प्रेरितों के काम 23

पावल यहुदि माहासभाउहेङ खाङ्हि कालाउ दोअ्हि ''काङ्को दाइ-ओनेगेलाइ हो,का नानि थिकापा काङ्को जिवन रेम्फाङ बिचारसोदोङ बिताइ पाघा |'' 2 हननिया प्रधान धामिबुङ इनता हिघाहि, हननिया पावलको दोअ्का हिङ्हि कालाउ द्याङ्गेलाइहेङ आदेस पिहि जाइ पावलको भेर्पा हिसुना वाको नुइता च्याउरेपि जाइ पावलको भेर्पा जाअ्तेङ हिघाहि | 3 पावल हननियाहेङ दोअ्हि,''परमेस्वरबुङ नासेहेङ च्याउरेयावा , ना एलोङ पुन्दुरुका बेरेम भाइका हिना जेदोङ जे:का रङ्गहोइ तेअ्का होइ मोसाको व्यवस्था भाइका काङ्को न्याय पालि ना इन्ता योम्तेङ हिना,यदपि ना कासेहेङ दानाइलि पितेङ कानुन अमान्य पातेङ हिना |'' 4 पावलको भेर्पा जाअ्तेङ हिका द्याङ्गेलाइ दोअ्हि ना'' एसापा प्रभुको प्रधान धामिदोफा काथा (दोअ्लि) पालि माएल,ना वासेहेङ मन्दामातेङ हिना !'' 5 पावल दोअ्हि''दादा-ओनेगेलाइ,कासेहेङ थाहा मान्थुघाखे कि वा प्रधान धामि हि दोअ्तेङ | धर्म सास्तरता इसिका लेखिका हि,ना'' नाङ्को द्याङ्गेलाइको अगुवाको बिसयता आखेका काथागेलाइ पालि माएल |' 6 चाउघारा साता हेथेते द्याङ्गेलाइ सदुकिगेलाइ हिघाहि,कालाउ आरू फारिसिगेलाइ हिघाहि , इङ्को सोचितेङ पावल एलोङ बिचार ओल्लापाहि | वा महासभाउता र्हिकाइहि,''काङ्को दादा- ओनेगेलाइ, का फारसिको फारसि चान | का इता मुदाता हिघा हाइपालिपानु का खान्धुरि पाखा द्याङ्गेलाइ सि:का सो सिन्हुतेङ ल्होकाङ |'' 7 जेलाउ पावल एन्सा दोअ्हि,इन्ता फारिसि कालाउ सदुकिगेलाइ माझाता झन लिता-लिता बार्का काथा उब्जाइलि तेङ्हि, सभाउ दलता न्हे भाग जेङ्हि | 8 सदुकिगेलाइको खान्धुरि हिघाहि द्याङ्गेलाइ सि:तेङ न्हुसो इम्बालाइ आरोङ मासिन्हुताङ, कालाउ स्वर्गदुत कालाउ आत्मा माजेनाङ | कालाउ फारिसिगेलाइ यिदोइ गोताङ्ता खान्धुरि पाखे | 9 उङ्को झाराङ यहुदिगेलाइ बलपातेङ र्हिकाइलि तेङ्हि,आधिमि सास्तिरिगेलाइ,ज्याइ फरिसिगेलाइ हिघाहि,आअ्तेङ कालाउ काथा दोसुहि,''केलाइ यिदोइ द्याङ्को बिरोधता हिदोइबुङ गल्ति मानिङ्नाहि | जेङ्लि दो दमिसकको दामाता स्वर्ग दुत माकुनु आत्मा वाकोदोफा नुइ धुइलि वाला |'' 10 गालाबाजि धुमता परिबर्तन जेङ्हि, यहुदिगेलाइ पावलहेङ टुक्रा-टुक्रापातेङ सेअ्ताङ्वाला दोअ्तेङ सेना पति थिहि, ओदोङ भाअ्सिङ सेनापति सिपाहिगेलाइहेङ लेता हानितेङ पावलहेङ यहुदिगेलाइको खुरसो ओल्लापातेङ लान्थाको साता चुम्पुतेङ ताअ्लि लागाइहि | 11 भेनेङ न्हिसिन्ता,प्रभु येसु:लोहि कालाउ पावलको भेर्पा जाअ्हि ,साहासि जेङ माथि जेसाङ ना यरुसलेमता काङ्को बिसयता दोअ्ना रोमताबुङ हानितेङ क़ाङ्को बिसयता दोअ्पिलि गोयाङ |'' 12 भेनेङ रि्हिमा हेथेते यहुदिगेलाइ पावलहेङ सेअ्लि योजना बानाइहि | इम्बालाइ जेलाउ थेकापा पावलहेङ मासेअ्तेङ एन्सालाउ थेकापा नाते हिदोइबुङ आमेने दोअ्का प्रतिग्या पाहि | 13 न्हेकुरि झना खान्तेङ हेन्जा यहुदिगेलाइ उङ्को जेरता हिघाहि जाइ इङ्को जासुसता भाग र्हुहि | 14 उङ्को यहुदिगेलाइ मुख्य धामिगेलाइ कालाउ आराङ अगुवा धामिगेलाइ हिकाताबुङ हानिहि कालाउ दोअ्हि,''केलाइ ताइमिङ प्रतिग्या पाका हिनाहि, कि केलाइ पावलहेङ मासेपा थिकापा ना हाइदोङ माआमाङ नाते हाइदोङ चाङ | 15 जेदोङ भाअ्सिङ एसापा केलाइ नेलाइहेङ इसिका पापालि खाङ्न्हाखे: नेलाइ कालाउ यहुदि आगुवागेलाइ सेनापतिहेङ पावलहेङ नेलाइकोता चुमालि दोअ्तेङ खाबारा पिगिल्सु | वासेहेङ दोअ्सु कि पावलदोफा ना हेन्जा प्रस्नगेलाइ हिअ्लि गोइका हि | पावल इता थुकालि खान्तेङ लाम्फाङ दोङ केलाइ वासेहेङ से:लि तियार जेङ्तेङ दामा खान्तेङ ह्याँङ |'' 16 कालाउ पावलको भाज्याया चान इन्सिका दाउ थाहा निङ्हि, वा लान्ठागेलाइको हिका साता हानिहि कालाउ पावलहेङ हिङ्पाहि | 17 कालाउ पावल एमि सेना अधिकारिहेङ काइहि कालाउ दोअ्हि,''यिदोइ वाजानहेङ सेनापतिकोता चुम्पुतेङ हाने, वाकोता वाको भाअ्सिङ बानाल हि |'' 18 ओदोङ भाअ्सिङ सेना अधिकारि उङ्को धाना वाजान द्याङ्हेङ सेनापातिकोता चुम्पुहि | अधिकारि दोअ्हि,''कैदि पावल दोअ्हि कि यिदोइ धाना वाजान द्याङ्हेङ नाङ्कोता सिरपुलि,हाइपालि पानु वा नासेहेङ बानाल पिलि भोखे | 19 सेनापति उङ्को धाना वाजानहेङ ए कुन्हा,हासुबुङ मान्थुका थामेता चुम्पुहि,जेता ओबालाइ खुल्लादोफा काथादोअ्सुलि दोअ्धाङ | सेनापति दोअ्हि,''ना कासेहेङ दोअ्लि खाङ्खेना  ? '' 20 उङ्को धाना वाजान द्याङ दोअ्हि,यहुदिगेलाइ पावलहेङ आरुङ हेन्जा प्रस्न हिअ्लिको निउता नासेहेङ जुम्नि माहासाभाउता पावलहेङ चुमालि इम्बालाइ निर्नय पाकाहि | 21 कालाउ इम्बालाइहेङ खान्धुरि मापा इनता न्हेकुरि झना खान्तेङ हेन्जा द्याङ्गेलाइ दामाता म्होतेङ से:लि योमतेङ हि | इम्बालाइ वासेहेङ मासेपा भरि हाइदोङ माचाङ,कालाउ हाइदोङ माआमाङ दोअ्तेङ केरा चाका हि | एला इम्बालाइ नाङ्को सम्पतिको भाअ्सिङ र्हुम्तेङ हि |'' 22 सेनापति उङ्को धाना वाजान द्याङ्हेङ एसा दोअ्तेङ दिङ्गिल्हि, ''आरुङ हासुहेङ्बुङ ना इसिका काथा दोअ्तेङ मादोअ् |'' 23 कालाउ न्हुसो सेनापति न्हेमि लान्ठा अधिकारिगेलाइहेङ काइहि ,कालाउ दोअ्हि,''सिजरिया हानिलिको भाअ्सिङ २०० साइ सिपाहिगेलाइ ७० ओह्राया धापाकागेलाइ कालाउ २०० भाला थुकालाइ सिपाहिगेलाइ तियार पासु | इम्बालाइ बेलालाउ ९ बजे हानिलि तियार जेङ्लि गोइस्वाना | 24 आधे- ओह्यागेलाइ पावलको भाअ्सिङ बुङ चुमासु ताकि पावलहेङ अधिकारि फेलिक्सकता सामारा्हा्इते चुम्पुलि द्वाङ |'' 25 सेनापति इसिका एलोङ चिठिबुङ वासेहेङ लेखिहि | 26 क्लौदियस लायसिअससो महामहिम राइजिपाल फेलिक्सहेङ सेउपाखा | 27 यहुदिगेलाइ इदोइ द्याङ्हेङ रिमका हिघाहि कालाउ से:लि योजना पातेङ हिघाहि, का थाहा गिघा कि वा एमि रोमि नागरिक हि | ओदोङ भाअ्सिङ का इम्बालाइको माहासभाउ वासेहेङ थुकापाघा | 28 का गिलि भोगाखा कि इम्बालाइ हाइपालि वासेहेङ दोसिलितेङ हि |ओदोङ भाअ्सिङ का इम्बालाइको माहासाभाउ वासेहेङ ठुकापाघा | 29 का थाहा निङ्घा कि इम्बालाइकोङ व्यवस्थाको प्रस्नगेलाइको सम्बन्धता वासेहेङ दोसिलि पाका हि | कालाउ इङ्को बिसयगेलाइता वासेहेङ जेल दिङ्गिल्हि कालाउ मृत्यु दण्ड पिलि हिदोइबुङ योग्योको मान्थु | 30 कासेहेङ हिङपाहि कि हेथेते यहुदिगेलाइ वासेहेङ से:लि सद्यन्त्तर पातेङ हि, ओदोङ भाअ्सिङ का वासेहेङ नाङकोता मार्फाङ दिङ्गिल्घा | यहुदिगेलाइ जाइ वासेहेङ दोसिलिदोङ्खे नाङ्को आगाता वाको बिसयता यहुदिगेलाइदोफा हिका दोसि तिमपालिबुङ लागाइका हिघा | 31 सिपाहिगेलाइ इम्बालाइहेङ दोअ्का काथागेलाइ पाहि, सिपाहिगेलाइ पावलहेङ चुम्पुतेङ एन्टिप्याट्रिस सहरता न्हिसिन्ताङ चुम्पुहि | 32 भेनेङ दिना ओह्या धाअ्पाकालाइ पावलदोफा सिजरिया हानिहि, कालाउ आरू सिपाहि कालाउ भाला आअ्कालाइ यरुसलेम सिपाहि सा भारि घुरितेङ लोहि | 33 ओह्या धाअ्पाका सिपाहि गेलाइ (लान्ठागेलाइ) सिजरिया लिता दुल्हि कालाउ अधिकारिहेङ चिठ्ठी पिहि, कालाउ न्हुसो वाकोता पावल सोम्पिहि | 34 अधिकारि चिठ्ठि पदेतेङ पावलहेङ हि:हि,''ना हिदोइ सार्भिको हिना ?'' राइजिपालक पावल चाहि सिलिसियाको दोअ्तेङ थाहा गिहि |ता दुल्हि कालाउ अधिकारिहेङ चिठ्ठी पिहि, कालाउ न्हुसो वाकोता पावल सोम्पिहि | 35 अधिकारि दोअ्हि,''नासेहेङ दोसिलिकागेलाइ इता लोनु का नाङ्को मुद्दा र्हुकाङ्का |'' कालाउ न्हुसो वा पावलहेङ हेरोद्को राजमहलता रेम्फा ताअ्लि आदेस पिहि |