प्रेरितों के काम 20

जेलाउ हुल्दुङ्गागेलाइ सिकाहि,पावल येसु:चात्यागेलाइहेङ वासेहेङ भेतिलि दोअ्तेङ काइहि | वा इम्बालाइहेङ हाउसाइपाहि कालाउ बिदा र्-र्हि | पावल इम्बालाइ दोफा बिदा र्हुतेङ म्यासोदिनिया हानिहि | 2 म्यासोदोनिया पातेङ हानिलाउ वा येसु:को चात्यागेलाइहेङ हाउसाइपाका हेन्जाङ काथागेलाइ पाहि,कालाउ वा ग्रिस हानि | 3 वा इन्ता सुम महिना हि , वा समुन्द्रपाहासो सिरिया हानिलि साजिघाखे, कालाउ वाको बिरुद्ता आधिमि यहुदिगेलाइ सद्यन्तरगेलाइ रचेका हिघाखे , ओदोङ भाअ्सिङ पावल म्यासोदोनिया पातेङ सिरिया हानिलि निर्नय पाहि | 4 हेथेते द्याङ्गेलाइ वादोफा हिघाहि | इम्बालाइ हिघाहि:पाइरसको चान बिरियाबासि सोपातर,थेस्लोनिकिबासि,अरिस्ताखर्स कालाउ सिकन्द्र्स,डर्बि सहरको द्याङ गायस,तिमोथि कालाउ एसियासो न्हेमि ज्याइ ताइकिकस कालाउ तोरिफिमस हिघाहि | 5 इम्बालाइ केलाइ खान्तेङ लाङ हानिहि कालाउ इम्बालाइ केलाइहेङ तोराआता र्-हुमाहि | 6 अखमरि सेलेको पार्भा न्हुसो केलाइ समुन्द्र पाहासो हानितेङ फिलिप्पिभारि हानिनाहि | केलाइ इङ्को द्याङ्गेलाइहेङ ना दिना न्हुसो तोराआसाता दुसुनाहि केलाइ इन्ता एआथार थिकापा हिनाहि | 7 आठारको लाङ दिना,केलाइ झाराङ प्रभुको भोज चालि एदोफाङ जोम्का हिघानाहि , पावल भेनेङ दिना बिदा र्हुलि दोअ्तेङ इम्बालाइदोफा बात मारेहि | पावल आधान्हिसिन्ता थिकापा काथा पातेङ हि | 8 केलाइ हुताको ताल्लाता जेता जोम्का हिघानाहि , इन्ता हेन्जा गेसागेलाइ झिलिमिलिपा जोल्तेङ हिघाहि | 9 इन्ता एलोङ युटाइकस मिङ्को धाना वाजान हिघाहि ज्याइ झ्यालखानाता हिघाहि,कालाउ युटाइकसहेङ निन्दा धुल्ला हि | कालाउ वा इन्ताङ गिम्हि कालाउ सुम तालासो खिर्किसो भोनोइ फेअ्न्हाहि, जेलाउ द्याङ्गेलाइ वासेहेङ ल्होपालि हानिहि कालाउ वा दोकाहिघाखे | 10 पावल युटाइकस कोता खुअ्तेङ लोहि, वा तिरु थोतेङ खोम्हि,पावल आरू खान्धुराइगेलाइहेङ दोअ्हि,''सुरता मापासु, वा सिन्हुकाङ हि |'' 11 पावल आरोङ हुताको तल्लाता हानिहि,वा सेले पोङ्तेङ कालाउ चाहि, पावल इम्बालाइदोफा हेन्जा बेरथिकापा काथा पातेङ हि | वाको काथा दोअ्लाउ झेङ फोरो फोरोका पहर जेङ्का हिघाहि | कालाउ न्हुसो पावल हानिहि | 12 दयाङ्गेलाइ उङ्को वाजानहेङ चुम्पुतेङ सिता हानिहि ,वा सिन्हुका हिघाहि कालाउ इम्बालाइहेङ आराम जेङ्हि | 13 केलाइ अस्सोस भारि समुन्द्रपाहासो पावल खान्तेङ आगा हानिहि , केलाइ लाम्फा पावलहेङ्दोङ दुसुनाहि | वा केलाइदोफा अस्सोसता भेतिलि कालाउ जाहाजता जोमाइने योजना पाहि | पावल मिलिङ्सोङ अस्सोस हानिका मन हिनाङ इन्सिका कार्यक्रम बानाइघा | 14 न्हुसो पावलहेङ केलाइ अस्सोसता भेतिन्हाहि | कालाउ वा केलाइदोफा जाहाजता लोहि | केलाइ झाराङ मिलिलेता हानिनाहि | 15 केलाइ जाहाजसोङ हानिनाहि कालाउ भेनाङ दिना थिओस टापु थुका नाहि, भेनेङ दिना केलाइ समुन्द्र पाहासो हानितेङ सामोस दोका टापु हानिनाहि, ए दिना न्हुसो केलाइ मिलेट्स थुकानाहि | 16 पावल लाङ फाङदोङ एफिससता माहिसिङ दोअ्तेङ निर्नय र्हुका हिघाहि | वा एसियाता हेन्जा दिना थेकापाबुङ हिलि माचाहि हि | वा ह्ताराता हिघाहि हाइपालिपानु वा जेङ्लि दोअ्नु पेन्तिकोस लाखता यरुसलेमता हिलि मन पाघाखे | 17 मिलेतेसको पावल एफिससता खबर पिगिल्हि कालाउ इङ्को खाबरता पावल एफिससको मन्डलिको एल्डर डिकनगेलाइ वाकोता लोलिको भाअ्सिङ नेउता पिहि | 18 जेलाउ एल्सर कालाउ डिकनगेलाइ लोहि,पावल इम्बालाइहेङ दोअ्हि,''का एसियाता लाङ चोति लोका दिना सोङ दोङ नेलाइ गिसुखेना,नेलाइकोता जेथे समय बितिपाघा, का इसिका प्रकारसो हिघा | 19 कालाउ यहुदिगेलाइ काङ्को बिरूद्ता हेन्जा सद्यन्त्तर गेलाइ पाहि जेसाङ का हेन्जा दुःख निङ्घा | कालाउ नम्रता कालाउ मितिहोपातेङ का प्रभुकोङ सेवा पाघा | 20 का दिनाङ दिन जेथेबुङ काम पाघा नेलाइकोङ भालाइको भासिङ पाघा , का येसु:को बारेता ये: बानाल नेलाइहेङ दोअ्घा कालाउ का द्याङ्गेलाइको आगाता कालाउ नेलाइको गोतेङ साता धिरपाघा | 21 का झाराङ यहुदिगेलाइहेङ कालाउ ग्रिकगेलाइहेङ हृदय परिबर्तन पालि परमेस्वरता लोसु दोअ्घा | का इम्बालाइहेङ झाराङ्हेङ केलाइको प्रभु येसु:ता खान्धुरि पासु दोअ्घा | 22 कालाउ एला पबित्त्तरो आत्माको आदेस पालन पालि गोइखे | का यरुसलेम हानिलिङ गोयाङ कालाउ कासिहेङ थाहा मान्थु इन्ता काङको हाइ गुति जेनाङ | 23 का इदोइ झोको गिखा कि गोतेङ सहरता पबित्तरो दोअ्खे,कि बन्धन कालाउ कस्तगेलाइ यरुसलेमता कासेहेङ र्-र्हुमतेङ हि | 24 का ताइमिङ काङ्को जिवनहेङ ध्यान मापिखा, मुख्य काथा का काङ्को काम पालि दोअ्लि गोइका हि | का इङ्को काम दोअ्पालि भोखा जेदोङ प्रभु येसु:सोम्पिका हि द्याङ्गेलाइहेङ परमेस्वरको अनुग्रहको ये:बानाल दोअ्लि | 25 कालाउ एला कासेहेङ ध्यान पितेङ हिङ्सु, का गिखा कि नेलाइ हासुबुङ कासेहेङ आरोङ हेलाउबुङ मातिङस्वाना | का नेलाइदोफाङ जेलाउबुङ, हिघाखा,का नेलाइहेङ परमेस्वरको सारभिको बिसयता ये:बानाल दोअ्घा | 26 एसापा नानि का दोअ्लि खाङ्दोङ्खा कि कासेहेङ साङ्खा मान्थु एदि नेलाइ मध्येसो हासुबुङ मुक्ति मानिङ्सुना पानु परमेस्वर कासेहेङ दोसिलि मालागायाङ ! 27 का या दोअ्लि द्वाङका हाइपालिपानु का गिखा कि का नेलाइहेङ गोताङकाथागेलाइ दोअ्घा जेदोङ नेलाइ गिसु दोअ्तेङ परमेस्वर चाहिघाखे | 28 नेलाइ ताइमिङ कालाउ गोताङ जेरको भाअ्सिङ सावाधान हिसु, पबित्तरो आत्मा नेलाइहेङ इङ्को जेरको सामाराइलि कालाउ परमेस्वरको मण्डलिको गोठालो पालि सोम्पिका हि,जेदोङ परमेस्वर मण्ड लिहेङ ताइकोङ हितिहोइ चोल्का हि | 29 का गिखा कि का हानिलि दोअ्तेङ न्हुसो हेथेते वाबाल गेलाइ नेलाइको जेरता ल्वावा , इम्बालाइ क्रुर स्याइले गेलाइ भाइका हि | इम्बालाइ इङ्को बथानहेङ नासापालि दाउभोकावा | 30 नेलाइको ताइकोङ झुन्डसोबुङ इन्सिका द्याङ्गेलाइ देखाल जेनावा ज्याइ सत्ये काथाहेङ बाङ्गिपावा | नेलाइ येसु:को चात्यागेलाइहेङ लाअ्पालि दाउभोकावा कालाउ इम्बालाइहेङ पिताइसु दोअ्तावा | 31 ओदोङ भाअ्सिङ जोगेतेङ हिसु, गोताङ दिना इङ्को काथा याद पासु : का नेलाइदोफा सुम बासार ठेकापा हिघा, ओदोङ समयता का नेलाइहेङ चेताउनि पितेङ हिघा, का झेम्पाङ लिपाङ नेलाइहेङ सिक्स्या पिघा, का हेथेते नेलाइको भाअ्सिङ खारघा | 32 'एला का नेलाइहेङ परमेस्वरको जिम्मता कालाउ वाको अनुग्रहको वचनता लाअ्तेङ हानाङ्का ज्याइ नेलाइहेङ बलियाका बानाइयावा,| इङ्को वचनहोइ नेलाइहेङ आसिरबाद प्यावा जेदोङ परमेस्वर वाको गोताङ पबित्तरो द्याङ्गेलाइहेङ प्यावा | 33 का हेलाउबुङ ताइको भाअ्सिङ हासुकोबुङ ताका कालाउ लोखन धावागेलाइ माभोघा | 34 नेलाइ गिसुखेना ,कि का ताइको कालाउ ज्याइदोफा हिघाखे इम्बालाइको खाचो ताइमिदोङ पुरा पाघा | 35 का नेलाइहेङ जेलाउबुङ का भाइपाङ उदाहरन जेङ्तेङ तिङ्पाघा कालाउ जाइ दुर्बल हि इम्बालाइहेङ साघाइसु दोअ्घा, का प्रभु येसु:को वचन याद पालि धिरपाका , येसु: दोअ्हि र्हुलि खान्तेङ भरू पिलिदोङ झाराङ खान्तेङ, हेन्जा आनन्द हि |'' 36 जेलाउ पावल इङ्को काथागेलाइ दोअ्लि दोअ्तेङ,वा तिरु थोतेङ कालाउ झाराङ मिलितेङ दोमचाकाइहि | 37 इम्बालाइ झाराङ खार्हि कालाउ पावलहेङ खोमतेङ चुमाचाहि | 38 नेलाइ आरोङ हेलाउबुङ वासेहेङ मातिङ्स्वाना दोअ्तेङ पावल दोअ्का काथाता इम्बालाइ हेन्जाङ सोक पाहि | कालाउ इम्बालाइ वासेहेङ जहाजता सिरपुहि |