेलाइ झाराङ्को समस्या कालाउ खास हाइपालिपानु ना राजा अग्रिपाको आगाता चुमाघा | का एलाउबुङ चित बुझिलि दोअ्का मान्थुघा कि नेलाइको प्रस्न न्हुसो (पसच्त) नेलाइ सुझाब गेलाइ कासेहेङ पिस्वाना कालाउ कि का सिजरहेङ हाइदोङ लेखिलि दोवाङ्का | 27 वाको बिरोधता दोसि गेलाइ मातिङ्सिङ आधे कैदिगेलाइ सिजरकोता दिङ्दिल्लि मुर्खता दोअ्का का खन्धुरि पाखा |''