प्रेरितों के काम 13

एन्तिओखियाको मण्डलिता अगमबक्तागेलाइ कालाउ सिक्स्क गेलाइ,बरनाबास काला दोका सिमियोन,कुरिनिको लुकियस,राइजि सासक हेरोददोफा हुर्किका मनेन कालाउ साउल हिघाहि | 2 इम्बालाइ प्रभुको आराधाना पातेङ हिका कालाउ ब्रत र्हुतेङ हिकाबेला पबित्तर आत्मा दोहि,''काङ्को भाअ्सिङ बारनाबास कालाउ साउलहेङ इङ्को कामको भाअ्सिङ खेङ हि,जेदोङ कामको भाअ्सिङ का इम्बालाइहेङ काइका हिघा |'' 3 जेलाउ ब्रत कालाउ दोम चाकाइतेङ इम्बालाइ ओबालाइ हुता ताइको खुर तातेङ ओबालाइ बिदा पिहि | 4 कालाउ पबित्तरआत्मासो दिङ्गिल्कानाङ इम्बालाइ सिलुकियाता हानेहि कालाउ इन्तासो जाहाजता धोल्तेङ साइप्रसभारि हानिहि | 5 सलामिसता थुकालि दोतेङ इम्बालाइ यहुदिगेलाइको चौघारा सागेलाइता परमेस्वरको ए बानाल बानाल पाहि | इम्बालाइहेङ सघाइलि यु:हन्ना ओबालाइ दोफा हिघाहि | 6 जेलाउ इम्बालाइ झाराङ टापुको दामापाहासो पाफोस थेकापा थुकालि लोहि,कालाउ इन्ता इम्बालाइ एमि यहुदि धताइका अगमबक्ता बार येसु:दोअ्का एनोङ जादुगरहेङ दुसुहि | 7 उङ्को जादुगर एनोङ राइजिको सासक स्वर्गियस पौलुस दोफा हिघाहि | स्वर्गियस पौलुस बुदिमानद्याङ हिघाहि | वा साउल कालाउ बारानाबास हेङ काइतेङ परमेस्वरको बचन हिङ्लि इस्सा पाहि | 8 कालाउ एलुमास जादुगर (हाइपालिदोनु ग्रिक भासाता वाको मिङ को माने इदोइ दोङ) स्वर्गियस पौलुसहेङ खान्धुरिसो घुरिपालि भोतेङ इम्बालाइको सम्मान पाहि | 9 कालाउ साउल,जाइहेङ पावल बुङ दोखे,पबित्तरआत्मा पुङ्गातेङ वासिहेङ भाङ्भाङ पातेङ्खाङ हि, 10 ना''दियाबलसको चान,सारा धामिकताको सतुर गोताङ धाताइका कालाउ दुस्तहोइ पोङ्घाका! हाइ ना प्रभुको सिधाका दामाहेङ केउपालि मालाताना ? 11 एला खाङ,प्रभुको खुर नाङ्को हुता परिका हि, कालाउ ना एला आसा समय थेकापा सान्हेको फाइसालामाका मातिङ्का जेङ्तेङ कान्हा जेनाना |''कालाउ ओदोङ घुरि कुकुवा कालाउ कितिकितिका होइ वासिहेङ थुम्हि,कालाउ हासुबुङ वाको खुर चातेङ थोनावा बे दोअ्तेङ वा इसो उसो हानिलि तेङ हि | 12 कालाउ राइजिको इङ्को सासक इन्सिका जेङ्का तिङतेङ खान्धुरिय पाहि,हाइपालिपानु प्रभुको सिक्स्याता वा भाङ्भाङ हि | 13 पावल कालाउ वाको सानाइतिगेलाइ पाफोससो जाहाज ताङ्तेङ पाम्फिलियाको पर्गाता थुकाहि,कालाउ यु:हन्ना चाहि इम्बालाइसो लाअ्तेङ यरुसलेम भारि घुरिहि | 14 कालाउ इम्बालाइ पार्गासो ओलितेङ पिसिदियाको एन्तिओखियाता लोहि,कालाउ सबाथको चौघारा लिता हानितेङ योम्हि | 15 एला ब्यबस्था कालाउ अगमबक्ताको किताब पदेलि दोअ्तेङ चौघारा साको सासकगेलाइ ओबालाइकोता एसा दोअ्तेङ दिङ्गिल्हि,''एइ ओनेगेलाइ,नेलाइ दोफा द्याङ्गेलाइको भाअ्सिङ अर्तिको बचन आसाहे पानु दोसु |'' 16 कालाउ पावल जाअ्तेङ खुरको इसारा दोहि,''हे एस्राएलका द्याङ्गेलाइ कालाउ परमेस्वरसो थिकालाइ हिङ्सु, 17 एस्राएल जातिको परमेस्वर केलाइको आबा आजुगेलाइहेङ चुनितेङ मिस्र सारभिता हिलाउ ओबालाइ हेङ माहान बानाइ हि,कालाउ वाको सरभुङ साइका बलसो ओबालाइहेङ इङ्को सारभिसो उल्लिपातेङ चुमाहि | 18 उदादाङ्का थामेता लगभग न्हेकुरि बासार थेकापा वा ओबालाइहेङ स्माराय हि | 19 जेलाउ वा कानान सारभिता न्हिलोङ जातिहेङ नासापातेङ इम्बालाइको सारभिको खाबारा लगभग दिया साय न्हे कुरि बासार थेकापा इम्बालाइहेङ पिहि | 20 'इदोइ काथा न्हुसो सामुएल अगमब्क्ताको पाला थेकापा वा न्याकरता गेलाइ पिहि | 21 कालाउ न्हुसो इम्बालाइ राजारेहि,कालाउ परमेस्वर बेन्यामिन कुलको किसका चान साउलहेङ न्हेकुरि बासार थेकापा इम्बालाइ हुता राइजिपालि पिहि | 22 वा वासिहेङ खेङ्लि दोअ्तेङ न्हुसो दाउदहेङ इम्बालाइको राजा जेङ्लि जापाहि | वाको बिसयता परमेस्वर गवाहि पितेङ दोअ्हि,'का यिसैको चान दाउदहेङ काङ्को हृदय सोङ मन परिका द्याङ निङ्घा,जाइ काङ्को गोताङ इस्सा पुरा पावा |' 23 परमेस्वर ताइको बचन भाइपाङ दाउदको एलोङ,सान्तानहेङ मुक्ति दाताको रूपता इस्राएलता दिङ्गिल्हि | उङ्को बङ्सको सान्तान येसु:दोङ | 24 येसु:लोलि लाम्फाङ यु:हान्ना गोताङ यहुदिगेलाइता बानाल पाहि | यु:हन्ना इम्बालाइहेङ दोअ्हि,''नेलाइ स्वयम परिबर्तन जेङतेङ तिङपालिको भाअ्सिङ पासुताप पासु कालाउ बप्तिस्ता हुसो | 25 यु:हन्ना ताइको काम दोपालि दोका पहरता दोअ्हि,''का हासु दोअ्तेङ नेलाइ सोचिसुखेना ? का ख्रिस्त माको | भरू वा,का न्हुसो ल्वाङ | का वाको जुत्ता खाइलि थिकापाको योग्यो मान्ठुघा | 26 ''काङको दाइ-ओनेगेलाइ ! आब्राहामको सान्तानगेलाइको जामालाइ कालाउ नेलाइ परमेस्वर सो थिकालाइ मन पितेङ काङको काथा हिङसु | इदोइ मुक्तिको बानाल केलाइकोता पिगिल्हि दोहोइ | 27 यरुसलेमका द्याङगेलाइ कालाउ इम्बालाइको अगुवागेलाइ येसु:स्वयम (वादोङ,वाआङ) वाआङदोङ मुक्तिदाता दोअ्तेङ मागिहि | अगमबक्ता गेलाइ येसु:को बिसयता लेखिका बचनगेलाइ माइसाचाका दिनाता द्याङगेलाइको आगाता पहेखे(पढेखे ) कालाउबुङ इङको इम्बालाइ माबुझिहि | कालाउ बुङ अगमबक्ता गेलाइ दोअ्का बचन पुरा जेङहि | 28 इम्बालाइ येसु: हाइपालि सिहि द्याङ दोअ्का हिदोइबुङ ख़ास कारणगेलाइ मानिङ्हि,कालाउ इम्बालाइ वासेहेङ सेअ्लि गोयाङ दोअ्तेङ पिलातसकोता माग र्हेहि | 29 उङको यहुदिगेलाइ येसु:को बिसयता हाइ जेङलि गोइका हिघाखे,धर्म सास्तरता लेखेका गोताङ पुरा पाहि | कालाउ इम्बालाइ येसु:हेङ क्रुससो लेता खुअ्पाहि कालाउ तोम्ता ताअ्हि | 30 कालाउ परमेस्वर वासेहेङ सिकासो सिन्चाल पाहि (सिन्हुपाहि) | 31 इदोइ घाताना न्हुसो,हेन्जा दिना,द्याङगेलाइ जाइ-जाइ येसु:दोफा गालिलसो यरुसलेम थिकापा दोफाङ हानिका हिघाहि ओबालाइ वासेहेङ तिङहि | एला उङको द्याङगेलाइ दोङ वाको अरु द्याङगेलाइको भाअ्सिङ गवाहि | 32 केलाइको आजाइ-आजुगेलाइ कालाउ परमेस्वर इदोइ प्रतिग्याको बारेता ये:बानाल केलाइ नेलाइहेङ दोअ्ताङ | 33 केलाइ ओबालाइको जामालगेलाइ कालाउ परमेस्वर इदोइ प्रतिग्या केलाइको भाअ्सिङ येसु:हेङ सिकासो सिन्चापातेङ पुरा पाका हि | केलाइ भजनसङ्ग्रह बुङ इदोइ काथा पदेनाखे: ''नेलाइ काङको चान,नानिका नेलाइको आबा-आजु जेङ्घा | 34 परमेस्वर येसु:हेङ सिकासो सिन्हु पाहि | येसु:आरोङ हेलाउ बुङ तोम लिता मादुलाङ ना ते धुलादोङ जेनाङ,कालाउ परमेस्वर दोअ्हि:'का नेलाइहेङ पबित्तरो कालाउ सत्ये प्रतिग्या गेलाइ प्याङका जेदोङका दाउदहेङ पिघा |' 35 भेनेङ थामेता परमेस्वर दोअ्खे: 'नाङको एमि पबित्त्तरो जिउहेङ तोमता आइलि माप्याङ |' 36 दाउद ताइको समय भरि परमेस्वरको इच्छा भाइपाङ सेवा पाहि | न्हुसो दाउद सिहि कालाउ वाको ताइकोङ आजाइ-आजुगेलाइ दोफा लिहि | कालाउ वाको जिउ तोमता आइहि | 37 एमि ज्याइहेङ परमेस्वर सिकासो सिन्हुपाहि वाको जिउ तोमता माआइहि | 38 दादा-ओनेगेलाइ नेलाइ इदोइ बुझिलि गोइ स्वाना: वाको पाहासो नेलाइहेङ नेलाइहेङ नेलाइको पाप गेलाइको भाअ्सिङ स्यामा पिकाहि | 39 कालाउ झाराङ द्याङ ज्याइ वाकोता खान्धुरि पाखे इङ्को गोताङ काथागेलाइसो लाअ्पाखे जाइको भाअ्सिङ मोसाको ब्यबस्थाता नेलाइहेङ लाअ्पालि मादोहि | 40 अगमबक्ता गेलाइ आधे घाटाना जेनाङ दोअ्तेङ दोअ्हि,(साबधान) खबरदार ! इसिका घाताना ताइमिता घटेलि मापिसु,अगमबक्ता दोअ्हि: 41 ज्याइदोङ सङका पाखे,हिङसु ! नेलाइ सक्क परेलि दोअ्स्वाना,काङको नजरसो दुरे हिसु कालाउ धेमाङ सिसु हाइपालि दोनु नेलाइको समयता का आधे काम पाप्याङका जेदोङ नेलाइ खान्धुरि मापास्वाना | एदि नेलाइहेङ हासुबुङ इङको बर्नन पिलाउबुङ नेलाइ खान्धुरि मापास्वाना |'' 42 (पावल कालाउ बर्नाबास) पावल रो बार्नाबास चाउघारा सा लाअ्तेङ हानिकाताङ पालाउ द्याङगेलाइ आरोङ भेनेङ माइसाचाको दिनाता लोसु: ! दोअ्हि कालाउ इङको काथागेलाइसो आरोङ हिन्जा दोअ्सु दोअ्तेङ ओबालाइ सेउपाहि | 43 चाउघारा साको बानाल दोतेङ न्हुसो हेन्जाङ यहुदि गेलाइ कालाउ हेन्जा द्याङगेलाइ जेदोङ यहुदि धर्मता हिघाहि कालाउ सत्ये परमेस्वरको आराधाना (पुजा) पाधाखे,इम्बालाइ पिताइहि | पावल कालाउ बार्नाबास इम्बालाइ दोफा नुइ धुइलि कालाउ परमेस्वरको अनुग्रह निङतेङ हिसु दोअ्तेङ हाउसाइ पाहि (उत्साह) | 44 भेनेङ माइसाचाकाको दिना,सहरको हेन्जा जसो: झाराङ द्याङगेलाइ प्रभुको बचन हिङलि जोम्हि | 45 जेलाउ यहुदिगेलाइ इङको द्याङगेलाइ इन्ता तिङहि,ओबालाइता मेनाङ डाहा जेङहि (भुत भुताइहि ) | ओबालाइ आखेका बचनगेलाइ दोअ्हि कालाउ पावलदोफा काथा फेअ्सुहि | 46 पावल कालाउ (रो) बार्नाबास सुभानो जेङतेङ (निडर) नुइ धुइहि | परमेस्वरको सान्देस लाम्फा नेलाइ यहुदिगेलाइहेङ दोअ्लि आबर्स्यक हिघाहि | कालाउबुङ नेलाइ हिङलि माकिसुन्हा | नेलाइ ता-ताइमिदोङ अनन्त जिबनको भाअ्सिङ योग्योको माठानिसुन्हा जेलाउ केलाइ आननिय जातिगेलाइ भारि घुरिन्हाखे | 47 यादोङ परमप्रभु केलाइहेङ केलाइहेङ पालि दोअ्तेङ आग्या पाका हिका हि | परमप्रभु दोअ्का हि: ''का नेलाइहेङ आननिय जातिको भाअ्सिङ तालि (ज्योति) बानाइका,हिघा,ताकि नेलाइ मुक्तिको दामा गोताङ सुमिङता (संसार,जगत) तिङपालि दोअ्स्वाना |'' 48 जेलाउ आन्निपा जाति गेलाइ (गैर-यहुदिगेलाइ ) इन्सिकादोअ्का हिङहि,इम्बालाइ लेङचाहि | इम्बालाइ परमेस्वरको बचनहेङ बाखानाइ पाहि | कालाउ हेन्जा जसो द्याङगेलाइ इङको बचनता खान्धुरि पाहि | इम्बालाइ उङकोङ द्याङगेलाइ हिघाहि जाइहेङ जिबनको भाअ्सिङ साल्का हिघाहि | 49 कालाउ प्रभुको बचन गोताङ थामेभारि बानाल चार-चाराइहि(फैलियो) | 50 यहुदिगेलाइ सहरको आधिमि बार्का (मुख्य) तिरिगेलाइ (नारि) ज्याइ सत्ये परमेस्वरको पुजा (आराधाना) पाघाखे,कालाउ बार्का वाबालाइ पावल कालाउ बर्नाबासको बिरुदृता उस्काइहि | इङ्को द्याङगेलाइ पावल कालाउ बर्नाबासहेङ साताइलि तेङहि कालाउ ओबालाइहेङ सहरसो बाहार उल्ला पाहि | 51 ओदोङ भाअ्सिङ पावल कालाउ बार्नाबास इम्बालाइको बिरोदृ ताइको खोकोइको धुलागेलाइ रि्हिपाहि | कालाउ न्हुसो इम्बालाइ आङको नियम दोअ्का सहरभारि हानिहि | 52 कालाउ एन्तिओकाता हिका चात्यागेलाइ आनन्द कालाउ पबित्त्तरो आत्माहोइ पोङ्घा (परिपुर्ण) का हिघाहि |