प्रेरितों के काम 22

पावल दोअ्हि,''काङको दाइ-ओनेगेलाइ,कालाउ आबागेलाइ कासेहेङ ध्यान पितेङ हिङसु हिङ्सु ! नेलाइको आगाका ताइको पक्स्यता बान्चिपाका काथा द्वाङका |'' 2 पावल यहुदि भासाता धुइका यहुदिगेलाइ हिङ्हि जेलाउ पावल यहुदि भासा धुइका यहुदिगेलाइ हिङ्हि इम्बालाइ झन सिकापा हि पावल दोअ्हि 3 ''का एलोङ यहुदि का सिलिसिया मौजाको (प्रदेस) टासेसता जोलोम जेङ्घा, यिदोइ सहरता का बाराघा | का गमलियतको चात्या हिघाखा, वा कासेहेङ केलाइ |को आजाइ- आजुगेलाइको नियम भाइका एकदम थाङ्पा तालिम पा-पाहि | का परमेस्वरता मेनाङ हाउसाइका हिघा नेलाइ भाइपा नानि ज्याइ इता हिसुनापावल यहुदि भासाता धुइका यहुदिगेलाइ हिङ्हि जेलाउ पावल यहुदि भासा धुइका यहुदिगेलाइ हिङ्हि इम्बालाइ झन सिकापा हि पावल दोअ्हि | 4 ज्याइ येसु:को दामा चाहि इम्बालाइहेङ का सि:लि तोम्पाङ थिकापा गिल-गिल्घा | का वाबाल बेबाल गेलाइहेङ रिम्घा कालाउ झ्यालखानाता ह्वाघा 5 प्रधान धामिगेलाइ कालाउ गोताङ वाराङ यहुदि -अगुवागेलाइ यिड़ोइता गवाहि हि | दमिसकको यहुदि दाइ-ओनेगेलाइको भाअ्सिङ नेलाइकोसो का चिठि र्-हुघा | का इन्ताबुङ येसु:को चात्यागेलाइहेङ रिम पालि कालाउ इम्बालाइहेङ दण्ड निन्चापालि यरुसलेम चुमालि दोअ्तेङ हानिका हिघाखा | ''पावल ताइको परिवर्तनको बारेता दोअ्खे | 6 ' का दमिसकको दामा हानिदोङ्घाखा एन्सालाउ आचानाक एलोङ घाताना घतिहि | ओदोङ बेला आधा दिना जेङ्का हिघाहि जेलाउ का दमिससक भेर्पा थुकाका हिघाखा | आचानाक बादेलसो एलोङ सारभुसाइका फाइसालामाका काङ्को करपाहाङ चिल्का हि | 7 का भोनाइता लोङ्घा कासेहेङ हाइदोङ दोअ्का एलोङ गाला हिङ्घा,'सावल,ना हाइपालि कासेहेङ साताइतेङ हिना ? 8 का हि:घा,''ना हासु हिना प्रभु ?' इङ्को गाला दोअ्हि,'का नासरतको येसु:ज्याइहेङ ना साताइतेङ हिना |'' 9 द्याङ्गेलाइ जाइ का दोफा हिघाहि इम्बालाइ फाइसालामका तिङ्हि,कालाउ इङ्को '' ''एमि''काङ्को दोफा जाइ काथा पासुदोङ्घाखे, इङ्को गाला ओबालाइ माहिङहि | 10 का दोअ्घा,'का हाइ पालि गोयाङ प्रभु ?''प्रभु जोबाफ पिहि,'ल्हो कालाउ दमिसक हाने | ना पालि गोइका का ठिक पाका काम इन्ता नासेहेङ दोअ्ताङ | 11 का हाइदोङ तिङ्लि मादोअ्घा हाइपालि पानु इङ्को हेन्जा चिल्काका फाइसालामाका होइ कासेहेङ कान्हा बानाइहि | का दोफा हिका द्याङ्गेलाइ कासेहेङ काङ्को खुर चातेङ दमिसक चुम्पुहि | 12 ''दमिसकता एमि ह्नानिया मिङ हिका द्याङ हिघाहि , वा मोसाको व्यवस्था पालन पालि स्रोदालु भक्ति हिघाहि | इन्ता हिका यहुदिगेलाइ वासेहेङ साम्मान पाघाखे | 13 ह्ननिया काङ्कोता लोहि,कालाउ दोअ्हि,'ओने सावल ! ना निङ्लि द्वाना | आचानक का वासेहेङ तिङ्लि दोअ्घा | 14 हननिया दोअ्हि,'केलाइको आजाइ-आजुगेलाइको परमेस्वर नासेहेङ वाको इचसा गिलि,इङको धार्मिकताहेङ तिङ्लि कालाउ वाको नुइसो सब्दगेलाइ हिङ्लि लाम्फाङ चुनिलि दोका हिघाहि | 15 गोताङ द्याङगेलाइको भाअ्सिङ ना वाको गवाहि जेनाना | ना ओबालाइहेङ ताइमि तिङ्का हिङ्का काथागेलाइ द्वाना | 16 एला ना हेन्जा मारहुम ल्हो,वाको मिङ्हुसो खान्धुरि पातेङ बप्तिस्ता र्- र्हु कालाउ नाङ्को पापगेलाइ झाअ् |' 17 कालाउ,का यरुसलेम घुरिघा, जेलाउ का मुन्दिरता दोमचाकाइघाखा का एलोङ दर्सन निङ्घा | 18 का येसु:हेङ तिङ्घा कालाउ वा कासेहेङ दोअ्हि,''धेमाङ पा, यरुसलेम लाअ् एलाङ्दोङ हाइपालिपानु द्याङ्गेलाइ काङ्को बिसयता ना पिका गवाहि सुइकार मापाङ |' 19 का दोअ्घा,'कालाउ प्रभु ,द्याङ्गेलाइ गिख कि कादोङ एलोङ जाइ नाङ्को खान्धुराइगेलाइहेङ चाउघारा सा गेलाइलिता रिम्लि कालाउ दानाइलि हानिघा |' 20 द्याङ्गेलाइ या बुङ गिखे कि नाङ्को गवाहि,स्टिफननसको जेलाउ हिति होहि,का इन्ताबुङ इङ्को कान्डता (हुल्दुङ्गाता) साघाइतेङ वासेहेङ सेकालाइको लोखधावागेलाइ र्हुमतेङ हिघाखा |'' 21 कालाउ येसु:कासेहेङ दोअ्हि,''हाने एल्लाउदोङ एला का नासेहेङ दुरे गैर-यहुदिगेलाइहिका थामेता दिङ्गिल्लाङ्का |'' 22 पावल दोअ्का यिदोइ काथागेलाइता द्याङ्गेलाइ ध्यान मापिहि | ओबालाइ वाको काथा इङ्को झोको दोअ्का ठेकापा हिङ्हि , कालाउ गोताङ द्याङ र्हिकाइहि,''वासेहेङ सेअ्सु ! वासेहेङ सुमिङ्सु हातिपासु | उङ्को बान्चिलि सोबाइका मान्थु |'' 23 इम्बालाइ र्हिकाइकाताङ ओबालाइको लोखन,धावागेलाइ थाइगिल्पिहि,इम्बालाइ धुलागेलाइ भेरमाता उराइपाहि | 24 कालाउ सेनापति सिपाहिगेलाइहेङ दोअ्हि पावलहेङ सिपाहि साता चुम्पुसु | वा सिपाहि गेलाइहेङ दोअ्हि दानाइतेङ वासेहेङ जाचेसु दोअ्तेङ आग्या पिहि | एसा पालाउ कालाउ द्याङ्गेलाइ हाइपालि एसापा वाको बिरुदता र्हिकाइतेङ हि गिलि द्वाङ दोअ्तेङ वा आसा पाघाखे | 25 आधिमि दानाइतेङ पाका सिपाइगेलाइ,पावलहेङ धेउदोङ्घाहि |, कालाउ पावल इन्ता जाअ्तेङ हिका सेना अधिकारिहेङ दोअ्हि,''हाइ एमि रोमि नागरिकहेङ ज्याइ दोसिलिहि,दोअ्तेङ प्रमान दोङ मजेङहि,नाङ्को द्वालिहोइ म्हेलि खाबारि हि ?'' 26 जेलाउ सेना अधिकारि इन्सिका हिङ्हि वा सेनापतिकोता हानितेङ इङ्को काथा दोअ्हि सेना अधिकारि दोअ्हि,''ना गिखेना ना' हाइ पादोङ्खेना ? यिदोइ द्याङ रोमिनागरिक हि |' 27 सेनापति पावलकोता लोहि कालाउ दोअ्हि,कासेहेङ दोअ् ना' जातिङ्कोङ रोमि नागरिक हा ?''पावल जोबाफ पिहि,''एइ |'' 28 सेनापति दोअ्हि,''का एलोङ रोमि नागरिक जेङ्लि हेन्जा ताका खर्च पाघा कालाउ तिरिका हिघा |'' कालाउ पावल दोअ्हि,''का रोमि नागरिकदोङ जोलोम जेङ्तेङ लोघा |'' का रोमि नागरिक जेङ्तेङ्दोङ जोलोम जेङ्तेङ लोघा |'' 29 उङ्को द्याङ्गेलाइ जाइ जेदोङ पावलहेङ प्रस्नगेलाइ पालि तियार जेङ्तेङ हिघाहि,पावलहेङ लाअ्तेङ हानिहि | सेनापति थितेङ हिघाहि हाइपालिपानु वा पावलहेङ आन्चासोङ रातेङ ताका हिघाहि | कालाउ पावल एलोङ रोमि नागरिक हिघाहि | 30 सेनापति यहुदिगेलाइ हाइपालि पावलहेङ दोसिलितेङ हि इङ्को बुझिलि भोगाखे , एसापाङ भेनेङ दिना वा मुख्य धामिगेलाइहेङ,यहुदिगेलाइहेङ कालाउ सारा माहासभाउता जोम्लि आदेस पिहि | सेनापति पावलहेङ रातेङताका झिनझिरिगेलाइ खाइपिहि | कालाउ न्हुसो पावलहेङ ओबालाइको आगाता जाअ्पाहि |