प्रेरितों के काम 24

ना दिना न्हुसो हननिया सिजरिया हानिहि वा प्रधान धामि हिघाहि, वा हेथेते वाराङ यहुदिअगुवागेलाइ कालाउ तर्तुल्लस मिङ्हिका वकिलहेङ ताइको दोफा चुमाहि | इम्बालाइ अधिकारिको आगाता पावलको बिरुद्द मुद्द चलाइलि सिजरिया हानिहि | 2 पावलहेङ सभाउता जाअ्पाहि कालाउ तर्तुल्लस वाको बिरुदता एसा दोअ्काताङ मुद्दा पेस पालि तेङ्हि |'' माहामहिम फेलिक्स,ना दोङ यिदोइ जातिङको भाअ्सिङ सान्ति कालाउ सुधारगेलाइ निङ्काहि | यिदोइ गोतेङ सुधारगेलाइ सारभिता हिलि गोइका कामगेलाइ पाना | 3 केलाइ इङ्को काथागेलाइको भाअ्सिङ नेलाइ झाराङ्हेङ धन्यबाद दोन्हाखे |'' 4 कालाउ का नाङ्को हेन्जा समय नासा पालि माचाहिखा ओदोङ भाअ्सिङ का आधे सब्द्गेलाइ खिनिङ नाङ्को आगाता मुददा पेस्याङ्का, दायापातेङ,धर्यधारन पापि, | 5 यिदोइ द्याङ एलोङ समस्या चुमाका द्याङ हि कालाउ या जोसोओसोङ सुमिङ भारि यहुदिगेलाइता माझाता फेसुपाका हि या नासिरि जेरको नेता हि, | 6 या मुन्दिर असुद्द बानाइलि भोगाखे,कालाउ वासेहेङ केलाइ रोकिनाहि, केलाइको आन्सार कारबाहिबुङ पादाङ, 7 कालाउ सेनापति लुसियस केलाइकोता लोतेङ जबरजस्ति वासेहेङ केलाइको खुरसो धिङ्तेङ चुम्पुहि,कालाउ वाको बिरुदृता अभियोग लागाइकालाइहेङ नाङ्कोता लोलि आदेस,पिहि | 8 जेलाउ ना यिदोइ द्याङ्हेङ जाचियाना केलाइ वाको हुत्ता लगाइका गोतेङ दोसिगेलाइ सत्ये हि दोअ्तेङ ताइमिङ बुझ्याना |'' 9 बो,यहुदिगेलाइबुङ सहमति जेङ्हि कालाउ दोअ्हि,''इङ्को काथागेलाइ जातिङ्कोदोङ सत्ये हि |'' 10 अधिकारि पावलहेङ नुइ धुइलि साङ्केत पाहि ओदोङ भाअ्सिङ पावल अधिकारिहेङ जोबाफ पिहि ,'' '' अधिकारि फेलिक्स,का गिखा कि ना हेन्जा समय सोङ यिदोइ राष्ट्रको न्यायकर्ता हिका हिना | ओदोङ भाअ्सिङ का ताइमिहेङ बान्चिपालिको पकस्यता पेस पालि निङ्काता लेङ्चाखा | 11 का यरुसलेमता आराधाना पालि तेन्हे दिना लाम्फा खिनिङ हानिघा | ना ताइमिङ यिदइ सत्ये हि दोअ्तेङ जाचिलि द्वाना | 12 यिदोइ यहुदिगेलाइ ज्याइ कासेहेङ दोसिलि लगाइहि इम्बालाइ मुन्दिर हासुबुङ दोफा नुइ धुइका मादुसुहि | का हिसोबुङ चाउघारा साता या ते यिदोइ सहरको बो थामे हिसोबुङ खलबल पालि जेर जोम्पाका मान्ठुघा | 13 उङ्को यहुदिगेलाइ काङ्को बिरुदृता एला जेदोङ दोसिरोपन पाहि इङ्को प्रमान पिलि माद्वाङ | 14 कालाउ का नासिहेङ दोअ्दोङ्खा: का केलाइको आबा,आजाइ -आजुगेलाइको परमेस्वरहेङ येसु:को चात्यागेलाइ भाइपाङ आराधाना पाखा | यहुदिगेलाइ दोअ्खे येसु: को दामा गलत हि, कालाउ मोसाको व्यवस्थागेलाइता दोअ्का गोतेङ काथा कालाउ अगमबक्तागेलाइ किताबता लेखिकागेलाइका का खान्धुरि पाखा | 15 का परमेस्वरता इङ्कोङ आसा पाङ्का कि ज्याइ यिदोइ यहुदिगेलाइ पाखेकि धर्मि कालाउ अधर्मि सि:कासो सिन्हुतावा | 16 यिदोइ भाअ्सिङ का जेलाउबुङ परमेस्वरको कालाउ द्याङगेलाइको आगाता इङकोङ पालि कोसिस पाङ्का जेदोङ काङको खान्धुरि सहि जेनावा | 17 'का हेन्जाङ बासारसोङ यरुसलेमसो दुरे हिघाखा , का इन्ता काङ्को द्याङ्गेलाइको भाअ्सिङ आधे दानको उपहारगेलाइ चुम्तेङ बलि चदाइलि घुरिका हिघाखा | 18 जेदोङ बेला इम्बालाइ कासेहेङ मुन्दिरता भेतिहि का सुददिकरनको बिधि दोका हिघाखा | का काङ्को कोरपाहाङ हिदोइबुङ चेसुमेसुका जेर जोम्पाका मान्थुघाखा ना ते इन्ता का हिदोइबुङ खालको असान्तिदोङ सिरजाइका हिघाखा | 19 कालाउ हेथेते एसियासो लोका यहुदिगेलाइ इन्ता हिघाहि | एदि इम्बालाइदोफा जातिङ्को काङ्को बिरुद्द हाइदोङ गवाहि हिहेपानु इङ्को प्रमान पालि इम्बालाइ इता हिलि गोइका | 20 माकुनु इङ्को यहुदिगेलाइ ज्याइ इता हि हिसु ! एदि इम्बालाइ काङ्को बिरुद्द हाइदोङ गल्तिगेलाइ निङ्का, हि कि जेदोङ बेला का यरुसलेमता यहुदिगेलाइको एलोङ महासभाउता हिघाखा | 21 का खालि इम्बालाइको आगाता एलोङ खिनिङ काथाको घोसाना पाका हिघाखा:'नानि काङ्को न्याय पादोङखे हाइपालि पानु द्याङ्गेलाइ सि:कासो सिन्चालाङ दोअ्तेङ का खान्धुरिपाखा |'' 22 फेलिक्स येसु:को मार्ग बिसयता हेन्जा काथागेलाइ गिघाखे , वा मुददा बन्द पाहि कालाउ दोअ्हि,''जेलाउ सेनापति,लायसिअसइता ल्वावा,का इदोइ काथागेलाइको बिसयता निर्नय पाङ्का | 23 फेलिक्स सिपाहि अधिकारिहेङ पावल सुरक्स्याता ताअ्लि दोअ्हि कालाउ वा सिपाहि अधिकारिहेङ दोअ्हि कि पावलहेङ आधे स्वतन्त्तर पि कालाउ वा आबरस्यकता पुरा पालि वा सानाइतिगेलाइहेङ बाधा मापि | 24 आले न्हुसो फेलिक्स ताइको यहुदि बे दोफा लोहि, वाको मिङ दुसिल्ला हिघाहि, फेलिक्स पावलहेङ चुमालि दोअ्तेङ आग्या पिहि |फेलिक्स ख्रिस्त येसु:ता खन्धुरिप्रति पावलको दोअ्को काथागेलाइ हिङ्हि | 25 कालाउ फेलिक्स थिहि जेलाउ पावल धार्मिक जिवन,आत्मासयम कालाउ भबिस्यता जेङ्लि हानिकाको न्यायको बिसयता दोअ्हि | फेलिक्स दोअ्हि,''एला हानाइने जेलाउ कादोफा समय ह्यावा का नासेहेङ आरुङ कायाङका |'' 26 कालाउ फेलिक्सको पावलदोफा बात मारिलि भेनेङ कारन हिघाहि, फेलिक्स पावलसो घुस चालि आसा पाका हिघाहि | ओदोङ भाअ्सिङ वा पावलहेङ बाराम्बार घुरि-घुरि काइतेङ काथा पाघाखे | 27 कालाउ न्हे बासार न्हुसो पोर्सीअस फेन्तस अधिकारि जेङ्हि, फेलिक्स एला अधिकारि सो बरखास जेङ्हि कालाउ फेलिक्स पावलहेङ कैद दोङ बानाइतेङ ताअ्हि | हाइपालिपानु वा यहुदिगेलाइहेङ खुसि बानाइलि चाहिघाखे |