प्रेरितों के काम 16

पावल डर्बि कालाउ लिस्ट्रा सहरगेलाइता ठुकाहि, ख्रिस्तको एमि चात्या तिमोथि इन्ता हिघाहि | तिमोथिको आमाइ यहुदि हिघाहि येसु:ता खान्धुरि पाघाखे, वाको आबा ग्रिक हिघाहि | 2 लिस्ट्रा कालाउ आइकोनियम थामेको खान्धुराइगेलाइ तिमोथिहेङ सम्मान पाघाखे इम्बालाइ वाको बिसयता रेम्का काथा पाघाखे | 3 पावल ताइदोफा तिमोथिहेङ दोफाङ चुम्पुलि भोगाघासे ,कालाउ इङ्को थामेता हिका यहुदिगेलाइ वाको आबा यहुदि माको ग्रिक दोअ्तेङ थाहा गिघा हिघाहि, ओदोङ भाअ्सिङ पावल यहुदिगेलाइहेङ लेङ्चापालिको भाअ्सिङ तिमोथिहेङ खतना पाहि | 4 इम्बालाइ सहरगेलाइको दामा पातेङ हानिहि कालाउ यरुसलेमको प्रेरितगेलाइ कालाउ एल्डरगेलाइ पिका नियमगेलाइ कालाउ नियमगेलाइ खान्धुराइगेलाइहेङ दोअ्पिहि कालाउ इम्बालाइहेङ इङ्को नियमगेलाइ पालन पालि दोअ्हि | 5 ओदोङ भाअ्सिङ मण्डलिगेलाइ खान्धुरिता बलियाका जेङ्काताङ कालाउ दिनाङ-दिनाङ जेरगेलाइ बाढेकाताङ हानिहि | 6 पावल कालाउ वाको दोफा बो द्याङ्गेलाइ फ्रिगिया कालाउ गलातिया दोअ्का सारभिको दामापाहासो हानिहि | पबित्त्तरो आत्मा इम्बालाइहेङ एसिया सारभिता ये:बानाल. पालिअनुमति मापिहि | 7 पावल कालाउ तिमोथि माइसिया सार्भिभारि हानिहि , इम्बालाइ बिथिनिया सार्भि हानिलि खाङ्घाखे | कालाउ येसु:को आत्मा इन्सो हानिलि अनुमति मापिहि | 8 ओदोङ भाअ्सिङ इम्बालाइ माइसिया सार्भि पातेङ तरोआस सहर हानिहि | 9 कोकोङ दिलिमा पावल एलोङ दरसन निङ्हि वाको दर्सनता एअ्मि द्याङ म्यासिदोनियासो वाकोता लोहि ,उङ्को द्याङ इन्ता जाअ्हि कालाउ सेउपाहि,''म्यासिदोनिया पारा कालाउ केलाइहेङ सहयोग पासु !'' 10 पावल इन्सिका सपना तिङ्तेङ न्हुसो केलाइ धेमाङ म्यासिदोनिया हानिलि तियार जेङ्नाहि | केलाइ बुझिन्हाहि कि परमेस्वर केलाइहेङ इङ्को द्याङ्गेलाइहेङ ये:बानाल दोअ्लि काइका हि | 11 एलोङ जाहाजता तरोआस लाअ्तेङ केलाइ समुन्द्रको दामापातेङ सिधाङ सोमोथ्रेसको लाख भारि हानिन्हा हि | भेनाङ दिना केलाइ समुन्द्रको दामा पातेङ नियापोलिस सहर थुकालि लोन्हाहि | 12 कालाउ न्हुसो केलाइ फिलिप्पि हानिन्हाहि,इङ्को म्यासिदोनिया अनच्लको मुख्य सहर हिघाहि | कालाउ इङ्को रोमिगेलाइको सहर हिघाहि ,केलाइ इनता थुकाली लोन्हाहि ,केलाइ इनता आले दिना थेकापा हिनाहि | 13 माइसा चाका दिनाता केलाइ मुख्य सहरको फिनुसो बाहार उल्हितेङ झोराभारि हानिन्हाहि ,केलाइ सोचिन्हाकि इन्ता दोम्चाका एलोङ थामे हिलि गोयाङ | आधिमि बेबालाइ इन्ता जोम्तेङ हिका हिघाहि | कालाउ केलाइ योम्नाहि कालाउ इम्बालाइदोफा काथा पासुन्हाहि | 14 इनता थाइआतिरा दोअ्का सहरता लिडिया मिङ हिका एमि बेबाल द्याङ हिघाहि, वाको काम (पेसा) नेल्पा धावा ,लोखन पिअ्का काम हिघाहि, वा सत्ये परमेस्वरको पुजा आराधाना पाखे | लिडिया पावलको नुइ धुइका हिङ्तेङ हिघाहि कालाउ प्रभु पावलको दोअ्का काथा खान्धुरिपालि वाको हृदय खोलिपिहि | 15 वा कालाउ वाको साता हिका झाराङहेङ बप्तिस्ता पिहि , कालाउ न्हुसो लिडिया ताइको साता केलाईहेङ नेउता पिहि | वा दोअ्हि,''एदि नेलाइ कासेहेङ प्रभु येसु:को जातिइको खान्धुरिपाका मानिस्वाना पानु,काङ्कोता लोसु कालाउ योम्सु,वा केलाइहेङ वाको साता हिलि कोरकाप पाहि | 16 ए समयता जेलाउ केलाइ दोमचाका थामेता हानिकाताङ पालाउ इदोइ घाताना घतिहि , एलोङ चाकारिया: बेजान केलाइहेङ दुसुहि | वाको लिता एलोङ दुस्त आत्मा हिघाहि | इङ्को आत्मा वासहेङ न्हुसो भबिस्यता हाइ जेङ्लि दाङ दोअ्का काथाको सरबुङ हिघाहि | एन्सापातेङ उङ्को चाकारिया ताइको मालिक गेलाइको भाअ्सिङ हेन्जा ताका कामाइघाखे | 17 उङ्को बेजान पावल कालाउ केलाइहेङ लेसारा पिताइहि, वा हिकाइहि कालाउ दोअ्हि,''इदोइ द्याङ्गेलाइ एकदम सर्बोच्च परमेस्वरको ! बान्धाइति | इम्बालाइ मुक्तिको दामा नेलाइहेङ दोअ्पियावा |' 18 उङ्को बेजान इन्सिका हेन्जा दिना थिकापा पाहि वा पावलहेङ दिक्को लागाइहि कालाउ वाको भारि फन्क्क घुरितेङ इङ्को आत्माहेङ दोअ्हि,''येसु:ख्रिस्तको सरबुङ्होइ का नासेहेङ आग्या पाखा,उङ्को बेजानसो बाहार ओल्हे !''उङ्को आत्मा ओदोङ घुरि बाहार अल्लिपाहि | 19 उङ्को बेबालको माझनगेलाइ इम्बालाइको कामाइका जेदोङ,आसा हिघाहि,इङ्को थाहा गितेङ पावल कालाउ सिलासहेङ रि्मतेङ बाजार, हातेको चोकता सासक गेलाइकोता आगाता ताअ्निकाताङ चुम्पुहि | 20 पावल कालाउ सिलासहेङ रि्मतेङ चुमाहि कालाउ हाकिमगेलाइहेङ दोअ्हि, इङको थाहा गितेङ पावल कालाउ सिलासहेङ रि्मतेङ बाजार हातेको चोकता सासकगेलाइकोता ताअ्निकाताङ चुम्पुहि | 21 एबालाइ रिति-तिथिगेलाइ माधिरपाखे जेदोङ केलाइहेङ पालि अनुमति मान्थु , केलाइ रोमन नागरिक गेलाइ कालाउ इङ्को काथागेलाइ पालि माद्वाङ |'' 22 जेरहोइ,द्याङ्गेलाइ पावल कालाउ सिलासहेङ काथा तोम्पा हि इन्ताको हाकिमगेलाइ पावल कालाउ सिलासको लोखनगेलाइ थेअ्पिहि , कालाउ दानाइलि द्याङ्गेलाइहेङ आग्या पिहि | 23 ओबालाइ पावल कालाउ सिलासहेङ हेन्जा खे दानाइहि कालाउ इम्बालाइहेङ झ्यालखानाता थुनिहि | झ्यालखानाता हाकिमगेलाइ ओबालाइहेङ दोअ्हि इम्बालाइहेङ खुब रेसितेङ खा 24 झ्यालखानासो हाकिम इन्सिका आदेस पिहि कि इम्बालाइहेङ झ्यालखानाको निकोङ लिता थुकाका कोथाता थुनिहि | इम्बालाइको खोकोइ ठिङ्गुरिता तापिहि | 25 आधा न्हिसिन्ता पावल कालाउ सिलास दोमचातेङ कालाउ प्रभुको लेगेलाइ लेतेङ हिघाहि | बो कैदिगेलाइ हिङ्तेङ हिघाहि | 26 आचानक इन्ता बारका भुइचाल लोहि ज्याइ झ्यालखानाको जगहेङहेङ हेङ्गालाइन्हाहि , कालाउ न्हुसो एन्सालाउदोङ झ्यालखानाको गोतेङ फिनुगेलाइ हिन्हाहि | गोतेङ कैदिगेलाइहेङ धेउका झिनझिरिगेलाइबुङ खाइन्हाहि | 27 जेलको हाकिम निन्दासो ल्होहि वा झ्यालखानाको गोतेङ फिनुगेलाइ हिन्हाका तिङ्हि कैदिगेलाइ खाअ्होइ वाला दोअ्तेङ मनता सोचिहि ,ओदोङ भाअ्सिङ तरबार ओल्लापातेङ झ्यालखानाको हाकिम ताइमिङहेङ से:लि तियार जेङ्का हिघाहि | 28 कालाउ पावल र्हिकाइहि ,ताइमिहेङ हाइदोङ नाक्सान मापा , केलाइ झाराङ इताङ हिन्हाहि | 29 जेलको हाकिम गेसा चुमालि आदेस पाहि, कालाउ न्हुसो वा थिकासो फिरकाताङ लिला धाअ्तेसाङ वा पावल कालाउ सिलासको आगाता झाका लोङ्हि | 30 न्हुसो इम्बालाइहेङ बाहार ओल्लापाहि कालाउ दोअ्हि,आनाउ गेलाइ ! (महोदय गेलाइ) | मुक्ति निङ्लि का हाइपालि गोयाङ ?'' 31 इम्बालाइ वासेहेङ दोअ्हि,''प्रभु येसु:ता खान्धुरिपासु कालाउ ना कालाउ नाङ्को साको द्याङ्गेलाइ मुक्ति निनावा |'' 32 एसापा पावल कालाउ सिलास प्रभुको बचन जेल अधिकारि कालाउ वाको साता हिका झाराङहेङ दोआ्हि | 33 हेन्जाङ न्हिसिन जेङ्का हिघाहि ओदोङ भाअ्सिङ जेल अधिकारि पावल कालाउ सिलासहेङ चुमातेङ इम्बालाइको पेचारागेलाइ झापिहि | ओदोङ्घुरि जेल अधिकारि कालाउ वाको गोताङ ताइकोगेलाइहेङ बप्तिस्ता 34 कालाउ जेल अधिकारि पावल कालाउ सिलासहेङ ताइको साता चुम्पुहि कालाउ उम चालि पिहि | वा कालाउ वाको बङ्सोगेलाइ झाराङ द्याङ्गेलाइ मेनाङ लेङ्चाहि हाइपालिपानु इम्बालाइ परमेस्वरहेङ खान्धुरिपाका हिघाहि | 35 जुम्नि र्हिमाङ हाकिमगेलाइ आधिमि लान्ठागेलाइहेङ अधिकारिकोता खबर पिगिल्हि; उङ्को द्याङ्गेलाइहेङ लाअ्पि | 36 जेल अधिकारिले पावलहेङ दोअ्हि,हाकिमगेलाइ यिदोइ लान्ठागेलाइ नेलाइहेङ लाअ्पिलि दोअ्लि दिङ्गिल्का हि , नेलाइ एला सान्तिदोफा हानिलि दोअ्स्वाना |'' 37 कालाउ पावल सिपाहिगेलाइहेङ दोअ्हि,''नाङ्को हाकिमगेलाइ केलाइ गल्ति पाकाको कारनसो प्रामान पालि मादोहि | कालाउ इम्बालाइ केलाइहेङ द्याङ्गेलाइको आगाता डानाइहि, कालाउ जेलता थुनिहि | केलाइ रोमिनागरिक हिनाहि,ओदोङ भाअ्सिङ केलाइको खबर हि | एलाङ इम्बालाइ सि:कालाइ ताइमिङ स्वयमलोलि गोयाङ कालाउ केलाइहेङ बाहार ओल्लापालि गोयाङ |'' 38 लान्ठागेलाइ जेदोङ पावल दोअ्हि ,इङ्कोङ हाकिमगेलाइहेङ हिङ्पापिहि जेलाउ हाकिमगेलाइ पावल कालाउ सिलासहेङ रोमि नागरिक दोअ्तेङ गिहि; इम्बालाइ मेनाङ थिहि | 39 ओदोङ भाअ्सिङ ओबालाइ पावल कालाउ सिलासकोता लोतेङ ताइको भुल गल्तिगेलाइ प्रति स्यामा याचाना पाहि | ओबालाइ पावल कालाउ सिलासहेङ जेलसो उल्लापातेङ सहर लाअ्तेङ हानेसु दोअ्हि | 40 कालाउ इम्बालाइ जेलसो ओल्लितेङ सोझाङ लिडियाको सा-भारि हानिहि , इम्बालाइ इन्ता आधिमि दाइ-ओनेगेलाइहेङ तिङ्हि कालाउ ओबालाइहेङ उत्साह पिहि कालाउ न्हुसो पावल कालाउ सिलास ताइको दामा चाहि |